اقپاراتتار اعىنى

*«اۋىل شارۋاشىلىعىن قارجىلىق قولداۋ قورى» اق بۇگىنگە دەيىن شارۋالارعا 90 ملرد. تەڭگە قارىز بەرگەن. قوردىڭ بولگەن نەسيەلىك قار­­جى­لارىنىڭ كومەگىمەن 89,5 مىڭ ادام, ونىڭ ىشىندە تەك بيىل­عى جىلدىڭ وزىندە 13 مىڭ تۇرعىن جۇمىسپەن قامتىل­عان. ال بەلسەندى قارىز الۋشى­لار­دىڭ سانى 24,3 مىڭعا دەيىن وسكەن. *ەلىمىزدە قۇنى 43,6 ملرد. تەڭگەنىڭ مۇلكى جاريا ەتىلدى. قارجى مينيسترلىگىنىڭ ءمالى­مەتىنشە, زاڭداستىرۋ بويىنشا جەرگىلىكتى اتقارۋشى ورگاندار جا­نىنداعى كوميسسيالارعا جال­پى سوماسى 124,9 ملرد. تەڭ­گەگە 16 046 ءوتىنىش كەلىپ تۇسكەن. *شاعىن بيزنەس سۋبەك­تىلەرى ءۇشىن ايىپ­پۇل­دار كولەمى 50 پايىزعا تومەندەدى. ادىلەت ءمينيسترىنىڭ ورىنباسارى زاۋرەش بايمولدينانىڭ ايتۋىنشا, جاڭااكىمشىلىك قۇ­قىق بۇزۋشىلىق تۋرالى كودەكس­تە شاعىن جانە ورتا بيز­نەس سۋبەكتىلەرى قۇقىق بۇز­عان جاع­دايدا قولدانىلاتىن جا­زا­­لاۋدىڭ ءتۇرلى دەڭگەيى قاراستىرىلعان. *استانا كاسىپورىن­دار­ىندا ءبىر جىلدا قۇنى 324 ملرد. تەڭگەدەن اساتىن ءونىم ءوندىرىلدى. قالالىق كاسىپكەرلىك جانە ونەركاسىپ باسقارماسىنىڭ حابارلاۋىنشا, ەلوردادا 2014 جىلى جەڭىل جانە تاماق سالالارىندا ءوندىرىس كولەمىنىڭ ارتۋى بايقالعان. *الماتى وڭىرىندە «20 يگى ءىس» جوباسى قولعا الىندى. وبلىس اكىمدىگىنىڭ ءباسپاسوز قىزمەتى حابارلاعانداي, قا­زاق­ستان حالقى اسسامبلەياسى جىلىنىڭ اياسىندا ايماقتاعى ەتنومادەني ورتالىقتار وسى جوبانىڭ ماقساتىنا ساي ءتۇرلى قايىرىمدىلىق شارالار ۇيىمداستىرۋدى باستاپ كەتتى. *قاراعاندىدا مەم­لە­كەت­تىك ساتىپ الۋلاردىڭ 55,1 پايىزى كونكۋرستار ارقىلى جۇزەگە اسقان. وبلىستىق مەملەكەتتىك ساتىپ الۋ جانە اكتيۆتەر باسقارماسىنىڭ باسشىسى مۇرات كادەكوۆ ءمالىم ەتكەندەي, قازىرگى تاڭدا 15 ملرد. 777 ملن. تەڭگەنى قۇرايتىن 99 كونكۋرستىڭ جوسپارى جاسالعان. *قىزىلوردادا جىلۋ با­عا­سى ارزاندادى. وبلىس بوي­ىنشا مونوپولياعا قارسى دەپارتامەنت ديرەكتورى نۇرلان ءپىرىموۆتىڭ دەرە­گىن­شە, ۇستىمىزدەگى جىلدىڭ 1 قاڭ­تارى­نان باستاپ «قىزىلوردا جىلۋ ەلەكتر ورتالىعى» مكك ءوز تۇ­تى­نۋشىلارىنا جىلۋ ءتاريفىن 3,6 پايىزعا تومەندەتكەن. *جامبىل وڭىرىندە «كە­رۋەن-2015» جارمەڭكەسى وتەدى. وبلىس اكىمدىگىنىڭ ءباسپاسوز قىزمەتى اتاپ كورسەتكەندەي, تۇرعىنداردى ازىق-ت ۇلىك تاۋارلارىمەن قامتۋ ماقساتىندا قولعا الىنعان بۇل شارا بارىسىندا ايماقتاعى بارلىق اۋدان قامتىلادى. ونى «تزك «تاراز» جشس تۇراقتاندىرۋ قورىنىڭ وپەراتورى ۇيىمداستىرادى. *باتىس قازاقستاندا الەۋ­مەتتىك سالالارعا باسا نازار اۋدارىلىپ وتىر. وبلىستىق قۇرىلىس باسقارماسى باسشى­سىنىڭ ورىنباسارى ارمان وك­سىكباەۆتىڭ دەرەگىنشە, وڭىردە ءبىلىم جانە دەنساۋلىق ساقتاۋ سالا­لارىنىڭ نىساندارىن سالۋ­عا 5281,3 ملن. تەڭگە قارجى بولىنگەن. *سولتۇستىك قازاقستاندا بىل­تىر 116 سپورت نىسانى اشىلدى. وبلىستىق دەنەشى­نىقتىرۋ جانە سپورت باسقار­ماسى پەتروپاۆل قالاسىنىڭ «جاس وركەن» شاعىن اۋدانىندا مۇز ارەناسى مەن جەڭىل اتلەتيكا مانەجى بار سپورت سارايىنىڭ قۇرىلىسى ءجۇرىپ جاتقانىن مالىمدەدى. وعان جەرگىلىكتى بيۋدجەتتەن 2 ملرد. تەڭگەدەن استام قارجى قارالعان. حابارلار ۇكىمەت, وبلىستىق اكىمدىكتەر سايتتارىنىڭ دەرەكتەرى بويىنشا دايىندالدى.