پاۆلودار وبلىسىندا سايلاۋدى ۇيىمداستىرۋ جوعارى دەڭگەيدە وتۋدە

پاۆلودار. 26 ءساۋىر.  وبلىستا 31 حالىقارالىق بايقاۋشى  تىركەلگەن. بۇل تۋرالى egemen.kz ءتىلشىسى حابارلادى. الىس جانە جاقىن شەت ەلدەردەن كەلگەن بايقاۋشىلاردىڭ 16-سى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ مۇشەسى بولسا, قالعان 15-ءى تمد ەلدەرىنەن كەلگەن. رەسەيدىڭ ءنوۆوسىبىر قالاسىنان كەلگەن  حالىقارالىق بايقاۋشى ولگا بلاگونىڭ ايتۋىنشا, سايلاۋدا بايقاۋشىلار ءۇشىن  دە  بارلىق جاعداي جاسالعان. تەلەفون, فاكس, عالامتور بارلىق قاجەتتى قۇرىلعىلاردىڭ ءبارى بار. ءبىر سوزبەن ايتقاندا, ۇيىمداستىرۋ جاعى جوعارى دەڭگەيدە. سوندىقتان ءبىز حالىقارالىق بايقاۋشىلار جۇمىستارىمىزدىڭ ەش كەدەرگىسىز, ءساتتى وتەتىنىنە سەنىمدىمىز. سايلاۋعا كەلۋشىلەر بەلسەندىلىگى جاقسى. وسى ۋاقىتقا دەيىن تمد اۋماعىندا بىرقاتار ەلدەردىڭ پرەزيدەنتتىك سايلاۋلارىندا حالىقارالىق بايقاۋشى رەتىندە جۇمىس ىستەگەن نوۆوسىبىردەن كەلگەن ەۆگەني رياگۋزوۆتىڭ ايتۋىنشا, بيىلعى سايلاۋدا شەتەلدىك بايقاۋشىلار سانى اناعۇرلىم كوپ. داۋىس بەرۋگە كەلگەن جۇرتشىلىقتىڭ بەلسەندىلىگى دە بايقالۋدا. ال, ءسىبىر باسقارۋ ينستيتۋتى حالىقارالىق قاتىناستار ساياساتى فاكۋلتەتىنىڭ دەكانى سەرگەي كوزلوۆ مۇنداي شاراعا العاش رەت قاتىسىپ وتىرعانىن ايتادى.  «بۇگىن وڭىرىمىزدە ەل بولاشاعىن انىقتاۋداعى ماڭىزى زور ساياسي شارا قىزۋ ءجۇرىپ جاتىر. حالىقارالىق بايقاۋشىلار سايلاۋ ۋچاسكەلەرىندە بەلسەنە جۇمىس ىستەۋدە. بارلىق ناتيجەلەر كەشكى 20 00-دە بەلگىلى بولادى», دەيدى ول. فاريدا بىقاي. دەرەك, سۋرەت: egemen.kz