فوتو:ortcom.kz
پروكۋراتۋرانىڭ 11 ماۋسىمداعى حابارلاماسىنا سايكەس, 2024 جىلعى مامىردا «جىبەك جولى» قايىرىمدىلىق مەكەمەلەرىنىڭ قاۋىمداستىعى زاڭدى تۇلعالار بىرلەستىگىنە پروكۋراتۋرانىڭ 26 مەكەمەنى مەملەكەتتىك تىركەۋدى جويۋ جانە تاراتۋ تۋرالى تالابىن قاناعاتتاندىرۋ تۋرالى شەشىم زاڭدى كۇشىنە ەندى.
سونىمەن قاتار بۇرىن جۇرگىزىلگەن تەكسەرۋلەر ءىس جۇزىندە مەكەمەلەردىڭ جۇمىسى ولاردىڭ جارعىلىق ماقساتتارىنا قايشى كەلىپ, ولاردىڭ كەيبىرەۋلەرى ليتسەنزياسىز ءبىلىم بەرۋ قىزمەتىن جۇزەگە اسىرعانى انىقتالدى.
«تەكسەرۋ بارىسىندا مەكەمەلەردىڭ ءدىني باعىتى راستالعان جانە قازاقستان رەسپۋبليكاسىنىڭ مۇسىلماندار ءدىني باسقارماسى «جىبەك جولىمەن» جاسالعان مەموراندۋمدى ءبىر جاقتى توقتاتتى», دەپ حابارلادى الماتى قالاسى پروكۋراتۋراسىنىڭ ءباسپاسوز قىزمەتى.
زاڭناما نورمالارىن بۇزعان اتالعان بىرقاتار مەكەمە مەن ولاردىڭ باسشىلىقتارىنا قاتىستى قىلمىستىق ىستەر قوزعالدى (كامەلەتكە تولماعاندى ءوز-وزىنە قول جۇمساۋعا جەتكىزگەن, تاربيەلەۋ جونىندەگى مىندەتتەردى ورىنداماعان, الەۋمەتتىك, ۇلتتىق, ناسىلدىك جانە ءدىني ارازدىقتى قوزدىرعان, سوت ەكسترەميستىك جانە تەرروريستىك دەپ تانىعان ادەبيەتتەر تابىلعان).
«قازىرگى ۋاقىتتا مەكەمەلەردە تۇرعان بالالاردى وتباسىلارىنا قايتارۋ جۇمىستارى جۇرگىزىلۋدە», دەپ قورىتىندىلادى ۆەدومستۆو وكىلدەرى.
قىرمىزى جۇماعاليقىزى,
ەۇۋ ستۋدەنتى
