تاراز. 26 ءساۋىر. جامبىل وبلىسىنىڭ سايلاۋشىلارى بۇگىنگى ناۋقاندا بەلسەندىلىك تانىتۋدا. تاراز قالاسىنداعى №50 سايلاۋ ۋچاسكەسىندە كۇندىزگى ساعات 10-عا دەيىن 800-گە جۋىق سايلاۋشى ءوز تاڭداۋىن جاساپ ۇلگەردى. بۇل تۋرالى egemen.kz ءتىلشىسى حابارلادى.
ۋچاسكەدە سايلاۋشىلارعا بارلىق جاعداي جاسالعان. اۋلادا اسەم ءان قالىقتاپ جاتسا, ىشتە داۋىس بەرۋشىلەردىڭ كەيبىرى شاحمات, دويبى ويىندارىنا قىزۋ كىرىسىپ كەتىپتى. سونداي-اق, سايلاۋ ۋچاسكەسى جانىندا ساۋدا دۇڭگىرشەكتەرى قويىلىپ, ەل قاجەتتى ازىق-ت ۇلىكتەرىن ساتىپ الۋدا.
ال تاراز قالاسىنداعى №39 سايلاۋ ۋچاسكەسىنە العاشقىلاردىڭ ءبىرى بولىپ كەلگەن 78 جاستاعى بوتاباي مالدىباەۆ اقساقال ەل تاعدىرى شەشىلەتىن جاۋاپتى ساتكە بەي-جاي قاراي المايتىنىن ايتادى. بۇگىندە بەينەتىنىڭ زەينەتىن كورىپ وتىرعان قاريا داۋىس بەرۋگە ايدەگى اجەمىزبەن بىرگە كەلىپتى.
جامبىل پوليتەحنيكالىق كوللەدجىنىڭ ستۋدەنتى زاحار شاريپوۆ ءوز تاڭداۋىن №35 سايلاۋ ۋچاسكەسىندە جاسادى. بولاشاق جىلىجاي مامانى زاحار وسى ناۋقانعا ات سالىسىپ, داۋىس بەرگەنىنە وتە قۋانىشتى. «تاڭەرتەڭ ەرتە تۇرىپ, سايلاۋ ۋچاسكەسىنە جەتكەنشە اسىق بولدىم. بۇل – مەن ءۇشىن ۇلكەن جاۋاپكەرشىلىك», – دەيدى ول.
جامبىلدىق سايلاۋشىلاردىڭ ءوز تاڭداۋلارىن جاساۋدا بەلسەندىلىك تانىتۋى ولاردىڭ بۇل ساياسي ناۋقانعا اسقان جاۋاپكەرشىلىكپەن قارايتىنىن بىلدىرسە كەرەك. بىرلىگى, ىنتىماعى جاراسقان ەلدىڭ حالقى وسىنداي ۇيىمشىل بولادى.
ورالحان ءداۋىت.
دەرەك, سۋرەت: egemen.kz.
