فوتو: الەكسەي بالىشەۆ\ aleximg.com
وعان الماتى قالاسى اكىمدىگىنىڭ, الماتى قالاسى ىشكى ىستەر دەپارتامەنتىنىڭ, «اتامەكەن» ۇلتتىق كاسىپكەرلەر پالاتاسى الماتى قالاسى بويىنشا فيليالىنىڭ وكىلدەرى مەن كاسىپكەرلەر قاتىستى.
«Alatau Smart Technology Kazakhstan» كومپانياسىنىڭ وكىلى دانيار ءناسىپوۆتىڭ ايتۋىنشا, جاڭا IT-تەحنولوگيالاردى ەنگىزۋ, ولاردى كۇندەلىكتى قىزمەتتە كەڭىنەن قولدانۋ بۇگىنگى تاڭدا باستى مىندەتتەردىڭ ءبىرى ەكەندىگىن, ونىڭ باستى ماقساتى قوعامدىق ءتارتىپتى, جول قوزعالىسى قاۋىپسىزدىگىن قورعاۋدى كۇشەيتۋگە جانە قۇقىقتىق بۇزۋشىلىقتى انىقتاپ, قىلمىستى اشۋعا باعىتتالعان ساپالى ينفراقۇرىلىمدى تارتۋ ەكەندىگىن جەتكىزدى.
اتالعان كەشەندى تۇرىك وندىرۋشىلەرىمەن بىرلەسىپ جۇرگىزەتىن بولادى. باس زاۋىت تۇركيانىڭ ىستانبۇل قالاسىندا ورنالاسقان. ولار شيرەك عاسىردان بەرى الەم بويىنشا وسى ءونىمدى ەكسپورتتاپ كەلەدى.
جاڭا زاۋىت بيىلعى جىلى ءبىرىنشى كەزەڭدە 600, كەلەر جىلعا قاراي ءبىر مىڭ ءموبيلدى جانە ءبىر مىڭ ستاتسيونارلىق كەشەنگە دەيىن كەڭەيتۋدى جوسپارلاپ وتىر. جوباعا 64 ملرد تەڭگە جەكە كاپيتالدى ينۆەستيتسيا تارتىلىپ, 30-دىڭ ۇستىندە قۇرىلاتىن جۇمىس ورنىنا 80-گە جۋىق ادامدى جۇمىسپەن قامتۋ كوزدەلگەن.
ماقساتى – قوعامدىق كولىكتەر, جەدەل جاردەم, ورتكە قارسى جانە پوليتسيا قىزمەتكەرلەرى كولىكتەرىنىڭ قاجەتتىلىكتەرىنە ورايلاستىرىپ وتىرعانى بار.
بۇگىندەرى زاۋىتتا قوعامدىق جانە جول قاۋىپسىزدىگى سالاسىندا ساپالى تاۋارلار الۋعا مۇمكىندىك بەرەتىن تاقتالار مەن ميكروچيپتەر, كورپۋستىق بولىك وندىرەتىن ونەركاسىپتىك جابدىقتار ورناتىلعان.
الداعى ۋاقىتتا تەحنولوگيالىق ترانسفەر سالاسىنداعى ۇشقىشسىز ۇشۋ اپپاراتتارى, پاترۋلدىك پوليتسەيلەرگە ارنالعان بەينەباقىلاۋ كوزىلدىرىكتەرى, جاياۋ پاترۋلدەۋشىلەرگە ارنالعان جەتونداردى جانە باسقا دا نوۋ-حاۋدى ەنگىزۋ جوسپارلانعان.
