فوتو: اقوردا
مەملەكەت باسشىسى وسىنداي اسا جوعارى لاۋازىمعا قايتا سايلانۋ نارەندرا ءموديدىڭ كورەگەن ساياساتىنا دەگەن ءۇندىستان حالقىنىڭ بەرىك سەنىمى مەن قولداۋىنىڭ دالەلى ەكەنىن اتاپ ءوتتى.
– ءسىزدىڭ دانا باسشىلىعىڭىزبەن ءۇندىستان ەكونوميكاسى ەڭ جىلدام دامىپ كەلە جاتقان ەلدەردىڭ ءبىرى رەتىندە ءوزىنىڭ تاڭقالارلىق جولىن جالعاستىرىپ, جاڭا جەتىستىكتەرگە جەتەتىنىنە سەنىمدىمىن. قازاقستان ۇندىستانمەن اراداعى ۇزاق جىلعى ستراتەگيالىق سەرىكتەستىكتى جوعارى باعالايدى. ەكى ەل ىنتىماقتاستىعى حالىقتارىمىزدىڭ بەرىك دوستىعىنا, ورتاق قۇندىلىقتارعا جانە تىعىز قارىم-قاتىناسقا نەگىزدەلگەن, – دەپ جازىلعان جەدەلحاتتا.
قاسىم-جومارت توقاەۆ نارەندرا ءموديدىڭ بارلىق يگى باستاماسىنا تابىس, ال دوستاس ءۇندىستان حالقىنا باق-بەرەكە تىلەدى.
