فوتو:El.kz
City Transportation Systems ءباسپاسوز قىزمەتىنىڭ حابارلاۋىنشا, جالپى ۇزىندىعى 10,5 كم بولىنگەن جولاق ش.قوسشىعۇل ۇلى كوشەسىنەن ج. مولداعاليەۆ كوشەسىنە دەيىنگى ۋچاسكەدە پايدا بولادى.
قازىرگى تاڭدا اتالعان ۋچاسكەدە قوعامدىق كولىك ءۇشىن بولىنگەن جولاققا جول بەلگىلەرىن قويۋ جۇمىستارى جۇرگىزىلىپ جاتىر.
بۇل بيىل قالادا ەنگىزۋگە جوسپارلانعان جەتى اۆتوبۋس جولىنىڭ ءبىرىنشىسى. سونداي-اق ماڭگىلىك ەل داڭعىلى, تۇران داڭعىلى, تاۋەلسىزدىك داڭعىلى, كەرەي جانىبەك حاندار كوشەسى, ۇلى دالا جانە ر.قوشقارباەۆ داڭعىلى بويىندا دا ارنايى جولاقتار ەنگىزىلەدى.
«قوعامدىق كولىكتىڭ Bus Lane بويىمەن ءجۇرۋى جول ءجۇرۋ ۋاقىتىن, ايالدامالاردا اۆتوبۋس كۇتىپ تۇرعان جولاۋشىلاردىڭ ۋاقىت ارالىعىن قىسقارتادى, سونىمەن قاتار جەدەل جاردەم, ارنايى قىزمەت پەن ءورت ءسوندىرۋ تەحنيكاسىنىڭ كەدەرگىسىز قوزعالىسىن قامتاماسىز ەتەدى», دەلىنگەن حابارلامادا.
قىرمىزى جۇماعاليقىزى,
ەۇۋ ستۋدەنتى
