قوردىڭ ءتيىمدى جۇمىس ىستەۋى ماڭىزدى

ەلباسى نۇرسۇلتان نا­زارباەۆ «سامۇرىق-قازىنا» ۇاق» اق باسقارماسىنىڭ ءتور­ا­عاسى ومىرزاق شوكەەۆتى قابىل­دادى, دەپ حابارلادى پرە­زيدەنتتىڭ ءباسپاسوز قىز­مەتى. ءو.شوكەەۆ قوردىڭ قازىر­گى قىز­مەتى مەن نەگىزگى باعدار­لا­ما­لاردى جۇزەگە اسىرۋ بارىسى, سونداي-اق, الداعى كەزەڭگە ارنالعان جوسپارلارى تۋرالى باياندادى. مەملەكەت باسشىسى قازىرگى ەكو­نوميكالىق جاعدايدا قوردىڭ ءتيىمدى ءارى ورنىقتى جۇمىس ىستەۋى ماڭىزدى ەكەنىن ايتتى. – ەلىمىزدىڭ ەكسپورتتىق تاۋارلارىنا باعا تومەندەگەن كەزەڭ­دە جۇمىس ورىندارىنىڭ ساق­تالۋىن قامتاماسىز ەتكەن ءجون. وسى ورايدا جوسپارلانعان جەكە­شە­لەندىرۋ, اكتيۆتەردى قايتا قۇرى­لىمداۋ باعدارلامالارىن, شىعىستاردى قىسقارتۋدى جانە تابىستى ۇلعايتۋدى قامتيتىن شارالاردى ساپالى جۇزەگە اسىرۋدى جالعاستىرۋ ماڭىزدى بولىپ وتىر, – دەدى نۇرسۇلتان نازارباەۆ. قازاقستان پرەزيدەنتى قوردىڭ 2015 جىلعا ارنالعان جۇمىس جوسپارىن قايتا قاراۋدى, سونداي-اق, داعدارىسقا قارسى ارنايى باع­دار­لامالار ازىرلەۋدى تاپسىردى. ءو.شوكەەۆ شىعىستاردى قىس­قارتۋعا باعىتتالعان, ستراتەگيالىق ماڭىزى تومەن بىرقاتار ينۆەس­تي­تسيالىق جوبالاردى توقتاتۋدى قامتيتىن شارالار تۋرالى ايتتى. – بيىل ءبىز ونىمدەرىمىزدىڭ ءوزىن­دىك قۇنىن 7,8 پايىزعا, بارلىق اعىم­داعى جانە اكىمشىلىك شىعىن­داردى 20 پايىزعا, سونداي-اق, ين­ۆەس­تي­تسيالىق باعدار­لامالاردى 18 پايىزعا تومەندەتۋدى جوسپارلادىق, – دەدى باسقارما توراعاسى. مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرمالار بەردى. سۋرەتتى تۇسىرگەندەر س.بوندارەنكو, ب.وتارباەۆ.