بقو-دا ەكپىندى جەل سوقتى

جەرگىلىكتى توتەنشە جاعدايلار دەپارتامەنتىنىڭ مالىمەتىنشە, سىرىم اۋدانىندا ارالتوبە (50 ابونەنت, 2 الەۋمەتتىك نىسان), بۇلان (176 ابونەنت, 7 الەۋمەتتىك نىسان), ولەڭتى (100 ابونەنت, 2 الەۋمەتتىك نىسان), تالدىبۇلاق (46 ابونەنت, 1 الەۋمەتتىك نىسان), ءىشىنارا العاباس (43 ابونەنت, 3 الەۋمەتتىك نىسان) ەلدى مەكەندەرىندە, سونداي-اق تەرەكتىدە اقسوعىم اۋىلىندا (531 ابونەنت, 4 الەۋمەتتىك نىسان) ەلەكتر جارىعى ءسونىپ قالدى. 

ماماندار ابونەنتتەردى سول كۇنى قالپىنا كەلتىرۋگە كىرىستى. ناتيجەسىندە, سىرىم اۋدانىندا العاباس ەلدى مەكەنىندە 19 ابونەنت, تەرەكتىدە ۇلكەن ەڭبەك اۋىلىندا 385 ابونەنت, 3 الەۋمەتتىك نىساننان باسقا ءۇي-عيماراتتار جارىققا قايتا قوسىلدى.

«6 ماۋسىم كۇنى دە وبلىستىڭ التى اۋدانىندا 25 ەلدى مەكەندە ەكپىنى سەكۋندىنا 14-تەن 18 مەترگە دەيىن جەتكەن كۇشتى جەل 67 جەكە تۇرعىن ءۇي, 14 قورا-قوپسى, 18 الەۋمەتتىك نىساننىڭ شاتىرىن ج ۇلىپ اكەتتى. وقيعا ورىندارىندا جەرگىلىكتى اتقارۋشى ورگانداردىڭ كوميسسيالارى جۇمىس ىستەپ جاتىر», دەپ حابارلادى بقو توتەنشە جاعدايلار دەپارتامەنتى.

تۇرعىندار دا ەكپىندى جەل سالدارىنان اۋىلداعى ۇيلەردىڭ شاتىرلارى قيراپ, كوشەلەر مەن اۋلالاردى قوقىس باسىپ قالعانىن جەتكىزدى.