ۇكىمەت مۇمكىندىگى شەكتەۋلى جانداردىڭ وزدەرىن قوعامنىڭ تولىققاندى مۇشەلەرى رەتىندە سەزىنۋى ءۇشىن مۇمكىن بولعان جاعدايدىڭ ءبارىن جاساۋدا. مۇگەدەكتەردى جۇمىسپەن قامتۋ قولعا الىندى, قولارباعا تاڭىلعانداردىڭ ءجۇرىپ-تۇرۋى ءۇشىن عيماراتتاردا پاندۋس ورناتۋىلۋدا, مۇگەدەل جانداردى تۇرعىن ۇيمەن قامتاماسىز ەتۋ جىل وتكەن سايىن جاقسارا تۇسۋدە. اسىرەسە, دامۋ مۇمكىندىگى شەكتەۋلى بالعىنداردىڭ مۇگەدەك بولىپ قالۋىنىڭ الدىن الۋعا, ولاردى دەر كەزىندە ەمدەپ-ساۋىقتىرۋعا, قاتارعا قوسۋعا باسا نازار اۋدارىلۋدا.
دەرەك كوزىنە سۇيەنسەك, وبلىستا دامۋىندا بەلگىلى ءبىر اقاۋى بار 5169 ون سەگىز جاسقا دەيىنگى بالا بار ەكەن, سونىڭ 2536-سى مۇگەدەك. شىنى كەرەك, قازىرگى ۋاقىتتا مۇنداي دامۋ مۇمكىندىگى شەكتەۋلى بالالار مەملەكەتتىڭ قامقورلىعىن بۇرىنعىدان گورى كوبىرەك سەزىنە باستادى. سونىڭ ءبىر دالەلىندەي, جاقىندا اقتوبە قالاسىنداعى №4 ورتا مەكتەپ جانىنان پسيحولوگيالىق-پەداگوگيكالىق تۇزەۋ كابينەتى اشىلدى.
وسى كابينەتتىڭ سالتاناتتى اشىلۋ راسىمىندە ءسوز العان وبلىس اكىمى ارحيمەد مۇحامبەتوۆ وبلىس كولەمىندە دەنساۋلىعىندا كىناراتى بار جاس ۇرپاقتىڭ جان-جاقتى جەتىلۋى, دەنساۋلىعىن تۇزەۋى باعىتىندا ءبىراز شارۋالار اتقارىلىپ جاتقانىن جەتكىزدى. ءوڭىر باسشىسىنىڭ ايتۋىنشا, قازىر ىرعىزدان باسقا اۋدانداردىڭ بارلىعىندا پسيحولوگيالىق-پەداگوگيكالىق ورتالىقتار جۇمىس ىستەۋدە ەكەن. سونىمەن بىرگە, وبلىس اكىمدىگىنىڭ «دارا» جەكە قورىمەن بىرلەسىپ, «سامۇرىق-قازىنا» ۇلتتىق ءال-اۋقات قورى» اق-تىڭ قارجىلاي قولداۋىمەن وسى ورتالىقتى پايدالانۋعا بەرۋىن بۇل باعىتتا جاسالىپ جاتقان يگىلىكتى ىستەردىڭ ناقتى كورىنىسى دەپ باعالادى.
«دارا» جەكە قورىنىڭ قۇرىلتايشىسى گۇلنار دوساەۆا بۇل ورتالىقتا جىل بويىنا 100-دەن استام دامۋ مۇمكىندىگى شەكتەۋلى بالاعا پەداگوگ-پسيحولوگ, مۇعالىم-دەفەكتولوگ, تيفلوپەداگوگ, سۋردوپەداگوگ, ەمدىك دەنەشىنىقتىرۋ نۇسقاۋشىسى, باسقا دا ماماندار تاراپىنان كاسىبي, كەشەندى كومەكتەر تەگىن كورسەتىلەتىنىن ايتتى. كابينەتتە جۇمىس ىستەيتىن مامان-پەداگوگتار رەسەيدە, وزىمىزدە قايتا دايارلاۋدان وتكەن. ولارعا ەلىمىزدىڭ جانە شەتەلدەردىڭ بىلىكتى عالىمدارى مەن پەداگوگتارى ءدارىس وقىعان, تاجىريبەلەرىن ۇيرەتكەن. وسى ماقساتتا سەگىز رەت سەمينار وتكىزىلگەن.
