جاڭا مۇمكىندىكتەر كەزەڭى

مۇنداعى «نۇرسەن اگرو»,­­­ «پو­لۋ­دەن­سكي» جشس-لا­رى­نىڭ ەگىس­ القابىمەن تانىس­قان مينيستر اۋا رايىنىڭ قولاي­سىزدىعىنا قارا­ماي ەگىس جۇمىس­تا­رىنىڭ ءوز ۋا­قى­تىندا جۇرگىزىلىپ جاتقانىن كوردى.

«كوكتەمنىڭ ءبىر كۇنى – جىلعا ازىق» دەگەندى حالقىمىز بەكەر ايتپاعان, ءاربىر جايلى كۇندى بارىن­شا ءتيىمدى پايدالانىپ قا­لۋعا تىرىسىڭىزدار. قازىر بۇكىل ەل مەملەكەت باسشىسىمەن بىر­گە سىزدەرگە قاراپ, سىزدەردىڭ جۇمىس­تا­رى­ڭىزدىڭ ءساتتى بولۋىن­ تىلەپ وتىر», دەدى ول ديقان­دارمەن كەزدەسكەندە. وبلىس باسشىسى اۋىل شارۋاشىلىعى قۇرىلىمدارىنىڭ كەشەگى تاسقىن سۋىنا قارسى كۇرەستە كوپ كومەك جاساعانىن ەسكە الىپ, ەڭبەكتەرىنە جەمىس تىلەيتىنىن ايتتى.

«وبلىستاعى «زەنچەنكو ي ك», «نو­عايباي» جشس سياقتى وزىق شارۋا­شىلىقتاردىڭ قاتارىندا ءسىز­دىڭ شارۋاشىلىقتارىڭىز دا ءوزىنىڭ قول­دان كەلگەن كو­مە­گىن كورسەتتى. بار­لىعى 360 اگروقۇرىلىم سۋ اپاتىمەن كۇرەستە كومەگىن جاسادى», دەدى.

مينيستر ەشكى وسىرۋمەن اينالىساتىن سۆەتلانا كارابانوۆانىڭ فەرماسىندا دا بولىپ, ەشكى سۇتىنەن بىرنەشە ءتۇرلى ءونىم الىپ, نارىققا شىعارىپ وتىرعان ىسكەر ايەلدىڭ تاجىريبەسىمەن تانىستى.

«ەشكى ءسۇتى – ەڭ تازا ءونىمنىڭ ءبىرى. ونىڭ ەمدىك قا­سيە­تى دە كۇشتى. قوي باستاعان ەشكى­­لەر ءشوپ­تىڭ ءنارلىسىن, جەمنىڭ ءدام­دىسىن ال­دى­مەن جەيدى», دەيدى س.كارا­با­نوۆا.

وبلىس اكىمدىگىندە وتكەن جيىن­دا مەملەكەت باسشىسىنىڭ تاپسىر­ماسىنا سايكەس اۋىل شارۋا­شى­لى­عى جالپى ءونىمىنىڭ كولەمىن 2 ەسە ۇلعايتۋ, قايتا وڭدەۋ ونىم­دە­رى­نىڭ­ ۇلەسىن 70%-عا جەتكىزۋ ماسە­لەلەرى تال­قى­لاندى.

«بۇل مىندەتتەردى ورىنداۋ ءۇشىن مينيسترلىك جول كارتاسىن ازىر­­لەپ, كورسەتكىشتەردى بەلگىلەدى. مەم­لەكەت ەگىس ناۋقانىن وڭتايلى مەر­زىمدە ۇيىمداستىرۋ جانە ونى ءساتتى اياقتاۋ ءۇشىن بارلىق قاجەتتى شارا­نى قابىلدادى. بيىلعى كوك­تەم­گى ەگىس جانە وراق ناۋقانىنا ال­­عاش رەت 5% جەڭىلدىكپەن 400 ملرد تەڭگە كولەمىندە قوسىمشا قا­را­جات ءبولىندى. «نەسيەلەر «كەڭ دا­لا-2» باعدارلاماسى بويىن­شا­ ءبولىنىپ, «اگرارلىق نەسيە كور­­پو­راتسياسى» اق فيليالدارى, نەسيە سەرىكتەستىكتەرى جانە ەكىن­شى دەڭ­گەي­لى بانكتەر ارقىلى جۇزە­گە­ اسى­­رى­­لادى», دەدى ايداربەك ­سەي­پىل­­ ۇلى.

بۇرىنعى قارجىلاندىرۋ كولە­مىنە «كەڭ دالا-2» باعدار­لا­ماسى بويىنشا قوسىمشا 400 ملرد تەڭگە تارتۋ مۇمكىندىگى بار ەكەن. بۇل ماقساتقا «باي­تەرەك» ۇبح» اق جەلىسى بويىنشا 300 ملرد تەڭگە تارتىلاتىن كورىنەدى. قالعان قاراجات كوزدەرى دە تابىلعان. «كەڭ دالا-2» باعدارلاماسىنا وتىنىشتەر 29 ساۋىردەن باستاپ قابىلدانىپ جاتىر. بۇگىندە 600-دەن استام شارۋا قوجالىعى جالپى سوماسى 46,6 ملرد تەڭگەگە ءوتىنىم قالدىردى, بۇل 425 مىڭ گەكتار ەگىس القابىن نەسيەمەن قامتۋعا مۇمكىندىك بەرەدى», دەدى مينيستر.

ايتۋىنا قاراعاندا, جەڭىلدە­تىل­گەن نەسيەنىڭ قوسىمشا كولە­مىن قامتاماسىز ەتۋ ءۇشىن قول­دا­نىس­تاعى سۋبسيديالاندىرۋ تەتى­گىنە وز­گە­رىستەر ەنگىزىلگەن. تاراتا ايتار بولساق, بىرىنشىدەن, شارۋالار ەندى ءوسىمى 5% عانا بولاتىن جەڭىلدەتىل­­گەن نەسيەنى پايىزدىق مولشەرلەمەسىن سۋبسيديتسيالايتىن قاراجاتسىز-اق الۋىنا بولادى. دەمەك بۇرىن شارۋا الاتىن نەسيەسىنىڭ ءوسىم پايىزىن سۋبسيديالايتىن بولسا, ەندى ونداي جۇكتەمە بولمايدى. ەكىنشىدەن, قارىزدى كەپىلدەندىرەتىن جاعدايدى جاق­سار­تۋ ءۇشىن قارىز سوماسىنىڭ شارتىن 85%-عا كەپىلدەندىرەتىن تەتىك قاراستىرىلعان.

سولتۇستىك قازاقستان وبلىسى