«اتىراۋ» فۋتبول كومانداسى ساپىندا ۋكراينالىق سپورتشى ونەر كورسەتەدى

اتىراۋ. 19 قاڭتار. «اتىراۋ» فۋتبول كلۋبىنىڭ قۇرامىنا ۋكراينالىق ۆلاديمير ارجانوۆ قابىلداندى. ول مۇنايلى ءوڭىر كومانداسىنىڭ شەبىندە جارتىلاي قورعاۋشى رەتىندە وينايتىن بولدى. بۇل تۋرالى egemen.kz ءتىلشىسى حابارلادى. ۆ.ارجانوۆ – زاپوروجدىك «مەتاللۋرگ» كومانداسىنىڭ تۇلەگى, قازىر ونىڭ جاسى 29-دا. وسى كوماندا قۇرامىندا العاشقى ويىنىن باستاپ, كەيىن ءوز ەلىنىڭ «ارسەنال» (كيەۆ), «ۆولىن» (لۋتسك) سەكىلدى ۇجىمدارىندا جارتىلاي قوعاۋشى شەبىندە ويناعان. ال اتىراۋعا اۋىسقانعا دەيىن ودەسسانىڭ «چەرنومورەتس» كلۋبىندا تاجىريبە جيناقتاپتى. ونىڭ الاڭداعى جارتىلاي قورعاۋشىلىق شەبەرلىگىنە ءتانتى بولعان ۋكراينالىق جاتتىقتىرۋشىلار «مەتاللۋرگ» جانە «ارسەنال» كوماندالارىنىڭ كاپيتانى بولۋ مىندەتىن جۇكتەپتى. ۋكراينا چەمپيوناتىندا 219 ماتچقا قاتىسىپ, قارسىلاستار قاقپاسىنا 32 گول سوققان ارجانوۆتىڭ بويى –184 سم. ال سالماعى 75 كيلونى قۇرايدى. ول ۋكراينا جاستارىنىڭ قۇراماسىندا 8 ويىن وتكىزگەن. وسىنداي جەتىستىگى بار ۆلاديمير ارجانوۆ بيىلعى ماۋسىمدا «اتىراۋ» فۋتبول كلۋبىنىڭ نامىسىن قورعاۋعا اتسالىسادى. جولداسبەك شوپەعۇل. دەرەك: egemen.kz. سۋرەت: isport.ua.