فوتو: cycling.kz
بۇگىنگى جارىس باعدارلاماسىنداعى ەكىنشى سپورت ءتۇرى ۋاقىت بويىنشا ۆەلوجارىس بولدى. وسى سىندا جۇلدەگە 17 ەلدەن كەلگەن 19 ۇمىتكەر قاتىستى. ولارلىڭ اراسىندا ەكى وتانداسىمىز ميحايل پودلۋجنىي مەن باتىرحان اليك مارە سىزىعىن 27 مينۋت 45 سەكۋندتا كەسىپ ءوتىپ, قولا مەدالعا قول جەتكىزدى.
ال تايپەيدەن كەلگەن يەن تەن چجان 26:55 ۋاقىت كورسەتكىشىمەن التىن يەلەنسە, يندونەزيالىق اديتام دەندرا پۋرنياۆان 20 شاقىرىمدى 27 مينۋت 19 سەكۋندتا ەڭسەردى.
«كەشە قازاقستان قۇراماسىنداعى ارىپتەستەرىممەن بىرگە ازيا چەمپيونى اتانعان ارالاس ەستافەتا بۇگىنگى جارىسقا قاراعاندا وڭايىراق بولدى. نەگە دەسەڭىز, ءبىز ول سىندا ءبىر-بىرىمىزگە كومەكتەستىك. بۇل مەنىڭ سپورتتىق مانسابىمداعى ەكىنشى چەمپيوناتىم, سوندىقتان قازىرگى ناتيجەلەرىمە ريزامىن. الدا توپتىق جارىس بار, ول سايىستا دا جارىس جولىنا شىعامىن», دەدى ميحايل پودلۋجنىي.
ازيا چەمپيوناتى الماتى قالاسى اكىمدىگى, قازاقستان رەسپۋبليكاسى تۋريزم جانە سپورت مينيسترلىگىنىڭ سپورتتى دامىتۋ باسقارماسى جانە سامۇرىق-قازىنا» ۇلتتىق ءال-اۋقات قورى» اق, «Sport Qory» سپورتتى قولداۋ قورى, «Allur» كومپانيالار توبى» اق-نىڭ قولداۋىمەن ءوتىپ جاتىر.
