فوتو: akorda.kz
ۇلتتىق شۇعىل مەديتسينانى ۇيلەستىرۋ ورتالىعىنىڭ باسقارما توراعاسى تيمۋر مۇراتوۆتىڭ ايتۋىنشا, مەكەمەدە 29 باعىت بويىنشا ەمدەۋ ءىسىن جۇرگىزەتىن 9 كلينيكالىق دەپارتامەنت قۇرىلادى. مۇندا جىلىنا 18 مىڭنان استام ناۋقاس ەمدەلە الادى.
پرەزيدەنت زاماناۋي قۇرالدارمەن, سونىڭ ىشىندە ءموبيلدى كومپيۋتەرلىك توموگراف جانە OR-1 جۇيەسىمەن جابدىقتالعان وپەراتسيا زالدارىن ارالاپ كوردى.
مەملەكەت باسشىسى ورتالىقتىڭ قىزمەتكەرلەرىمەن اڭگىمەلەسۋ بارىسىندا مۇنداي بىرەگەي نىساننىڭ ىسكە قوسىلۋىن وتاندىق مەديتسينانىڭ زور جەتىستىگى دەپ باعالادى. سونىمەن قاتار مەكەمەگە بىلىكتى مامانداردى كوپتەپ تارتۋ قاجەت ەكەنىنە نازار اۋداردى.
قاسىم-جومارت توقاەۆ ۇجىمنىڭ جۇمىسىنا تابىس تىلەپ, ورتالىققا رەانيموبيل سىيلادى.
