مەملەكەتتىك قىزمەت: بىلىكتىلىككە جەتۋ جولى

ادام كوبىنە جوعارى وقۋ ورنىن ءتامامداپ, ءوز سالاسى بويىنشا جۇمىسقا ورنالاسقاننان كەيىن وقۋعا دەگەن ىنتاسىنىڭ ء«ۇزىلىس» تەتىگىن باسادى. قىزمەتپەن قاتار, بىلىكتىلىگىن قاتار شىڭداپ وتىرۋ مۇمكىن ەمەس, ءبىر كاسىپتى بەدەلدى جوعارى وقۋ ورنىندا وقىپ, يگەردىم, سول جەتكىلىكتى دەگەن قاتقان قاعيدالى ازاماتتار دا جەتكىلىكتى. ءتىپتى كوپ جىلعى تاجىريبەمەن جيناق­تالعان كاسىبي شەبەرلىگىڭ) دە قازىرگى تاڭدا جەتىستىك دەۋگە كەلمەيدى. ساراپشىلاردىڭ «بىرنەشە ماماندىق جويىلادى نەمەسە وزگەرەدى» دەگەن بولجامدارى ۋاقىت وتە شىندىققا اينالىپ كەلە جاتقانىن كوز كورىپ وتىر.

كرەاتيۆتى الەۋەتتى دامىتۋعا, ساندىق تەحنو­لو­گيالاردى مەڭ­گەرۋگە باعىتتالعان ءبىلىمدى كۇ­شەي­تىپ, ۋاقىت تالابى مەن ەڭبەك نارىعىنىڭ قاجەت­تىلىكتەرىنە بەيىمدەلۋ قاجەت. جاھاندىق وزگە­­رىس­تەر اياسىندا ەڭبەك رەسۋرس­تارىنىڭ قۇزى­رەت­­تىلىگى مەن بىلىكتىلىگىنە قويىلاتىن تالاپتار ارتا تۇسۋدە. ەلىمىزدەگى جاپپاي تسيفرلاندىرۋ باع­­دارلامالارى ادام ەڭبەگىن بارىنشا الماس­تى­رۋدا. مالىمەتتەردىڭ ەسكىرۋى مەن جاڭا اقپارات­تار­دىڭ پايدا بولۋ جىلدامدىقتارى ارتىپ كەلەدى.

تەز وزگەرمەلى زاماندا ءاربىر مەملەكەتتىك قىزمەتشى باسەكەگە قابىلەتتى جانە تيىمدىلىكتى ىلگەرى­لەتۋگە مۇمكىندىك تۋعىزاتىن داع­دى­لار مەن قۇزىرەتتىلىكتەردى يگەرۋگە باعىتتالعان كاسىبي ءبىلى­مىن ۇنەمى شىڭداپ, جۇمىسىن قالىپ­تاسقان ءبىر سارىندى تەمپتەن گورى جاڭا يننوۆاتسيالىق تەحنولوگيالارمەن ىقپالداستىرسا, ەڭبەگى باعالى بولارى حاق. بۇل ءوز كەزەگىندە ءتيىمدى مەم­لە­كەتتىك اپپاراتتى قۇرۋعا ىقپال ەتەدى.

