استانا. 25 ءساۋىر. حوككەيدەن الەم چەمپيوناتىنىڭ ءى ديۆيزيونىندا باق سىناعان قازاقستان قۇراماسى بارلىق ويىندا جەڭىسكە جەتتى. سوڭعى كەزدەسۋىن بۇگىن توپتاعى باستى قارسىلاسى سانالعان يتالياعا قارسى وتكىزىپ, 3:0 ەسەبىمەن باسىم ءتۇستى. بۇل تۋرالى egemen.kz حابارلادى.
اندرەي نازاروۆتىڭ شاكىرتتەرى 7-مينۋتتا ەسەپ اشتى. كومانداسىن العا شىعارعان – ەۆگەني رىمارەۆ. ال قالعان ەكى گول ءۇشىنشى كەزەڭدە سوعىلدى. 46-مينۋتتا تالعات جايلاۋوۆ مەرگەندىگىمەن كوزگە تۇسسە, 54-مينۋتتا الەكسەي ۆورونتسوۆ بۋلليت ارقىلى ەسەپتى 3:0-گە جەتكىزدى.
وسىمەن قۇرامامىز اتالعان سىنداعى بارلىق ويىندا جەڭىسكە جەتتى. تەك پولشاعا قارسى كەزدەسۋدە عانا ءبىر شايبا ايىرماسىمەن باسىم تۇسكەن قازاقستان قالعان ماتچتاردىڭ بارلىعىندا قارسىلاستارىن ءىرى ەسەپپەن سان سوقتىردى. ناقتى ايتار بولساق, ۋكراينانى 5:2, ۆەنگريانى 5:0, جاپونيانى 7:2 جانە پولشانى 3:2 ەسەبىمەن تىزە بۇكتىردى. ناتيجەسىندە كەلەسى جىلعى الەمدىك دودادا ەليتالىق ديۆيزيوندا ونەر كورسەتۋ مۇمكىندىگىنە يە بولدى. اتالعان سايىس 2016 جىلى رەسەيدىڭ ماسكەۋ مەن سانكت-پەتەربۋرگ قالالارىندا وتەدى.
تاعى ءبىر ەرەكشە ايتىپ وتەر جايت, قاقپاشىمىز پاۆەل پولۋەكتوۆ چەمپيونات بارىسىندا ەكى ويىندا قاقپاسىنا گول جىبەرگەن جوق.
«ا» توبىنان ەليتالىق ديۆيزيونعا بەرىلەر ەكىنشى جولدامانى بۇگىن تۇندە ۆەنگريا مەن پولشا ساراپقا سالادى. الەم چەمپيوناتى ءى ديۆيزيونىنىڭ «ا» توبىنداعى ويىندار پولشانىڭ كراكوۆ قالاسىندا وتكەنىن ەستەرىڭىزگە سالا كەتەيىك.
ەلامان قوڭىر.
دەرەك: egemen.kz.
سۋرەت: facebook.com.
