بۋرابايعا قاتىنايتىن پويىزداردا جولاۋشىلار سانى ارتتى

وتكەن جىلى تاسىمالدانعان جولاۋشىلار سانى 86,2 مىڭنان استى. ءۇش جىل بۇرىن (2020 جىلى) نەبارى 10 مىڭ جولاۋشى تاسىمالدانعانىن ايتا كەتۋ كەرەك.

بيىل ۇلتتىق تاسىمالداۋشى «استانا - بۋراباي كۋرورتى» باعىتى بويىنشا ەلەكتر پويىزىنىڭ ءجۇرۋ ۋاقىتىن قىسقارتتى. ەندى جولاۋشىلار الدىڭعى 4 ساعاتتىڭ ورنىنا جولعا تەك 2,5 ساعات جۇمسايدى.

ەلەكتر پويىزى اپتاسىنا 5 رەت: دۇيسەنبى, سارسەنبى, جۇما, سەنبى جانە جەكسەنبى كۇندەرى جۇرەدى.

ودان بولەك كۇن سايىن بۋراباي باعىتىنا قاراي №6829/6830 «استانا - كوكشەتاۋ» ەلەكتر پويىزى دا قاتىنايدى.

№6829/6830 «استانا - كوكشەتاۋ», Nº7553/7556 «قاراعاندى - استانا - بۋراباي كۋرورتى», №6811/6812 «قاراعاندى - استانا - بۋراباي كۋرورتى» ەلەكتر پويىزدارى استانا-1 ستانتسياسى ۆوكزالىنان, Nº7507/7508 «استانا - كوكشەتاۋ» ەلەكتر پويىزى نۇرلى جول ۆوكزالىنان قاتىنايتىن بولادى.

بيلەتتەر قۇنى - 2 271 تەڭگەدەن 2 943 تەڭگە ارالىعىندا.

ەسكە سالايىق, كەشە مەملەكەت باسشىسى قاسىم-جومارت توقاەۆ ءتۋريزمدى دامىتۋ بويىنشا كەڭەس وتكىزگەن ەدى. پرەزيدەنت بۋراباي كۋرورتى اۋماعىندا ورنالاسقان جاڭا تۋريستىك ايماقتاردى دامىتۋدى تاپسىردى.

التىناي ابدىش

ل.ن.گۋميلەۆ اتىنداعى ەۇۋ ستۋدەنتى