ء«بىز ويلاپ تاپقان قوسىمشا جاستاردى ۆولونتەرلىك قوزعالىستارعا قاتىسۋعا ىنتالاندىرادى جانە بۇكىل ۇدەرىستىڭ اشىقتىعى مەن ءاربىر ەرىكتى ءۇشىن تۇسىنىكتى بولۋىن قامتاماسىز ەتەدى. سونىمەن قاتار ەرىكتىلەر جۇمىسىن اۆتوماتتاندىرىپ, باسقارۋعا ءتيىمدى ءارى ۇيىمداستىرۋعا قولايلى ەتەدى», دەيدى رومان گوۆاكو.
جاس ونەرتاپقىش قوسىمشاسىن ۇستازى گۇلنار بەيبىتقاليقىزىنىڭ كومەگىمەن وڭىردەگى سۋ تاسقىنىنا قارسى ءىس-شارالار كەزىندە سىناقتان وتكىزىپ كورگەن. «سىناق قورىتىندىسىندا قوسىمشا وتە ءتيىمدى ەكەنىن تانىتتى», دەيدى جوبا جەتەكشىسى.
ءموبيلدى قوسىمشا ءار ەرىكتىنىڭ نەشە ساعات جۇمىس ىستەگەنىن, قانداي جۇمىس اتقارعانىن اۆتوماتتى تۇردە ەسەپتەپ وتىرادى, ەسەپتەۋ مەن ەسەپ بەرۋ ۇدەرىستەرىن جەڭىلدەتەدى. باسقاشا ايتقاندا, ەرىكتىلەر وزدەرى اتقارىپ جاتقان جۇمىستىڭ كولەمىن قاداعالاي الادى, ال قوعامدىق ۇيىمدار قانداي دا ءبىر يگى ءىستى اتقارىسۋعا اتسالىسىپ جاتقان ۆولونتەرلەردى ءتيىمدى باسقارىپ, ولاردىڭ جۇمىسىن باعالاي الادى. قوسىمشا جادىنا ساقتالعان مالىمەتتەر كەيىن ەرىكتىلەردىڭ تۇراقتى جۇمىسقا ورنالاسۋىنا كومەكتەسەتىن پورتفوليوعا اينالادى.
«قوسىمشانىڭ كومەگىمەن ەرىكتىلەر ءوز جۇمىستارىن وڭاي قاداعالاپ, ۇيىمداستىرۋشىلارمەن ۇزدىكسىز بايلانىستا بولادى. قوعامدىق ۇيىمدار دا جۇمىستارىن ساپالى جوسپارلاپ, ۇيلەستىرە الادى. ياعني ەرىكتىلەر مەن ۇيىمداردىڭ بىرلەسكەن ءىس-شارالارىنىڭ ساپالى وتۋىنە جول اشادى, بۇل ءوز كەزەگىندە ەرىكتىلەر قوزعالىسىنىڭ دامۋىنا ىقپال ەتەدى», دەيدى جوبا جەتەكشىسى گۇلنار بەيبىتقاليقىزى.
قوستاناي وبلىسى
