فوتولار: ۇكىمەتتىڭ ءباسپاسوز قىزمەتى
تۇركىستان وبلىسىندا قوسىمشا جەر تەلىمدەرىندە شەگىرتكەگە قارسى وڭدەۋ شارالارى جۇرگىزىلەدى. وڭدەلگەن 260 مىڭ گەكتاردان باسقا, وڭىردە 50 مىڭ گەكتاردان استام تارالۋ ۋچاسكەلەرى انىقتالدى. قوسىمشا وڭدەۋ وبلىستىڭ ارىس قالاسىندا, سارىاعاش, كەلەس, ورداباسى, شاردارا اۋداندارىندا جۇرگىزىلەدى. وبلىس اكىمدىگى اقپاراتى بويىنشا, قوسىمشا وڭدەۋ 70 بىرلىك جەرۇستى تەحنيكاسىنىڭ كومەگىمەن جۇرگىزىلىپ جاتىر, وعان قوسا قوسىمشا 4 ۇشاق كەلدى. قازىرگى ۋاقىتتا بارلىق قاجەتتى تەحنيكا كوكونىس-باقشا داقىلدارى القاپتارىنىڭ اينالاسىندا شوعىرلانعان. ەگىستىككە زيان كەلگەن جوق.
اقتوبە وبلىسىنىڭ ايتەكە بي اۋدانىندا شەگىرتكە دەرناسىلدەرى كوبەيە باستاعان. وڭدەۋگە ارنالعان تەحنيكا دايىن. جالپى وبلىستا 76 بىرلىك تەحنيكانى پايدالانا وتىرىپ, ءوڭىردىڭ 12 اۋدانىندا 281 مىڭ گەكتار جەرگە حيميالىق وڭدەۋ جۇرگىزىلدى. شەگىرتكەنىڭ پايدا بولۋ ورىندارىن تەكسەرۋ جانە انىقتاۋ ءۇشىن 600-گە جۋىق ادام تارتىلدى. ولار فيتوسانيتاريالىق ينسپەكتسيا, اكىمدىك قىزمەتكەرلەرى جانە ۋاقىتشا قىزمەتكەرلەر. شەگىرتكەنىڭ بەلسەندى ءوسۋ كەزەڭىندە جۇمىستى كۇشەيتۋ ءۇشىن اكىمدىككە تاعى 14 بىرلىك تەحنيكا قاجەت.
قوستاناي وبلىسىنىڭ بەس اۋدانىندا 29,4 مىڭ گا اۋماقتا حيميالىق وڭدەۋ جۇرگىزىلدى. دەرناسىلدەردىڭ كوبەيۋ ورىندارىنا مونيتورينگ جاساۋ جانە انىقتاۋ ءۇشىن 129 تەكسەرۋشى جانە 326 ۋاقىتشا قىزمەتكەر تارتىلدى. 72 بىرلىك تەحنيكا ءازىر تۇر. شەگىرتكەگە قارسى كۇرەس جۇمىستارى فەرمەرلەرمەن بىرلەسىپ جۇرگىزىلىپ جاتىر.
ء«بىز بيىلعىداي شەگىرتكەنىڭ تارالۋ ايماعىن بۇرىن-سوڭدى كەزدەستىرگەن ەمەسپىز. ءبىز ونىڭ تارالۋىنىڭ ىقتيمال سالدارىن جەتە باعالامايمىز. اشم مەملەكەتتىك ينسپەكتسيا كوميتەتىنە بارلىق راسىمدىك ماسەلەلەردى دەرەۋ اياقتاۋدى جانە بارلىق قاجەتتى تەحنيكانى اتالعان وڭىرلەرگە جىبەرۋدى تاپسىرامىن. قاربالاس ۋاقىتتا ءبىز شتاب وتىرىسىن اپتاسىنا ەكى رەت وتكىزەتىن بولامىز», دەپ تۇيىندەدى سەرىك جۇمانعارين.
