ءىس-شارانىڭ ماقساتى – قۇقىقتىق ءبىلىمدى دامىتۋ, اتاپ ايتقاندا, زاڭ فاكۋلتەتتەرىندە مەملەكەتتىك تىلدەگى ءبىلىمنىڭ جəنە باعدارلامالاردىڭ ساپاسىن ارتتىرۋ, قازاق تىلىندەگى قۇقىقتىق əدەبيەتتەر مەن وقۋلىقتاردىڭ əزىرلەنۋىنە جانە Maqsut Narikbayev University تاراپىنان اتقارىلىپ جاتقان جۇمىستارعا جان-جاقتى قولداۋ كورسەتۋ. سونداي-اق زاڭداردى مەملەكەتتىك تىلدە əزىرلەۋ, ولاردى قۇقىقتىق تۇرعىدان جەتىلدىرۋ جۇمىستارىن جالعاستىرىپ, زاڭ شىعارۋ ۇدەرىسىندە قازاق ءتىلىنىڭ قولدانىس اياسىن كەڭەي̆تۋ.
كەڭەسكە سەنات دەپۋتاتتارى دارحان قىدىرəلى, ناۋرىزباي باي̆قاداموۆ, ءمəجىلىس دەپۋتاتتارى, زاڭناما جəنە سوت-قۇقىقتىق رەفورما كوميتەتىنىڭ مۇشەلەرى ابزال قۇسپان, ءۇنزيلا شاپاق, Maqsut Narikbayev University باسقارما توراعاسى تالعات نارىكباەۆ, زاڭناما جانە قۇقىقتىق اقپارات ينستيتۋتى لينگۆيستيكالىق ورتالىعىنىڭ باسشىسى, زاڭ عىلىمدارىنىڭ كانديداتى نۇرزادا پريماشەۆ, فيلوسوفيا عىلىمدارىنىڭ كانديداتى, MNU يسلام جəنە قازاق قۇقىعىنىڭ عىلىمي قىزمەتكەرى جالعاس ساندىباەۆ, MNU پروفەسسورى جۇماعالي الماس, باسقا دا سالا ماماندارى قاتىستى.
دوڭگەلەك ۇستەل حح عاسىر باسىنداعى الاش زاڭگەرلەرىنىڭ ەڭبەكتەرىنە ارنالعانىن اتاپ وتكەن ت.نارىكباەۆ: «قازاق ءالىپبيى تاريحتا ءۇش رەت اۋىستى, سالدارىنان قازىرگى زاڭگەرلەر سول كەزەڭدەگى ءتۇرلى, قۇندى ەڭبەكتەردەن قول ءۇزىپ قالدى. ال ول ەڭبەكتەر قازىرگى قۇقىق عىلىمى ءۇشىن وتە ماڭىزدى. MNU عالىمدارى مەن ستۋدەنتتەرى وسى ولقىلىقتىڭ ورنىن تولتىرۋعا تالاپ قىلىپ جاتىر. بۇل ءۇردىس الداعى ۋاقىتتا دا جالعاسادى دەپ سەنەمىز», دەدى.
سونداي-اق ت.نارىكباەۆ MNU-دە وسى سالا بويىنشا مەملەكەتتىك تىلدە ساباق بەرەتىن بىلىكتى مامانداردى جۇمىسقا تارتۋ, قازاق تىلىندە ساپالى قۇقىقتىق كونتەنت جاساۋ, قۇقىقتىق عىلىمي مەكتەپتەردى جاڭعىرتۋ سياقتى جۇمىستاردىڭ اتقارىلىپ جاتقانىن, «قازاق قۇقىعى» دەگەن تۇسىنىك قالىپتاستىرۋ ماقساتىندا «يسلام جانە قازاق قۇقىعى ورتالىعى» قۇرىلعانىن ءمالىم ەتتى.
دوڭگەلەك ۇستەل بارىسىندا 1922 جىلى قابىلدانعان «قىلمىس زاڭى», الاش زاڭگەرلەرى اۋدارعان زاڭداردىڭ قۇقىقتىق جۇي̆ەسى, زاڭ شىعارماشىلىعىن مەملەكەتتىك تىلگە كوشىرۋ جونىندە اتقارىلعان جۇمىستار, قازاق تىلىندەگى زاڭ تەرمينولوگياسى, سونداي-اق «قىلمىس زاڭىندا» ۇشىراساتىن اراب جانە پارسى تەكتەس سوزدەردىڭ تۇسىندىرمەسى سياقتى تاقىرىپتار تالقىلاندى.
«1924 جىلى وتكەن قازاق عالىمدارىنىڭ I سەزىندە الاش قايراتكەرلەرى تەرميندەردى قولعا الۋ كەرەكتىگى تۋرالى شەشىم قابىلداعان. قازىرگى ۋاقىتتا توتە جازۋمەن جازىلعان وتە كوپ مۇرامىز بار, سولاردىڭ قازىرگى عىلىمعا, زاڭ تەرمينولوگياسىنا سەپتىگىن تيگىزىپ جاتقانىن كورىپ ءجۇرمىز. وسى تۇرعىدا MNU ستۋدەنتتەرىنىڭ ساباقتان تىس, ءوز قىزىعۋشىلىقتارىمەن توتە جازۋدى ۇيرەنىپ, مەڭگەرگەنى قۋانتتى. سەبەبى قازىرگى تاڭدا بۇل سالا – وتە وزەكتى. قۇجاتتاردىڭ, زاڭناما اۋدارماسىنىڭ ساپاسى كەيدە سىن كوتەرمەيدى. سودان كەيىن ەكىجاقتى تۇجىرىم جاسالىپ جاتادى», دەدى سەنات دەپۋتاتى دارحان قىدىرəلى.
دوڭگەلەك ۇستەل قورىتىندىسىندا قاتىسۋشىلار قۇقىقتىق ءبىلىمدى دامىتۋ, زاڭ شىعارۋ ۇدەرىستەرى, قۇقىقتىق تەرمينولوگيانى بىرىزدەندىرۋ جولىندا بىرلەسىپ جۇمىس ىستەۋ, سونىمەن قاتار قۇقىقتىق ءبىلىم مەن زاڭ شىعارۋ ۇدەرىسىن جەتىلدىرۋگە باعىتتالعان ۇسىنىستاردى قولدايتىندارى جانە جۇزەگە اسىرۋعا بەلسەندى اتسالىساتىنى تۋرالى مالىمدەمە جاساپ, دەكلاراتسياعا قول قويدى.
