مىندەتتەر مەجەلەندى

كەشە ۇكىمەت ۇيىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى بويىنشا ۆەدومستۆوارالىق كوميسسيا وتىرىسىن وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. وتىرىس بارىسىندا وتاندىق كاسىپورىندار ءۇشىن شيكىزاتقا يم­پورتتىق كەدەن باجى مولشەر­لەمەسى جانە مازۋتقا, ۆاكۋمدىق گازويلعا جانە پەش وتىنىنا قاتىستى شەتكە شىعارۋ كەدەن باجىن وزگەرتۋ بويىن­شا ۇسىنىستار قارالدى. سونداي-اق, كوميسسيا كەدەن وداعى ەلدەرى باستاماشىلىق ەت­كەن بىرقاتار تاۋارلار يمپورتى­نا كەدەن باجى مولشەرلەمەسىن وزگەر­تۋ­دىڭ ماقساتتىلىعىن قارادى. ۆەدومستۆوارالىق كوميسسيا وتىرىسىنىڭ قورىتىندىسى بو­ي­ىن­شا باقىتجان ساعىنتاەۆ بىرقا­تار ءتيىستى تاپسىرمالار بەردى. * * * وسى كۇنى پرەمەر-مي­نيس­تر­دىڭ ءبىرىنشى ورىنباسارى با­قىتجان ساعىنتاەۆتىڭ توراعا­لىعىمەن كاسىپكەرلىك قىزمەتتى رەتتەۋ ماسەلەلەرى بويىنشا ۆەدومستۆوارالىق كوميسسيانىڭ 17-ءشى وتىرىسى ءوتتى. كوميسسيا ماقتا سالاسىن دامىتۋ ماسەلەلەرىن قارادى. اتاپ ايتقاندا, ماقتا وڭدەيتىن ۇيىمداردىڭ باسقا قىزمەتتى جۇزەگە اسىرۋىنا تىيىمدى الىپ تاستاۋ تۋرالى ۇسىنىس قولداۋ تاپتى. بۇل شەكتەۋ «ماقتا سالاسىن دامىتۋ تۋرالى» زاڭمەن رەگلامەنتتەلگەن. سونداي-اق, كوميسسيا قارجىلىق مونيتورينگ سۋبەكتىلەرىنىڭ ءتىزىمىن كەڭەيتۋ ماسەلەسىن قارادى. بۇگىنگى كۇندەرى اقشانى جىلىستاتۋعا جانە قارجىلىق لاڭكەستىككە قارسى تۇرۋ جونىندەگى حالىقارالىق ستاندارتتار بويىنشا قازاقستاندا قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا), قارجى قىزمەتىن ۇسىناتىن جانە لاڭ­كەستىكتى قارجىلاندىراتىن بارلىق تۇلعالارعا قارسى تۇرۋ ءجو­­نىن­دەگى زاڭنامالار تالاپتارىن ساق­تاۋ رەجىمىن تاراتۋ تالاپ ەتىلەدى. ۆەدومستۆوارالىق كوميسسيا وتىرىسىنىڭ قورىتىندىسى بويىنشا ب.ساعىنتاەۆ قابىلدانعان شەشىمدەردى جۇزەگە اسىرۋ جونىندە بىرقاتار تاپسىرمالار بەردى. * * * سونداي-اق, پرەمەر-مي­نيس­تردىڭ ءبىرىنشى ورىنباسارى باقىتجان ساعىنتاەۆ مەم­لە­كەتتىك ورگاندار, «قازمۇنايگاز» اق, وتاندىق مۇناي وڭدەۋشى كاسىپورىندار باسشىلارىنىڭ قاتىسۋىمەن مۇناي وڭدەۋشى ونەركاسىپتى دامىتۋ ماسەلەلەرى بويىنشا كەڭەس وتكىزدى. كەڭەستە ىشكى نارىقتى اشىق ءتۇستى مۇناي ونىمدەرىمەن قامتاماسىز ەتۋ ماسەلەلەرى قارالدى, سونداي-اق پاۆلودار مۇناي-حيميا زاۋىتى, اتىراۋ, شىمكەنت مۇناي وڭدەۋ زاۋىتتارىن قايتا قۇرۋ جانە جاڭعىرتۋ جوبالارىنىڭ ىسكە اسىرىلۋ بارىسى جايلى ەسەپتەر تىڭدالدى. ەنەرگەتيكا مينيسترلىگىنىڭ دەرەكتەرىنە سۇيەنسەك, 2014 جىلى بۇل كاسىپورىنداردا شامامەن 1,9 ملن. توننا اي-92 ماركالى بەنزين جانە 4,1 ملن. توننا ديزەل وتىنى ءوندىرىلدى. اي-92 ماركالى بەنزيندى ىشكى تۇتىنۋ كولەمى 2,9 ملن. توننانى, ديزەل وتىنى 4,9 ملن. توننانى قۇرادى. مۇناي ونىمدەرىنىڭ جەتىسپەيتىن كولەمى يمپورتتالدى. ءۇش وتاندىق ءموز-دە قايتا جوندەۋ مەن جاڭعىرتۋدى 2016 جىلدىڭ اياعىنا دەيىن اياقتاۋ جوسپارلانعان. بۇل اشىق ءتۇستى مۇ­نايمەن ىشكى سۇرانىستى تولىقتاي قامتاماسىز ەتۋگە, 2017 جىلعا قاراي زاۋىتتاردىڭ جيىنتىق قۋاتىن جىلىنا 18,5 ملن. تونناعا ۇلعايتۋعا مۇمكىندىك بەرەدى. باقىتجان ساعىنتاەۆ بەكىتىلگەن كەستەگە سايكەس ءموز قايتا جوندەۋ جانە جاڭعىرتۋ جۇمىستارىن اياقتاۋدى تاپسىردى. جوبالاردى ىسكە اسىرۋ بارىسى ۇكىمەتتىڭ تۇراقتى باقىلاۋىندا بولماق.