فوتو: انتيكور
استانا قالاسى بويىنشا سىبايلاس جەمقورلىققا قارسى قىزمەت «استانا-زەلەنستروي» جشس بۇرىنعى باس ديرەكتورىنا قاتىستى سوتقا دەيىنگى تەرگەۋ جۇرگىزىپ جاتىر.
ول قىلمىستىق ءىستى توقتاتۋ ءۇشىن قۇقىق قورعاۋ ورگاندارىنىڭ لاۋازىمدى ادامدارىن الاياقتىق جاساۋعا جانە 15 ملن تەڭگە سوماسىندا پارا بەرۋگە يتەرمەلەگەنى ءۇشىن ۇستالدى.
بۇدان باسقا, كۇدىكتىگە تاپسىرىس بەرۋشىلەرى استانا قالاسىنىڭ جەرگىلىكتى اتقارۋشى ورگاندارى بولىپ تابىلاتىن كوپجىلدىق بۇتالاردى وتىرعىزۋ بويىنشا ورىندالعان جۇمىستاردىڭ قۇنىن ارتتىرۋ جولىمەن ءوزىنىڭ لاۋازىمدىق وكىلەتتىكتەرىن تەرىس پايدالانعانى ءۇشىن دە ايىپ تاعىلىپ وتىر.
«سوتتىڭ سانكتسياسىمەن كۇدىكتى قاماۋعا الىندى. تەرگەۋ جالعاسىپ جاتىر. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى», دەلىنگەن انتيكور حابارلاماسىندا.
