فوتو: egemen.kz/ ەرلان ومار
كەزدەسۋدە كولىك جانە قارجى سالاسىندا جۇمىس ىستەيتىن مامانداردى دايارلاۋ, قۇزىرەتىن ارتتىرۋ تەتىكتەرى سارالاندى.
كولىك ۆيتسە-ءمينيسترى ءساتجان ابلاليەۆ ۆەدومستۆو جانىنان 6 سالالىق كەڭەس جۇمىس ىستەيتىنىن ايتتى. ولار تەمىرجول, سۋ, اۆتوموبيل كولىگى جانە جولدار, سونداي-اق ازاماتتىق اۆياتسيا سالالارىن قامتيدى. كەڭەس قازىردىڭ وزىندە 711 كاسىپتى قامتيتىن 101 كاسىبي ستاندارتتى ازىرلەگەن. بيىل جاڭا 19 ستاندارت ازىرلەنىپ, 31-ءىن وزەكتەندىرۋ جوسپارلانىپ وتىر.
كولىك مينيسترلىگىنىڭ بولجامىنا سايكەس, 2030 جىلعا دەيىن اتالعان سالالارعا 8,8 مىڭعا جۋىق مامان قاجەت بولادى. قازىر كادرلار 49 جوعارى وقۋ ورىندارىندا جانە 280-نەن استام كوللەدجدەردە دايارلانىپ جاتىر. ۆيتسە-مينيستر وقۋ ورىندارىنىڭ سانى كوپ كورىنگەنىمەن, كەيبىر ماماندىقتار بويىنشا مىسالى, كوپىرلەر مەن تەمىرجولدار قۇرىلىسى بويىنشا وقيتىن ستۋدەنتتەر از ەكەنىن اتاپ ءوتتى. سوندىقتان عىلىم جانە جوعارى ءبىلىم مينيسترلىگىمەن بىرلەسىپ گرانتتاردى قايتا ءبولۋ ماسەلەسى كۇن تارتىبىنە قويىلماق.
قارجى ۆيتسە-ءمينيسترى داۋرەن كەڭبەيىلدىڭ مالىمەتىنشە, جەتەكشىلىك ەتەتىن سالادا «بۋحگالتەر» ماماندىعى بويىنشا ءبىر كاسىبي ستاندارت پايدالانىلادى. بۇل رەتتەر اسسا (Association of chartered certified accountants) حالىقارالىق بىلىكتىلىگى بويىنشا ستۋدەنتتەردى وقىتۋ جانە سەرتيفيكاتتاۋ ماسەلەسى قاراستىرىلىپ جاتىر. وسىلايشا, ديپلوم العان جانە ءوز بىلىكتىلىگىن راستاعان تۇلەكتەردى جۇمىسقا ورنالاستىرۋ پروتسەسى جەڭىلدەيدى.
«سەرتيفيكات تاۋەلسىز ورتالىقتار تاراپىنان بەرىلۋى ماڭىزدى. ول بويىنشا جۇمىس بەرۋشىنىڭ مامان بىلىكتىلىگىنە قاتىستى پىكىرى قالىپتاسادى. وقۋ ورنىنىڭ ءيميدجى دە وسىعان تىكەلەي بايلانىستى. ءبىر سوزبەن ايتقاندا, ءبىز وسى نەمەسە باسقا ماماندىقتى يگەرىپ جاتقان ازاماتتى ساپالى جۇمىس ورنىمەن قامتاماسىز ەتۋ ءۇشىن جاعداي جاساۋىمىز كەرەك», دەدى تامارا دۇيسەنوۆا.
