ينفوگرافيكانى جاساعان – زاۋرەش سماعۇل, «ەQ»
زاڭنىڭ ازىرلەنۋىنە, جان-جاقتى جەتىلۋىنە اتسالىسقان بارشا ازاماتقا زور العىس بىلدىرەمىن. ونىڭ ىشىندە دەپۋتاتتىق كورپۋس, جۋرناليستىك قوعامداستىق, ۇكىمەتتىك ەمەس ۇيىمدار بەلسەندى قاتىسىپ, ەلىمىز ءۇشىن وسى ماڭىزدى زاڭدى ازىرلەۋگە ايرىقشا ۇلەس قوسقانىن اتاپ وتكىم كەلەدى.
«ماسس-مەديا» تۋرالى جاڭا زاڭ زامان تالابىنا ساي قاجەت بولدى.
1999 جىلى قابىلدانعان قازىرگى قولدانىستاعى زاڭعا 40-تان استام وزگەرىس ەنگىزىلدى. كوپجىلدىق قۇجاتتى جەتىلدىرىپ, زامانعا ساي بەيىمدەۋ – ۋاقىت قاجەتتىلىگىنىڭ ايقىن كورىنىسى.
مەملەكەت باسشىسىنىڭ تاپسىرماسىمەن زاڭدى قايتا قاراۋ جۇمىسى قولعا الىندى. مادەنيەت جانە اقپارات مينيسترلىگى دەڭگەيىندە زاڭ ءتۇرلى مۇددەلى تاراپتاردىڭ قاتىسۋىمەن بەلسەندى تۇردە تالقىلاندى, بۇل الداعى وزگەرىستەردى جان-جاقتى قالىپتاستىرۋعا مۇمكىندىك بەردى.
زاڭ جوباسىنىڭ جان-جاقتى ءارى تەرەڭ تالقىلانۋىنا دەپۋتاتتىق كورپۋس پەن پارلامەنتتەگى جۋرناليستەر وكىلدىگى ىقپال ەتتى. ولاردىڭ بەلسەندى جۇمىسى ارقىلى بارلىق اسپەكتى مەن ەرەكشەلىك ەسكەرىلىپ, زاڭ زاماناۋي مەديا كەڭىستىكتىڭ قاجەتتىلىگىنە بارىنشا بەيىمدەلدى.
ءتيىمدى قۇقىقتىق تەتىكتەردى ازىرلەۋ ماقساتىندا قۇرىلعان جۇمىس توبى 57 وتىرىس وتكىزىپ, وعان باق وكىلدەرى, ساراپشىلار مەن ازاماتتىق قوعام وكىلدەرى بەلسەنە قاتىستى.
وسى ماڭىزدى ۇدەرىسكە قاتىسقانداردىڭ بارلىعىنا تاعى دا العىس ايتامىن. سىزدەردىڭ قاجىرلى ەڭبەكتەرىڭىز بەن بىرلەسە اتقارعان جۇمىستارىڭىز ەلىمىزدەگى مەديا سالاسىن ودان ءارى دامىتۋعا نەگىز بولاتىن تاريحي قۇجات جاساۋعا مۇمكىندىك بەردى. ءبارىمىز بىرلەسىپ قازاقستاننىڭ مەديا كەڭىستىگىن اشىق ءارى جەمىستى جۇمىس ىستەۋى جولىندا جۇمىلا قىزمەت ەتەمىز دەپ سەنەمىن.
ايدا بالاەۆا,
مادەنيەت جانە اقپارات ءمينيسترى
