ءدۇبىرلى دوداعا رەسەي, ازەربايجان, قىرعىزستان, تاجىكستان, وزبەكستان مەملەكەتتەرى مەن ەلىمىزدىڭ بارلىق وڭىرىنەن 300-گە جۋىق سپورتشى قاتىستى. ولار بەس كۇن بويى ءوزارا مىقتىنى انىقتادى.
جارىستىڭ اشىلۋ سالتاناتىنا قۇرمەتتى قوناق رەتىندە وليمپيادا ويىندارىنىڭ ەكى دۇركىن كۇمىس جۇلدەگەرى ادىلبەك نيازىمبەتوۆ, الەم چەمپيونى ەردوس جاڭابەرگەنوۆ, الەم چەمپيونى بەكزات نۇرداۋلەتوۆ, ازيا ويىندارىنىڭ كۇمىس جۇلدەگەرى, حالىقارالىق سپورت شەبەرى ەرىك ءالجانوۆ, وليمپيادا ويىندارىنىڭ قاتىسۋشىسى, قارۋلى كۇشتەر اراسىنداعى الەم چەمپيونى بەرىك ءابدىراحمانوۆ, وليمپيادا ويىندارىنىڭ ەكى دۇركىن كۇمىس جۇلدەگەرى بولات ءجۇمادىلوۆ, ماڭعىستاۋ وبلىسى بوكس فەدەراتسياسىنىڭ وكىلدەرى مەن جاڭاوزەن قالاسىنىڭ اكىمى جانسەيىت قاينارباەۆ قاتىستى.
جارىستا 2010-2011 جىلدارى تۋعان جاستار 17 سالماق دارەجەسىندە جۇلدەلەردى ساراپقا سالدى. جارىس جەڭىمپازى اتانعان سپورتشىعا ارنايى بەلبەۋ تاعىلدى.
اۋقىمدى ءتۋرنيردى ۇيىمداستىرۋعا «حالىق» قايىرىمدىلىق قورى مەن «بىرلىك» قوعامدىق بىرلەستىگى دەمەۋشىلىك ەتتى.
ايتا كەتەيىك, «حالىق» قايىرىمدىلىق قورى بۇعان دەيىن ماڭعىستاۋ وبلىسىندا سپورت ينفراقۇرىلىمىن دامىتۋعا ۇلەس قوسقان بولاتىن. سونداي-اق وسى قوردىڭ دەمەۋشىلىگىمەن 2025 جىلعا دەيىن جاڭاوزەن قالاسىندا ۇلكەن سپورتتىق دەنە شىنىقتىرۋ-ساۋىقتىرۋ كەشەنى سالىنۋ جوسپارلانىپ وتىر. اتالعان قور ەسەبىنەن سالىناتىن كەشەنگە 1 ملرد تەڭگە قارجى بولىنگەن.