جاڭا فورماتسياداعى مەملە­كەتتىك قىزمەتشى – تۋىنداعان ماسە­لەلەردى جەدەل شەشە الاتىن, جاڭا شارتتارعا جىلدام بەيىمدەلگىش, ۇنەمى وزگەرۋگە دايىن قابىلەتكە يە تۇلعا. مەملەكەت باسشىسى پرە­زيدەنتتىك جاستار كادر رەزەرۆىنىڭ فورۋمىندا سويلەگەن سوزىندە مەملەكەت باسقارۋ ىسىنە ويى ۇشقىر, ءبىلىمى وزىق, سانا-سەزىمى تەرەڭ, ناعىز وتانشىل ازاماتتار كوپتەپ كەلۋى كەرەكتىگىن باسا ايتتى. مەملەكەتتىك قىزمەتشىلەردى قۇزىرەتتىلىك ىڭعايىنا وراي دايار­لاۋ, وقىتۋ مەملەكەتتىك اپپا­رات­تى كاسىبيلەندىرۋدى جەتىلدىرۋگە جەتە­­لەي­تىن الەمدىك ترەندتەردىڭ ءبىرى. وقىتۋدىڭ ناتي­جەلىلىگى – قىز­مەتكەر جۇمىسىنىڭ تيىمدىلىگى كور­­سەت­­كىشتەرىنە وڭ اسەر بەرەتىن وقى­تۋ ۇدەرىسىنىڭ اجى­راماس شارتى.

2023 جىلى استانا قالاسىنىڭ جەرگىلىكتى مەملەكەتتىك ورگاندارىندا جۇمىس اتقارعان 969 مەملەكەتتىك قىزمەتشىنىڭ 311-ءى (ونىڭ ىشىندە 74 -قايتا دايارلاۋ, 237 – بىلىكتىلىگىن ارت­تىرۋ) زاماناۋي مەملەكەتتىك قىز­مەت­شىلەرگە قاجەتتى قۇزىرەتتەر مەن داعدى­لاردى دامىتۋعا باعىتتالعان كۋرس­تار مەن سەمينارلاردان ءوتتى.

«ب» كورپۋسى مەملەكەتتىك اكىم­شىلىك قىزمەت­شىلەرىنىڭ قىز­مەتىن باعالاۋدىڭ ۇلگىلىك ادىستە­مە­سىنىڭ 10-تارماعىندا, 360 ءادىسى بويىنشا باعالاۋ ناتيجەلەرى قىزمەتشىنى وقىتۋ بو­يىنشا شەشىمدەر قابىلداۋ ءۇشىن نەگىز بولادى دەلىنگەن. وسى تۇرعىدا مەملەكەتتىك قىزمەتشىلەردى جالپى تەندەنتسيا جەتەگىنە ەرگىزبەي, باعالاۋ ناتيجەسىندە انىقتالعان كەمشىن تۇستارىن ارتتىرۋعا باعىت­تالع­ان تاقىرىپتىق سەمينارلارعا جىبەرۋ ارقى­لى جۇمىس كۇشىنىڭ ونىمدىلىگىنە جاڭا سەرپىن بەرۋ قاجەت. بۇگiنگى وقىتۋ – مەملەكەتتiك قىز­مەتشiلەردiڭ بۇدان ءارi ساتىلاپ ءوسۋi ءۇشiن قۋاتتى ىنتالاندىرۋ.

اقيقاتىنا كەلسەك, مەم­لەكەت­تىك قىزمەت­شى­لەردىڭ ينفورمالدى (وزدىگىنەن ءبىلىم الۋ) ءبىلىمىن جەتىل­دى­رۋگە ۋاقىتى دا بولا بەرمەيدى. ءاربىر سەكۋند تاپشى زاماندا مەم­لەكەتتىك قىز­مەتشىلەردىڭ ءوز بەتىنشە, ىڭ­عايلى ۋاقىتتا, بىلىك­تىلىكتەرى مەن داع­دىلارىن دامىتۋعا ارنال­عان ونلاين كۋرستا, ۆەبينارلار, ونلاين پلاتفورمالار ينتەرنەت جەلىسىندە جەتىپ ارتىلادى.

