قازاقستان پرەزيدەنتتىگىنە كورەياداعى سايلاۋشىلار ءبىرىنشى داۋىس بەردى

استانا. 26 ءساۋىر. قازىرگى كۇندەرى وڭتۇستىك كورەيادا تۋرنەدە جۇرگەن قازاقستان ارمياشىلارىنىڭ تاەكۆوندودان قۇراما كومانداسىنىڭ مۇشەلەرى قازاقستان پرەزيدەنتى ءۇشىن سايلاۋدا ءبىرىنشى بولىپ داۋىس بەرۋ قۇقىعىنا يە بولدى. بۇل تۋرالى قازاقستان قورعانىس مينيسترلىگىنىڭ ءباسپاسوز قىزمەتى حابارلادى. «ۋاقىتتىڭ ايىرماشىلىعىنا قاراي قازاقستان قورعانىس مينيسترلىگى ورتالىق ارميا سپورت كلۋبى تاەكۆوندو كومانداسىنىڭ ويىنشىلارى قازاقستان رەسپۋبليكاسى پرەزيدەنتىنىڭ سايلاۋىندا استانا قالاسىنىڭ تۇرعىندارىنان بەس ساعات بۇرىن داۋىس بەردى», - دەلىنگەن حابارلامادا. كورەي تۇبەگىندە جۇرگەن قازاقستاندىق ارمياشىلار سايلاۋدا داۋىس بەرۋ ءۇشىن ينچحون قالاسىنان ارنايى سايلاۋ ۋچاسكەسى اشىلعان سەۋلگە ارنايى كەلگەن. اسكەري قىزمەتكەرلەردىڭ ءبىرى الماس مۇقامانوۆتىڭ ايتۋىنشا, ەلىمىزدىڭ بولاشاعى قازىر ءبىزدىڭ ءاربىرىمىزدىڭ قولىمىزدا تۇر. «مەن قازاقستان رەسپۋبليكاسىنا قىزمەت ەتەمىن جانە پرەزيدەنت سايلاۋىنا قاتىسۋدى ءوزىمنىڭ ازاماتتىق بورىشىم سانايمىن. ءبىز قايدا جۇرسەك تە, ءاربىر قازاقستاندىقتىڭ داۋىسى مۇنداي كەزدە ماڭىزدى بولىپ تابىلادى», - دەپ اتاپ كورسەتتى ول. ايتا كەتۋىمىز كەرەك, بۇگىن قازاقستاندىق اسكەري قىزمەتكەرلەر الەمنىڭ تاعى رەسەي, بەلارۋس, ۋكراينا, تۇركيا, اقش, قىتاي, ۇلىبريتانيا, گەرمانيا جانە ءۇندىستان سەكىلدى ەلدەرىندە ءىسپاسارلاردا ءجۇر. ولاردىڭ ءاربىرى ءۇشىن وسى ەلدەردە داۋىس بەرۋ مۇمكىندىكتەرى جاسالىپ قويىلعان. قۇرىش نۇرىمبەت. دەرەك, سۋرەت: قازاقستان رەسپۋبليكاسىنىڭ قورعانىس مينيسترلىگى.