فوتو: SCANPIX/EPA/JIRI SEJKORA
اپات سالدارىنان 4 ادام كوز جۇمىپ, 26 ادام زارداپ شەكتى. بۇل تۋرالى قالا گۋبەرناتورى مارتين نەتوليتسكي جازىپ, قۇتقارۋ جۇمىستارى ءالى دە جۇرگىزىلىپ جاتقانىن مالىمدەدى.
جارالانعانداردىڭ ىشىندە 20 ادامنىڭ جاراقاتى جەڭىل ەكەنى ءمالىم بولدى, ال ءۇش جولاۋشىنىڭ جاعدايى ورتاشا اۋىر.
Regiojet جەكە تەمىرجول كومپانياسىنىڭ تۇنگى ەكسپرەسسى چەحيا استاناسى پراگادان سلوۆاكيانىڭ كوشيتسە قالاسىنا بارا جاتقان.
جۇك پويىزى كالتسي كاربيدىن تاسىمالداپ بارا جاتقان. اپاتتان حيميالىق قوسىندىلار توگىلمەگەن.
ČT24 اقپاراتتىق ارناسىنىڭ حابارلاۋىنشا, اپات پراگادان شىعىسقا قاراي 100 شاقىرىمداي جەردە ورنالاسقان پاردۋبيتسە قالاسىنداعى باس ۆوكزال ماڭىندا بولعان.
وقيعانىڭ ناقتى سەبەبى انىقتالىپ جاتىر. ال Zdopravy.cz پورتالى اپاتتان ەكى پويىز ءماشينيسى دە امان قالعانىن جانە توتەنشە جاعدايعا RegioJet پويىزىنىڭ قاتەلىگى سەبەپ بولۋى مۇمكىن ەكەنىن جازدى.