سونىڭ ءبىرى – كاسىبي جانە جەكە دامۋ تۋرالى ماتەريالداردى ۇسىنا وتىرىپ, مەم­لە­­كەت­تىك قىز­مەت­شىلەر ءۇشىن ءتيىمدى جانە ساپا­لى ءبىلىم ۇسىنۋ ماقساتىندا اشىلعان «Lifelong learning|APA KZ» telegram-ارناسى. ول پرە­زيدەنت جانىنداعى مەملەكەتتىك باسقارۋ اكادە­ميا­سىنىڭ «مەم­لەكەتتىك قىزمەتشىلەردى ۇزدىكسىز وقىتۋ جۇيەسىن ەنگىزۋ» جوباسىن ناسيحاتتايدى. ارنا ءتورت نەگىزگى بلوكتان تۇرادى: #كىتاپتار, #ما­قا­لا­لار, #قۇزى­رەتتىلىك_ۆيدەولارى جانە #وزىن_وزى_كۇتۋ (دەن­ساۋلىق كۇتۋ, جاتتىعۋ جا­ساي­تىن بەينەروليكتەر جانە ت.ب.). كاسىبي داع­دى­لاردى دامىتا­تىن جانە جۇمىس تيىمدىلىگىن ارت­تىراتىن قى­زىق­تى ءارى پايدالى اقپاراتتار جاريالانادى.

مەملەكەتتiك قىزمەتشiلەردi وقىتۋ جۇيە­سiن­دەگi باس وقۋ ورنى, مەملەكەتتiك قىزمەتتi وقى­تۋ ۇيى­مىنىڭ دىڭگەگi بولىپ سانالاتىن اكادەميادا مەم­­­­­لەكەتتىك قىزمەتشىلەردى دايار­لاۋ 8 ماگيس­ترا­تۋرا باعدارلاماسى جانە 3 دوكتورانتۋرا باع­دار­لاماسى بو­يىنشا جۇزەگە اسىرىلىپ جاتىر.

2024-2025 وقۋ جىلى­نا­ قۇ­جات­ قابىلداۋ ون­­لاين­ فورمات­تا­ اكا­­دە­ميانىڭ ارنا­يى اقپا­رات­­تىق جۇيەسى ارقىلى 26 ماۋ­سىم­­عا دەيىن قابىلدانعانىن ايتا كەتكەن ءجون. سونداي-اق ەڭبەك جانە حالىقتى الەۋمەتتىك قور­عاۋ مينيسترلىگىنىڭ ەڭبەك رەسۋرس­تارىن دامىتۋ­ ورتالىعىنىڭ دەرەك­تەرى بويىنشا 2021 جىلدىڭ 1 شىلدەسىنەن باستاپ skills.enbek.kz قىسقامەرزىمدى ونلاين كۋرستارعا (23 كاسىبي سالا, 142 كاسىپتى قام­تىعان) وقىتۋ پلاتفورماسى ىسكە قوسىلعان. رەسۋرس بىلىمدىلىك پەن كاسىپقويلىق دەڭگەيىن ارتتىرۋ, مانساپتىق ورلەۋدى ىنتالاندىرۋ جانە ء«ومىر بويى وقۋ» قاعيداتىن ىلگەرىلەتۋ, ونلاين وقىتۋ نارىعىن دامىتۋ بو­يىنشا جاعداي جاساۋ ءۇشىن قۇرىلعان. سوندىقتان, مەم­لەكەتتىك قىزمەت, ياعني حالىققا قىزمەت ەتۋ جولىن تاڭداعان ازاماتتار وسىنداي مۇمكىن­دىك­تەر­دى جىبەرىپ الماي, ءبىلىمىن ۇدايى جەتىل­دىرىپ وتىرۋعا كوڭىل دە, ۋاقىت تا تابا بىلسە, نۇر ۇستىنە نۇر. جاڭا ءبىلىم مەن بىلىكتىلىك مەملەكەتتىك باسقارۋدىڭ جاڭا كوكجيەكتەرىن اشاتىنى ءسوزسىز.

مەرەي رازاق,

مەملەكەتتىك قىزمەت ىستەرى اگەنتتىگى استانا قالاسى بويىنشا دەپارتامەنتىنىڭ باس مامانى