فوتو: polisia.kz
6 ماۋسىمدا ساعات 15:43 شاماسىندا سانات سەرىكقالي ۇلى قالاداعى ساياجايلاردىڭ بىرىندە دەمالىستا جۇرگەندە سۋعا باتىپ بارا جاتقان 11 جاسار بالانى امان الىپ قالدى.
پاترۋلدىك پوليتسيانىڭ روتا ينسپەكتورى وزەنگە جەتكەندە ءجاسوسپىرىم دەمالا الماي, كوگەرىپ كەتكەن بولاتىن. ول بالانى سۋدان الىپ شىعىپ, العاشقى مەديتسينالىق كومەك كورسەتۋ ارقىلى دەم الىسىن قالپىنا كەلتىرگەن.
ودان سوڭ بالا اۋرۋحاناعا جەتكىزىلدى. دارىگەرلەر پوليتسيا قىزمەتكەرىنىڭ دەر كەزىندە كورسەتكەن كاسىبي ارەكەتى بالانىڭ ءومىرىن ساقتاپ قالعانىن راستادى.
«مەنىڭ بۇل ارەكەتىم تاڭعالارلىقتاي باتىرلىق ەمەس, كەز-كەلگەن ادامنىڭ جاسايتىن ارەكەتى دەپ ويلايمىن. مەن ءوز مىندەتىمدى اتقاردىم. ادامداردى قورعاۋ مەن كومەككە كەلۋ مەنىڭ باستى پارىزىم», دەدى سانات سەرىكقالي ۇلى.
