اتىراۋدا ءتۋريزمدى دامىتۋشىلار ماراپاتتالدى

اتىراۋ. 19 قاڭتار. اتىراۋ وبلىسىندا تۋريزم سالاسىن دامىتۋعا ۇلەس قوسقاندار ماراپاتتالدى. بۇل تۋرالى egemen.kz ءتىلشىسى حابارلادى. اتىراۋ وبلىسى اكىمىنىڭ ءبىرىنشى ورىنباسارى عۇمار دۇيسەمباەۆ تۋريزم سالاسىنىڭ كەڭ قانات جايۋىنا لايىقتى اتسالىسىپ جۇرگەن ءبىر توپ اتىراۋلىققا ينۆەستيتسيالار جانە دامۋ مينيسترلىگىنىڭ ماراپاتتارىن تابىستادى. ماسەلەن, «حان وردالى سارايشىق» تاريحي مەموريالدىق كەشەنىنىڭ ديرەكتورى مولداش بەردىمۇراتوۆ مينيسترلىكتىڭ «تۋريزم سالاسىنا سىڭىرگەن ەڭبەگى ءۇشىن» توسبەلگىسىمەن ماراپاتتالدى. سونداي-اق, وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى تۋريزم ءبولىمىنىڭ باسشىسى قارلىعاش بەكباەۆا مەن وبلىستىق تاريحي-ولكەتانۋ مۇراجايى ەكسكۋرسيا ءبولىمىنىڭ مەڭگەرۋشىسى وكسانا ءالجانوۆا اتالعان مينيسترلىكتىڭ قۇرمەت گارموتاسىنا يە بولدى. «سارايشىقتىڭ ەل تاريحىندا الار ورنى ەرەكشە. سول سەبەپتەن بيىل سارايشىق تۋرالى كينو تۇسىرىلەدى. قاسىم حاننىڭ داۋىرىندە قازاق حاندىعىنىڭ استاناسى بولعان, ۇزىندىعى 10, ەنى 8 شاقىرىمعا سوزىلعان, ايىنا 700-گە جۋىق كەرۋەن توقتاعان قالا سول كەزدە ۇلكەن ورتالىققا اينالعان. سول تاريحي قالا – سارايشىق قازىردە دە ءتۋريزمنىڭ ورتالىعى بولا الادى. بۇل ءۇشىن الدىمەن جايىق وزەنىنىڭ جاعاسىن بەكىتىپ, قازبا جۇمىستارىن جالعاستىرۋ قاجەت», دەيدى «حان وردالى سارايشىق» تاريحي مەموريالدىق كەشەنىنىڭ ديرەكتورى مولداش بەردىمۇراتوۆ. جولداسبەك شوپەعۇل. دەرەك, سۋرەت: egemen.kz.