مەرەكەلىك ءىس-شارا تۇلەكتەردىڭ ساپقا تۇرىپ, ليتسەيدىڭ تۋىن الىپ كىرۋ راسىمىنەن باستالدى. تۋدىڭ ءوزى وقۋ ورنىنىڭ بەدەلىن, داڭقىن, وقۋ ورداسىنىڭ داستۇرلەرىن, اسىرەسە ءبىلىم بەرۋ مەكەمەسىنىڭ اسكەري دايىندىق باعىتىندا ءبىلىم بەرەتىنىن ايعاقتايدى.
«ارىستان» ليتسەيى كۋرسانتتاردىڭ ينتەرناتتا جاتۋى, تەگىن ءبىلىم الۋى مەن وقۋعا قاجەتتى كەرەك-جاراقتىڭ بارلىعىمەن قامتاماسىز ەتۋدى ءوزىنىڭ الەۋمەتتىك ماقساتى دەپ تانيدى. سوندىقتان وقۋعا قابىلداۋ كەزىندە از قامتىلعان جانە كوپبالالى وتباسىلاردان شىققان بالالاردى قابىلداۋعا باسىمدىق بەرەدى.
«وسى كيەلى شاڭىراقتىڭ تۇلەگى بولعانىمدى ماقتان تۇرامىن. سەبەبى مۇندا تەك ءبىلىمدى, بەلسەندى وقۋشىلار قابىلدانادى. وسى ليتسەيگە ءتۇسۋ ءۇشىن بىرنەشە جىل دايىندالدىم. بۇل ليتسەي تۋرالى ينتەرنەتتەن كوردىم. اسكەري ءبىلىم وردالارىنىڭ ىشىندەگى ەڭ بەدەلدىسى ەكەنىن بىلگەن سوڭ بىردەن ءبىلىمىمدى شىڭداي باستادىم. بۇل وقۋ ورنىندا ءجۇرىپ ەلىمە, جەرىمە, وتانىما دەگەن پاتريوتتىق سەزىمدى تەرەڭ بويىما ءسىڭىردىم. وسىنداي العان ءبىلىمىمنىڭ ارقاسىندا ەلىمىزدىڭ دامۋىنا ۇلەس قوسامىن دەپ ويلايمىن», دەيدى «SOS الماتى بالالار قالاشىعىنىڭ» تاربيەلەنۋشىسى.
«ارىستان» ليتسەيى جوعارى حالىقارالىق تالاپتارعا ساي كەلەتىن, بەدەلدى ءبىلىم ورداسى. جىل سايىن ليتسەيگە ءتۇسۋ ءۇشىن 1 ورىنعا 10-12 وقۋشى باق سىنايدى. ولاردىڭ ىشىندە ءبىلىم مەن دەنساۋلىق جاعىنان تاپسىرىلاتىن كوپ ساتىلى سىناقتاردان سۇرىنبەي وتكەندەرى عانا وقۋعا قابىلدانادى.
«حالىق» قايىرىمدىلىق قورىنىڭ ديرەكتورى ساعىنبەك شۋنكەەۆتىڭ ايتۋىنشا, ليتسەي قۇرىلعالى بەرى 900-دەن اسا تۇلەك ۇشىپ شىقتى. بيىل 80 كۋرسانت ۇلكەن ومىرگە جولداما الدى.
«حالىق» قايىرىمدىلىق قورىنىڭ باستى ماقساتى – از قامتىلعان, كوپبالالى وتباسىلاردان شىققان ءبىلىمدى بالاردى ىرىكتەپ, ولاردىڭ ساپالى ءبىلىم الۋىنا جاعداي جاساۋ. كۋرسانتتار ينتەرناتتا جاتىپ تەگىن ءبىلىم الادى. ولار بارلىق كەرەك-جاراقپەن قامتاماسىز ەتىلەدى. ليتسەيدىڭ قابىرعاسىنان ۇشقان تۇلەكتەردىڭ ەلىمىزدىڭ بەدەلدى جوعارى وقۋ ورىندارىندا وقۋىن جالعاستىرۋىنىڭ ءوزى ءبىلىم ورداسىنىڭ ساپا كورسەتكىشىن بىلدىرەدى. بۇگىندە تۇلەكتەردىڭ كەيبىرى ىشكى ىستەر مينيسترلىگىندە, ۇلتتىق ۇلان قاتارىندا, ۇلتتىق قاۋىپسىزدىك كوميتەتى قۇرامىندا, شەكارا قىزمەتىندە, توتەنشە جاعدايلار مينيسترلىگى مەن مەملەكەتتىك كۇزەت قىزمەتى سياقتى ءارتۇرلى كۇش قۇرىلىمداردا قىزمەت ەتىپ جاتىر», دەدى «حالىق» قايىرىمدىلىق قورىنىڭ ديرەكتورى.
تۇلەكتەرگە ارنالعان سالتاناتتى جيىندا ليتسەي باستىعى – گەنەرال-لەيتەنانت مۇرات جالەل ۇلى مايكەەۆ وقۋ جىلىن قورىتىندىلادى. تۇلەكتەردى قۇتتىقتاپ, اتتەستات, توسبەلگىلەر مەن سىيلىقتار تابىستادى.
ايتا كەتەيىك, «حالىق» قايىرىمدىلىق قورىنىڭ باستى ماقساتى – از قامتىلعان, كوپبالالى وتباسىلاردان شىققان ءبىلىمدى بالاردى ىرىكتەپ, ولاردىڭ ساپالى ءبىلىم الۋىنا جاعداي جاساۋ. قوردىڭ ۇنەمى قولداۋ بىلدىرەتىن وقۋ ورىندارىنىڭ ءبىرى, وسى «ارىستان» ليتسەيى. 2024 جىلى «حالىق» قايىرىمدىلىق قورى «نۇرسۇلتان نازارباەۆتىڭ ءبىلىم بەرۋ قورى» قوعامدىق قورىنا قولداۋ كورسەتكەن. قاراجات «ارىستان» مامانداندىرىلعان ليتسەيىنە باعىتتالعان.
اتالعان وقۋ ورنىن قۇرۋ يدەياسى 2008 جىلى «نۇرسۇلتان نازارباەۆتىڭ ءبىلىم بەرۋ قورى» قوعامدىق قورىندا پەداگوگيكا عىلىمدارىنىڭ دوكتورى, قر ۇعا اكادەميگى دينارا نۇرسۇلتانقىزى ق ۇلىباەۆانىڭ جەتەكشىلىگىمەن جوبانىڭ باس قۇرىلتايشىلارىنىڭ ءبىرى جانە ليتسەيدىڭ قامقورشىلىق كەڭەسىنىڭ توراعاسى تيمۋر اسقار ۇلى ق ۇلىباەۆتىڭ اتسالىسۋمەن قۇرىلعان.
