استانا. 26 ءساۋىر. كەشە فۋتبولدان قازاقستان پرەمەر-ليگاسىنىڭ 9-تۋرى ءوتتى. بارلىق 6 ويىندا ەسەپ اشىلىپ, جەڭىمپازدار انىقتالدى. بۇل تۋرالى egemen.kz حابارلادى.
تۋر بارىسىندا 20 گول سوعىلدى. تورەشىلەر 22 سارى جانە 1 قىزىل قاعاز كورسەتتى. سونداي-اق, بۇل تۋردا ستاديوندارعا جينالعان جانكۇيەرلەردىڭ دە سانى بۇرىنعىلارمەن سالىستىرعاندا ايتارلىقتاي كوپ. ناقتى ايتساق, 6 كەزدەسۋگە بارلىعى 20 000 جانكۇيەر جينالدى.
تۋردىڭ ورتالىق كەزدەسۋى رەتىندە ماماندار مەن جانكۇيەرلەر الماتىدا وتكەن «قايرات» پەن «شاحتەر» اراسىنداعى ماتچتى اتاعان ەدى. دەسەك تە, بۇل ويىن كوپشىلىك كۇتكەندەي اسا تارتىستى بولمادى. تەك «قايراتتىڭ» باسىمدىعىمەن وتكەن ماتچتا الاڭ يەلەرى قارسىلاستارىنىڭ قاقپاسىنا جاۋاپسىز 4 گول سوقتى.
ەرەكشە اتاپ وتەر جايت تالدىقورعاننىڭ «جەتىسۋى» بيىلعى ماۋسىمداعى العاشقى جەڭىسىنە قول جەتكىزدى. ءوز الاڭىندا «تارازدى» قابىلداعان ولار سوڭعى مينۋتتا عانا گول سوعىپ, مەرەيى ۇستەم بولدى. وسى تۋر الدىندا «جەتىسۋدىڭ» باس جاتتىقتىرۋشىسى اسقار قوجابەرگەنوۆ قىزمەتىنەن كەتىپ, ورنىنا يۆان ازوۆسكي ۋاقىتشا مىندەتىن اتقارۋشى بولىپ تاعايىندالعانىن ايتا كەتەيىك.
تاعى ءبىر نازار اۋدارار دۇنيە, كوكشەتاۋدا وتكەن «وقجەتپەس» پەن «اقتوبە» اراسىنداعى ويىن. تارتىسقا تولى بولعان ماتچتا 5 گول سوعىلدى. ناتيجەسىندە قوناقتار 3:2 ەسەبىمەن جەڭىسكە جەتتى. اتالعان كەزدەسۋدە «وقجەتپەس» ساپىنا جۋىردا عانا قوسىلعان رەسەي فۋتبولشىسى دميتري سىچەۆ قازاقستان پرەمەر-ليگاسىنداعى العاشقى گولىن سوقتى.
9 تۋردان كەيىن تۋرنير كەستەسىنەن جوعارى باسەكەلەستىكتى انىق بايقاۋعا بولادى. بۇگىندە 17 ۇپايدان جيعان ءۇش بىردەي كوماندا كوش باستاپ تۇر. ولار: «قايرات», «ورداباسى» جانە «اقتوبە». ال 4 جانە 5-ورىندارعا جايعاسقان «استانا» مەن «اتىراۋدىڭ» ەنشىسىندە 15 ۇپايدان بار.
پرەمەر-ليگاداعى كەلەسى قىزىقتى دەرەكتەرگە توقتالىپ وتەيىك. 9 تۋردان كەيىن جەڭىسكە جەتپەگەن كوماندا قالمادى. سونداي-اق, ازىرگە جەڭىلمەگەن ەكى كوماندا بار. ولار – «ورداباسى» مەن «اقتوبە». ال «وقجەتپەس» بۇگىنگە دەيىن تەڭ ويناپ كورمەگەن جالعىز كوماندا.
«وقجەتپەس» (كوكشەتاۋ) – «اقتوبە» (اقتوبە) 2:3 (0:1)
25 ءساۋىر. استانا. «استانا-ارەنا» ستاديونى. 1 500 كورەرمەن.
