اتىراۋدا جولاۋشىلار اۆتوبۋستارىن GPS-پەن باقىلايدى

اتىراۋ. 19 قاڭتار. اتىراۋ قالاسىندا جولاۋشىلار تاسىمالدايتىن اۆتوبۋستار قوزعالىسى GPS-پەن باقىلاۋعا الىنادى. بۇل تۋرالى egemen.kz ءتىلشىسى حابارلادى. اتىراۋ قالاسىنىڭ اكىمى نۇرلىبەك وجاەۆتىڭ جەرگىلىكتى جولاۋشى تاسىمالداۋشىلارمەن وتكىزگەن كەڭەسىندە ناق وسى ماسەلە ماقۇلداندى. بۇعان دەيىن, ياعني, وتكەن جىلدىڭ كۇزىندە قالالىق اكىمشىلىكتىڭ قىزمەتكەرلەرى استاناداعى قوعامدىق كولىكتە GPS جۇيەسىن ەنگىزۋ تاجىريبەسىنە زەرتتەۋ جۇرگىزىپتى. ال اتىراۋداعى العاشقى تاجىريبە №4 ماشرۋتتا قاتىنايتىن اۆتوبۋستا ەنگىزىلگەن. وسى باعىتتاعى 12 اۆتوبۋسقا GPS جۇيەسى قوندىرىلىپ, قوعامدىق كولىكتىڭ ايالدامالارعا كەلۋى ۋاقىتى, ۇزاق تۇرۋى مەن سالونعا ادامنىڭ كوپ ءمىنۋى, جۇرگىزۋشىلەردىڭ جول قوزعالىسى ەرەجەسىن ساقتاۋى باقىلاۋعا الىنعان. «بۇل قوعامدىق كولىكتەردە جولاۋشى تاسىمالىن جاقسارتۋعا سەپتىگىن تيگىزەدى. ويتكەنى, GPS جۇيەسىن قالاداعى 200-دەن استام اۆتوبۋسقا ورناتار بولساق, ولاردىڭ كۇندەلىكتى قوزعالىسىن, قۇقىق بۇزۋشىلىقتاردى ەكراننان كورىپ وتىرۋعا بولادى», دەگەن اتىراۋ قالاسىنىڭ اكىمى نۇرلىبەك وجاەۆ ءتيىستى ماماندارعا GPS جۇيەسىن ەنگىزۋدىڭ ءتيىمدى جولدارىن قاراستىرۋدى ۇسىندى. مۇنداي جۇيە بولاشاقتا اتىراۋ قالاسىنداعى تاكسي قىزمەتىنە قولدانىلۋى مۇمكىن. جولداسبەك شوپەعۇل. دەرەك: egemen.kz. سۋرەت: azh.kz.