بۇل اۋماقتا كەدەرگىسىز ورتا قالىپتاستىرىلعان. ياعني پاندۋس, كىرەبەرىستەرى كەڭ ەسىكتەر, باسقا دا جاعدايلار جاسالعان. كابينەتتەر زاماناۋي قۇرال-جابدىقتارمەن, قوندىرعىلارمەن جاراقتاندىرىلعان. سونىڭ بارىنە «سامۇرىق-قازىنا» ءال-اۋقات قورى» اق-تان 30 ميلليون تەڭگە بولىنگەن. مۇندا بالالارى وسىندا تۇزەۋ شارالارىنان وتەتىن اتا-انالار ءۇشىن پسيحولوگيالىق قولداۋ كلۋبىن ۇيىمداستىرۋ كوزدەلۋدە. جاڭا بولىمشەدە وتكەن عاسىردا ءومىر سۇرگەن يتاليالىق دارىگەر, عالىم-فيلوسوف ماريا مونتەسسوريدىڭ جۇيەسى دە پايدالانىلماقشى.
– بىزدە, ەڭ الدىمەن, پەداگوگ-ماماندار مەن اتا-انالاردىڭ ءبىر مۇددە اياسىنان تابىلۋى قايتارىمدى بولماق, بولىمشەنىڭ ماتەريالدىق جابدىقتالۋى, ماماندارمەن قامتىلۋى ويىمىزدان شىعادى, ەندى جوسپارعا سايكەس جۇمىس ىستەيمىز, – دەيدى كابينەت مەڭگەرۋشىسى ياپۋراي تولەنوۆا.
وبلىستىق ءبىلىم باسقارماسى ءبولىم باسشىسى التىنگۇل اۋەسقان پسيحولوگيالىق-پەداگوگيكالىق كابينەتىنىڭ جالپى ءبىلىم بەرەتىن مەكتەپ بازاسىندا ورنالاسۋى مۇمكىندىگى شەكتەۋلى بالالاردىڭ وزدەرىن قاتارلارىمەن تەڭ سەزىنۋىنە, ومىرگە دەگەن قۇلشىنىسىن وياتادى دەيدى. ءوڭىر باسشىسى جاڭا تۇزەۋ ورتالىعىنىڭ بايعازىسىنا 5 ميلليون تەڭگە ۇسىندى. «سامۇرىق-قازىنا» ءال-اۋقات قورى» اق قاشىقتا تۇراتىن مۇمكىندىگى شەكتەۋلى بۇلدىرشىندەردى تاسىمالداۋ ءۇشىن جەڭىل ينۆاتاكسيدى سىيعا تارتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
دەرەك كوزىنە سۇيەنسەك, وبلىستا دامۋىندا بەلگىلى ءبىر اقاۋى بار 5169 ون سەگىز جاسقا دەيىنگى بالا بار ەكەن, سونىڭ 2536-سى مۇگەدەك. شىنى كەرەك, قازىرگى ۋاقىتتا مۇنداي دامۋ مۇمكىندىگى شەكتەۋلى بالالار مەملەكەتتىڭ قامقورلىعىن بۇرىنعىدان گورى كوبىرەك سەزىنە باستادى. سونىڭ ءبىر دالەلىندەي, جاقىندا اقتوبە قالاسىنداعى №4 ورتا مەكتەپ جانىنان پسيحولوگيالىق-پەداگوگيكالىق تۇزەۋ كابينەتى اشىلدى.
وسى كابينەتتىڭ سالتاناتتى اشىلۋ راسىمىندە ءسوز العان وبلىس اكىمى ارحيمەد مۇحامبەتوۆ وبلىس كولەمىندە دەنساۋلىعىندا كىناراتى بار جاس ۇرپاقتىڭ جان-جاقتى جەتىلۋى, دەنساۋلىعىن تۇزەۋى باعىتىندا ءبىراز شارۋالار اتقارىلىپ جاتقانىن جەتكىزدى. ءوڭىر باسشىسىنىڭ ايتۋىنشا, قازىر ىرعىزدان باسقا اۋدانداردىڭ بارلىعىندا پسيحولوگيالىق-پەداگوگيكالىق ورتالىقتار جۇمىس ىستەۋدە ەكەن. سونىمەن بىرگە, وبلىس اكىمدىگىنىڭ «دارا» جەكە قورىمەن بىرلەسىپ, «سامۇرىق-قازىنا» ۇلتتىق ءال-اۋقات قورى» اق-تىڭ قارجىلاي قولداۋىمەن وسى ورتالىقتى پايدالانۋعا بەرۋىن بۇل باعىتتا جاسالىپ جاتقان يگىلىكتى ىستەردىڭ ناقتى كورىنىسى دەپ باعالادى.