تورەشى: قارلىباەۆ (ورال).
«وقجەتپەس»: تسيرين, ساحالباەۆ (نۇرجانوۆ 61), ماروچكين, حوحلوۆ, ۆولكوۆ, پاۆلوۆ (سىچەۆ 72), ديكيارا (روتكوۆيچ 46), توليەۆ, چيجوۆ, بولەشەۆ, چەرتوۆ.
«اقتوبە»: پوكاتيلوۆ, ادەلەيە, كوروبكين (پيززەللي 70), لەۆين, جۋلپا, حايرۋللين, نەكو, لوگۆينەنكو, سانتانا, جالمۇقان (ايىمبەتوۆ 62), دانيلو (حيجنيچەنكو 57).
گولدار: روتكوۆيچ 46, سىچەۆ 76 – حايرۋللين 23, پيززەللي 83, نەكو 87.
ەسكەرتۋلەر: بولەشەۆ 84 – كوروبكين 59, جۋلپا 66, سانتانا 89.
«قايسار» (قىزىلوردا) – «استانا» (استانا) 2:1 (1:0)
25 ءساۋىر. قىزىلوردا. گاني مۇراتباەۆ اتىنداعى ستاديون. 3 000 كورەرمەن.
تورەشى: ۆيشنيچەنكو (قوستاناي).
«قايسار»: پريادكين, كلياين, ميتوشەۆيچ, ۆوروگوۆسكي, روزىباقيەۆ, مولداروۆ, بالتاەۆ, مۇجىقوۆ (تسوي 86), نارزيلداەۆ (مولداقاراەۆ 75), سترۋكوۆ, يۋنۋزوۆيچ (نۇرداۋلەتوۆ 90+1).
«استانا»: ەريچ, احمەتوۆ, انيچيچ (جاڭعىلىشباي 81), جۋكوۆ, ششەتكين (نوسەرباەۆ 65), كەتەۆواما (ماكسيموۆيچ 68), بەيسەبەكوۆ, جولشيەۆ, پوستنيكوۆ, شومكو, كانياس.
گولدار: مولداروۆ 9, مولداقاراەۆ 78 – ماكسيموۆيچ 70.
ەسكەرتۋلەر: ۆوروگوۆسكي 29, ميتوشەۆيچ 40, مولداقاراەۆ 84 – انيچيچ 39, جولشيەۆ 76.
الاڭنان قۋىلدى: ۆوروگوۆسكي 86 (ەكىنشى ەسكەرتۋ).
«ەرتىس» (پاۆلودار) – «اتىراۋ» (اتىراۋ) 1:2 (0:0)
25 ءساۋىر. پاۆلودار. «ورتالىق» ستاديونى. 3 000 كورەرمەن.
تورەشى: كۋچين (قاراعاندى).
«ەرتىس»: لوريا, ەسىموۆ, گراف, چەرنىشەۆ, سامسونوۆ, اليەۆ, سماقوۆ, يزۋ, سۋلەي (سارتاكوۆ 78), گاتاگوۆ (يگناتەۆ 60), اريستايد.
«اتىراۋ»: نارزىكۇلوۆ, چيچۋلين, ايتباەۆ, گريگورەۆ, كۋزمين, دياكاتە, ەسسامە, بايجانوۆ (ەساتوۆ 87), قالمۇراتوۆ, ارجانوۆ (وديبە 74), يۆانوۆيچ (تىلەشەۆ 62).
گولدار: سماقوۆ 67 – ەسسامە 57, تىلەشەۆ (پەنالتي) 69
.
ەسكەرتۋلەر: سماقوۆ 15, سامسونوۆ 54 – كۋزمين 31, چيچۋلين 52.
«توبىل» (قوستاناي) – «ورداباسى» (شىمكەنت) 1:3 (1:3)
25 ءساۋىر. زاتوبولسك. «زاتوبولەتس» ستاديونى. 3 000 كورەرمەن.
تورەشى: حولماتوۆ (قىزىلوردا).
