فوتو: CC0/ناتاليا كوللەگوۆا
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, ۆەدومستۆو باسشىسى نۇرجان نۇرجىگىتوۆ قۇرامىنا قوس مەملەكەتتىڭ وكىلدەرى كىرەتىن شۋ-تالاس سۋ شارۋاشىلىعى كوميسسياسىنىڭ 33-ءشى وتىرىسىندا ءتيىستى كەلىسىمگە قول جەتكىزدى. سونداي-اق كەزدەسۋ بارىسىندا تاراپتار شۋ جانە تالاس وزەندەرىندەگى سۋ شارۋاشىلىعى نىساندارىن جوندەۋ-قالپىنا كەلتىرۋ جۇمىستارىنىڭ تۇرلەرى مەن كولەمى تۋرالى دا كەلىسكەن.
ەستەرىڭىزگە سالايىق, وسىعان دەيىن قازاقستان مەن وزبەكستاننىڭ سۋ ۆەدومستۆولارى ەلىمىزگە «دوستىق» مەملەكەتارالىق كانالى ارقىلى 922 ملن تەكشە مەتر سۋ بەرۋ جونىندە مامىلە جاساعان.
«قازىرگى ۋاقىتتا قىرعىزستاننىڭ سۋ رەسۋرستارى مينيسترلىگىنىڭ باسشىلىعىمەن ماۋسىمنىڭ ءۇشىنشى ونكۇندىگىنەن باستاپ شۋ جانە تالاس وزەندەرى ارقىلى سۋ بەرۋدى ۇلعايتۋ تۋرالى ۋاعدالاستىققا قول جەتكىزىلدى. قازىرگى ۋاقىتتا قىرعىز ارىپتەستەرىمىزبەن بىرلەسىپ سۋ بەرۋ كەستەسىن ۇلعايتۋ باعىتىندا تۇزەتۋ جۇمىستارى جۇرگىزىلىپ جاتىر», دەدى سالا ءمينيسترى نۇرجان نۇرجىگىتوۆ.