«دارا» جەكە قورىنىڭ قۇرىلتايشىسى گۇلنار دوساەۆا بۇل ورتالىقتا جىل بويىنا 100-دەن استام دامۋ مۇمكىندىگى شەكتەۋلى بالاعا پەداگوگ-پسيحولوگ, مۇعالىم-دەفەكتولوگ, تيفلوپەداگوگ, سۋردوپەداگوگ, ەمدىك دەنەشىنىقتىرۋ نۇسقاۋشىسى, باسقا دا ماماندار تاراپىنان كاسىبي, كەشەندى كومەكتەر تەگىن كورسەتىلەتىنىن ايتتى. كابينەتتە جۇمىس ىستەيتىن مامان-پەداگوگتار رەسەيدە, وزىمىزدە قايتا دايارلاۋدان وتكەن. ولارعا ەلىمىزدىڭ جانە شەتەلدەردىڭ بىلىكتى عالىمدارى مەن پەداگوگتارى ءدارىس وقىعان, تاجىريبەلەرىن ۇيرەتكەن. وسى ماقساتتا سەگىز رەت سەمينار وتكىزىلگەن.
بۇل اۋماقتا كەدەرگىسىز ورتا قالىپتاستىرىلعان. ياعني پاندۋس, كىرەبەرىستەرى كەڭ ەسىكتەر, باسقا دا جاعدايلار جاسالعان. كابينەتتەر زاماناۋي قۇرال-جابدىقتارمەن, قوندىرعىلارمەن جاراقتاندىرىلعان. سونىڭ بارىنە «سامۇرىق-قازىنا» ءال-اۋقات قورى» اق-تان 30 ميلليون تەڭگە بولىنگەن. مۇندا بالالارى وسىندا تۇزەۋ شارالارىنان وتەتىن اتا-انالار ءۇشىن پسيحولوگيالىق قولداۋ كلۋبىن ۇيىمداستىرۋ كوزدەلۋدە. جاڭا بولىمشەدە وتكەن عاسىردا ءومىر سۇرگەن يتاليالىق دارىگەر, عالىم-فيلوسوف ماريا مونتەسسوريدىڭ جۇيەسى دە پايدالانىلماقشى.
– بىزدە, ەڭ الدىمەن, پەداگوگ-ماماندار مەن اتا-انالاردىڭ ءبىر مۇددە اياسىنان تابىلۋى قايتارىمدى بولماق, بولىمشەنىڭ ماتەريالدىق جابدىقتالۋى, ماماندارمەن قامتىلۋى ويىمىزدان شىعادى, ەندى جوسپارعا سايكەس جۇمىس ىستەيمىز, – دەيدى كابينەت مەڭگەرۋشىسى ياپۋراي تولەنوۆا.
وبلىستىق ءبىلىم باسقارماسى ءبولىم باسشىسى التىنگۇل اۋەسقان پسيحولوگيالىق-پەداگوگيكالىق كابينەتىنىڭ جالپى ءبىلىم بەرەتىن مەكتەپ بازاسىندا ورنالاسۋى مۇمكىندىگى شەكتەۋلى بالالاردىڭ وزدەرىن قاتارلارىمەن تەڭ سەزىنۋىنە, ومىرگە دەگەن قۇلشىنىسىن وياتادى دەيدى. ءوڭىر باسشىسى جاڭا تۇزەۋ ورتالىعىنىڭ بايعازىسىنا 5 ميلليون تەڭگە ۇسىندى. «سامۇرىق-قازىنا» ءال-اۋقات قورى» اق قاشىقتا تۇراتىن مۇمكىندىگى شەكتەۋلى بۇلدىرشىندەردى تاسىمالداۋ ءۇشىن جەڭىل ينۆاتاكسيدى سىيعا تارتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