«توبىل»: پەتۋحوۆ, كليماۆيچۋس, سادوۆنيچي, اگايسين, اسلان, بوگدانوۆ, جۇماسقاليەۆ (ەلمۇرزاەۆ 81), شيمكوۆيچ, يۋرين (دەلي 73), كراسيچ, بۋگاەۆ.
«ورداباسى»: سيدەلنيكوۆ, سيمچەۆيچ (ادىربەكوۆ 89), ترايكوۆيچ, مالىي, سۇيىمباەۆ, تۇڭعىشباەۆ (ساريەۆ 65), پەتروۆ (اشىربەكوۆ 58), بەيسەنوۆ, نۇرعاليەۆ, گەينريح, بوجيچ.
گولدار: بۋگاەۆ 31 – گەينريح 1, سيمچەۆيچ 19, بوجيچ 38.
ەسكەرتۋلەر: يۋرين 55, كراسيچ 68, – بوجيچ 38.
«جەتىسۋ» (تالدىقورعان) – «تاراز» (تاراز) 1:0 (0:0)
25 ءساۋىر. تالدىقورعان. «جەتىسۋ» ستاديونى. 1 500 كورەرمەن.
تورەشى: الەشين (پاۆلودار).
«جەتىسۋ»: شابانوۆ, ءادىلحانوۆ, ميحايلوۆ, كيروۆ, ساعىندىقوۆ, تسۆەتكوۆيچ, شاحمەتوۆ (تۇرىسبەك 46), ازوۆسكي (مۇجىقوۆ 55), ساۆيچ, روديونوۆ (حايرۋلين 87), دەسپوتوۆيچ.
«تاراز»: گريگورەنكو, اۆەرچەنكو, مەرا, ۆاسيلەۆ, باياليەۆ, سەرگيەنكو (دوسماعامبەتوۆ 54), باشلاي, مۋحۋتدينوۆ, تاۋباي, جۇماحانوۆ (ياروۆەنكو 78), پيششۋر (گوليچ 82).
گول: دەسپوتوۆيچ 90
.
ەسكەرتۋلەر: مۇجىقوۆ 69, تسۆەتكوۆيچ 74, دەسپوتوۆيچ 90+1 – باشلاي 46, مۋحۋتدينوۆ 74.
«قايرات» (الماتى) – «شاحتەر» (قاراعاندى) 4:0 (1:0)
25 ءساۋىر. الماتى. «ورتالىق» ستاديونى. 8 000 كورەرمەن.
تورەشى: دۇزمامبەتوۆ (وسكەمەن).
«قايرات»: پلوتنيكوۆ, لۋنين, داراباەۆ (يسلامحان 46), قۋات, پليەۆ, سەرجينو (ريەرا 80), لي (رۋدوسەلسكي 71), گۋرمان, يساەل, ماركوۆيچ, گوۋ.
«شاحتەر»: شاتسكي, كوسترۋب, ازاماتوۆ, دۋبكوۆ, پورىۆاەۆ, كارپوۆيچ (ومىرتاەۆ 74), پەتراتستسي, نادجاريان (ۆاسيلەۆ 64), ۆوشاگليك (ۆەتروۆ 46), مۇرتازاەۆ, توپچاگيچ.
گولدار: ماركوۆيچ 10 (1:0), يساەل 57 (2:0), يسلامحان 80 (3:0), گوۋ 85 (4:0)
.
ەسكەرتۋ: رۋدوسەلسكي 87.
ۇزدىك مەرگەندەر:
- جەرار گوۋ («قايرات») – 10 گول;
- ماقسات بايجانوۆ («اتىراۋ»), روحەر كانياس («استانا»), ولەكساندر پيششۋر («تاراز»), نەمانيا ماكسيموۆيچ («استانا»)– 4 گول;
- نۇربول جۇماسقاليەۆ («توبىل»), – 3 گول.
10-تۋر ويىندارى 3 مامىردا وتەدى:
«قايسار» – «قايرات»;
«استانا» – «توبىل»;
«ورداباسى» – «جەتىسۋ»;
«تاراز» – «وقجەتپەس»;
«اقتوبە» – «ەرتىس»;
«اتىراۋ» – «شاحتەر».
ەلامان قوڭىر.
دەرەك: egemen.kz.
سۋرەت: kpfl.kz.
