باتىس قازاقستاندا داۋىس بەرۋ ۇيىمشىلدىقپەن وتۋدە

ورال. 26 ءساۋىر. باتىس قازاقستان وبلىسى قازتالوۆ اۋدان ورتالىعىنداعى مادەنيەت ۇيىندە ورنالاسقان №219 سايلاۋ ۋچاسكەسىندە داۋىس بەرۋ قارقىندى جۇرۋدە. بۇل تۋرالى egemen.kz ءتىلشىسى حابارلادى. كەلگەن سايلاۋشىلاردىڭ كوڭىل-كۇيى كوتەرىڭكى. ەڭ العاش بولىپ داۋىس بەرۋگە ۇلى وتان سوعىسىنىڭ ارداگەرى امانعالي ساريەۆ كەلدى. «ەل بولاشاعى, ەرتەڭگى جارقىن كۇندەر جانە جاستارىمىزدىڭ باقىتتى ءومىرى ءۇشىن داۋىس بەردىم. بىزدەر كورگەن قيىندىقتاردى ەگەمەن ەلدىڭ ۇرپاقتارى كورمەسىن», – دەيدى اتامىز. سايلاۋ ۋچاسكەسىنە بايقاۋشىلار كورشى رەسەي ەلىنەن كەلدى. سولاردىڭ ءبىرى سەرگەي اناتولەۆيچ فەدەچكين: «بۇگىن ءسىزدىڭ ەلدە ۇلكەن ساياسي وقيعا وتۋدە. سايلاۋشىلار ۇيىمشىلدىقپەن كەلىپ, داۋىس بەرۋدە. بۇل سىزدەگى تىنىشتىق پەن بىرلىكتىڭ ۇلگىسىن كورسەتەدى. ەشقانداي زاڭ بۇزۋشىلىق جوق», – دەدى. قازتالوۆ اۋىلىنداعى №220 مەرعاليەۆ سايلاۋ ۋچاسكەسىندە دە ازاماتتاردىڭ بەلسەندىلىگى بايقالادى. كەيبىر مەكەمەلەر ۇجىم بولىپ كەلىپ, داۋىس بەرۋدە. تەمىر قۇسايىن. دەرەك, سۋرەت: egemen.kz.