فوتو:Liter.kz
كولىكتى ساتۋعا كەلەتىن بولساق, بولشەكتى جەتكىزۋ بىرنەشە ايعا سوزىلعان. تاۋاردى قايتارۋ نەمەسە ايىرباستاۋ تۋرالى شاعىممەن كولىك يەسى اۆتوسالونعا سوتقا دەيىنگى تالاپ-ارىزىن تاستادى. ماسەلەنى شەشۋ ارەكەتىنەن ناتيجە شىقپاعاندىقتان, تۇتىنۋشى استانا قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنە حابارلاسۋعا ءماجبۇر بولدى.
كولىك يەسى ءوز شاعىمىندا ساتۋشىنىڭ اقاۋلاردى جويۋدان, كولىكتى ايىرباستاۋدان نەمەسە اقشانى قايتارۋدان باس تارتقانىن, سونىمەن قاتار كەپىلدىك جوندەۋ شارتتارىن بۇزعانىن كورسەتكەن.
ءىس سوت ورگاندارىنا جىبەرىلدى. دەپارتامەنت باسشىسى نۇرعالي قۋاندىق ۇلى, ەگەر تەحنيكالىق جاعىنان كۇردەلى تاۋاردا ەلەۋلى كەمشىلىك تابىلسا, ساتىپ الۋشىنىڭ تاۋاردى اۋىستىرۋعا نەمەسە اقشانى قايتارۋعا قۇقىعى بار ەكەنىن ءتۇسىندىردى.
سوت ساتىپ الۋشىعا اۆتوكولىكتىڭ قۇنىن قايتارۋعا, 100 مىڭ تەڭگە مولشەرىندە مورالدىق زالالدى وتەۋگە, جوندەۋ كەزىندە استانادا تۇرۋعا 71 مىڭ تەڭگە مولشەرىندە شىعىنداردى, زاڭ قىزمەتتەرىنە 500 مىڭ تەڭگە جانە 161 مىڭ تەڭگە مولشەرىندە مەملەكەتتىك باج-دى تولەۋ تۋرالى ۇكىم شىعاردى.
وتەماقىنىڭ جالپى سوماسى 16 ميلليون 677 مىڭ تەڭگەنى قۇرادى.
قىرمىزى جۇماعاليقىزى,
ەۇۋ ستۋدەنتى
