قالامگەرگە قۇرمەت

ەل گازەتى «ەگەمەن قازاق­ستاننىڭ» 95 جىلدىق بيىگىندە باسىلىمنىڭ بەلدى جۋرناليستەرى دە ماراپاتتالۋدا. تاياۋدا گازەت شولۋشىسى سۇڭعات ءالىپباي «وسكەمەن قالاسىنىڭ قۇرمەتتى ازاماتى» اتاندى. جۋرناليسكە قۇرمەتتى اتاقتى قالا اكىمى تەمىر­بەك قاسىمجانوۆ تابىس ەتتى. – مەنىڭ جۋرناليستىك جولىم وتە باي. سەبەبى, العاشقى ەڭبەك جولىمدى اۋداندىق گازەتتەن باس­تادىم. جۋرناليستىك عۇمىرىمدا اۋداننان رەسپۋبليكالىق دەڭگەيگە دەيىنگى باسپالداقتى ءجۇرىپ ءوتتىم. ءوزىمدى ءباسپاسوز سالاسىنداعى باقىتتى جانداردىڭ قاتارىنا جاتقىزامىن, – دەدى س.ءالىپباي. ول اۋداندىق گازەتتە ءتىلشى, ءبولىم مەڭگەرۋشىسى, اۋداندىق راديو حابارلارىن ۇيىمداستىرۋشى, شىعىس قازاقستان وبلىستىق «كوم­مۋنيزم تۋى» گازەتىنىڭ زاي­سان, مارقاكول, كۇرشىم اۋداندارى بويىنشا مەنشىكتى ءتىلشىسى, وبلىس­تىق گازەتتىڭ رەداكتسيا اپپارا­تىندا ءتىلشى, اعا ءتىلشى, ەكونوميكا ءبولىمىنىڭ رەداكتورى بولدى. كەيىننەن «ەگەمەن قازاقستان» رەسپۋبليكالىق گازەتىنىڭ ەكونومي­كالىق شولۋشىسى رەتىندە كوپتەگەن تالدامالىق ماقالالار جازىپ, ءتۇرلى حالىقارالىق, رەسپۋبليكالىق بايقاۋلاردىڭ جەڭىمپازى اتاندى. وقىرماندار قارىمدى قا­لام­گەر, جۇيرىك جۋرناليست دەپ بىلەتىن ارىپتەسىمىز ءوزىنىڭ جاس­تىق شاعى وتكەن, جۋرناليست رەتىن­دە قالىپتاسقان وسكەمەن شاھارى ءاردايىم جۇرەگىنىڭ بۇرى­شىندا تۇراتىنىن جەتكىزىپ, جەرلەس­تەرىنىڭ ىستىق ىقىلاسى ءۇشىن ريزاشىلىعىن ءبىلدىردى. دۋمان اناش, «ەگەمەن قازاقستان». وسكەمەن.