فوتو: ۆەدومستۆو. تەلەگرام
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, «قازسۋشار» مەكەمەسى بيىل 790 مىڭ گەكتاردان استام اۋىلشارۋاشىلىق القابىن سۋارۋعا 12 ملرد تەكشە مەتر سۋ جىبەرۋدى جوسپارلاپ وتىر. ونىڭ ىشىندە 7,3 ملرد تەكشە مەترى وڭتۇستىك ءوڭىردىڭ ەگىستىكتەرىنە جۇمسالادى.
كاسىپورىن فيليالدارى بيىل ەگىنشىلەرمەن سۋ بەرۋ بويىنشا 18758 كەلىسىمشارت جاساعان, بۇل – بىلتىرعىدان 32%-عا ارتىق.
سۋارۋ ماۋسىمىنا دايىندىق شەڭبەرىندە 83 گيدروبەكەت قالپىنا كەلتىرىلگەن. سونىمەن قاتار 775 گيدروبەكەت اتتەستاتسيادان ءوتتى.
«كاسىپورىن فيليالدارى ارنايى سۋ پايدالانۋعا رۇقسات الدى, سۋ قويمالارىنىڭ جۇمىس كەستەسى بەكىتىلدى, سۋارۋ جەلىلەرىنە ۆەگەتاتسياعا دايىندىق شەڭبەرىندە جوندەۋ-قالپىنا كەلتىرۋ جۇمىستارى جۇرگىزىلدى. ەلىمىزدەگى سۋارمالى القاپتىڭ نەگىزگى بولىگى وڭتۇستىك وڭىرلەرگە تيەسىلى, بۇل كاسىپورىن ارنالارى ارقىلى سۋارىلاتىن ەگىس القاپتارىنىڭ شامامەن 97%-ى», دەدى مينيسترلىكتىڭ رەسمي وكىلى ءمولدىر ابدۋاليەۆا.
