فوتو: parlam.kz
الەۋمەتتىك-مادەني دامۋ كوميتەتىنىڭ مۇشەسى ەلنۇر بەيسەنباەۆ ويىن بيزنەسى, لوتەرەيا جانە لوتەرەيا قىزمەتى تۋرالى زاڭ جوباسى بويىنشا جاساعان بايانداماسىندا ويىن بيزنەسى مەن لۋدومانيامەن كۇرەستى قوعامداعى وزەكتى ماسەسەلەردىڭ ءبىرى رەتىندە اتاپ ءوتتى.
«وزدەرىڭىز بىلەتىندەي, بۇل ەڭ كوپ تالقىلانعان زاڭ جوباسى بولدى. ونىڭ كوتەرىلىپ, زاڭ جوباسى رەتىندە ازىرلەنىپ, ۇزدىكسىز تالقىلانىپ كەلە جاتقانىنا 2 جىلدىڭ ءجۇزى تولدى. ۇكىمەتتىڭ قورىتىندىسىن الۋدىڭ وزىنە 1,5 جىلداي ۋاقىت كەتتى. قوعامدىق ديالوگ الاڭدارىندا دا, پارلامەنت قابىرعاسىندا دا كەڭىنەن تالقىلاندى. بۇل وسى ماسەلەنىڭ اسا وزەكتى ەكەندىگىن كورسەتەدى. بۇعان مەملەكەت باسشىسىنىڭ ءوزى بىرنەشە رەت ارنايى توقتالىپ, ونى اۋىزدىقتاۋ جونىندە ناقتى تاپسىرما بەردى», دەدى ول.
دەپۋتاتتىڭ ايتۋىنشا, اتالعان زاڭ جوباسى قوعامعا تىكەلەي اسەر ەتەدى.
زاڭ جوباسىندا مىنا ماسەلەلەر قاراستىرىلعان:
ءبىرىنشى. قۇمار ويىندارعا قاتىسۋعا جانە ءباس تىگۋگە شەكتەۋ قويىلعان ادامداردىڭ ءتىزىمى انىقتالدى. قۇمار ويىندارعا تىيىم سالۋدىڭ ماكسيمالدى مەرزىمى ءبىر جىلدان 10 جىلعا دەيىن ۇزارتىلدى. ەڭ باستىسى, تىيىم سالۋدى مەرزىمىنەن بۇرىن توقتاتۋ مۇمكىن بولمايدى. سونىمەن قاتار باستى جەڭىستەردىڭ ءبىرى — بورىشكەرلەردىڭ بىرىڭعاي تىزىلىمىنە ەنگىزىلگەن تۇلعالاردى شەكتەۋ. ولاردىڭ قاتارىنا شامامەن 3,5 ميلليون ادام كىرەدى. ءبىز ولاردى بۋكمەكەرلىك كەڭسەلەر مەن كازينولاردىڭ الەۋەتتى كليەنتتەرى دەپ بىلەمىز.
مەملەكەتتىك قىزمەتشىلەر, اسكەري قىزمەتشىلەر, ارناۋلى مەملەكەتتىك ورگانداردىڭ قىزمەتكەرلەرى, بيۋدجەتتىك ۇيىمداردىڭ باسشىلارى ءباس تىگە المايدى. شەكتەۋ سوندا شامامەن 280 مىڭ ادامعا قاتىستى بولادى. ولار ءۇشىن ەشقانداي ەسكەرتۋ بولمايدى. ستاۆكا قويعان ادام بىردەن جۇمىستان بوساتىلادى.
«پەتيتسيا ۇيىمداستىرعان قوعام بەلسەندىلەرىنىڭ ءبىرى ديدار سماعۇلوۆقا راقمەت. از عانا كۇننىڭ ىشىندە پەتيتسيا 30 مىڭ داۋىس جينادى. بۇل ارقىلى كوپشىلىكتىڭ قولداۋىن كورىپ وتىرمىز», دەدى دەپۋتات.
ەكىنشى. قۇمار ويىنعا تاۋەلدىلەر ەنەرگەتيكالىق سۋسىندارعا اۋەس. ەنەرگەتيكالىق سۋسىن ءىشىپ, تۇنىمەن ويىن وينايتىندار بار. قما مالىمەتتەرى بويىنشا, بۇگىندە 200 مىڭنان استام كامەلەتكە تولماعاندار قۇمار ويىندارىن وينايدى. ەنەرگەتيكالىق سۋسىندار الكوگولدەن دە قاۋىپتى بولىپ وتىر. ونى ءتىپتى 10 جاستاعى بالا دا ەركىن ساتىپ الا الادى. وسى رەتتە مەملەكەت باسشىسىنىڭ تاپسىرماسىمەن 21 جاسقا دەيىنگى جاسوسپىرىمدەرگە ەنەرگەتيكالىق سۋسىنداردى ساتىپ الۋعا تىيىم سالىندى.
ءۇشىنشى. قۇمار ويىندارعا تاۋەلدى ادامداردى مەديتسينالىق وڭالتۋ ءتارتىبى بەلگىلەندى جانە ديناميكالىق ەسەپكە قويماي, ياعني مەديتسينالىق قۇپيانى ساقتاي وتىرىپ, ويىنشىلاردى كونسۋلتاتسيالىق باقىلاۋ ەنگىزىلدى.
ءتورتىنشى. بايلانىس وپەراتورلارىنا قۇمار ويىندارىنىڭ جارناماسى بار حابارلامالاردى جىبەرۋگە تىيىم سالۋ قاراستىرىلدى.
بەسىنشى. بۋكمەكەرلىك كەڭسەلەر مەن كازينولاردىڭ جارناماسى مۇمكىندىگىنشە شەكتەلەدى.
«بۇل رەتتە مەن بلوگەرلەرگە بۋكمەكەرلىك كەڭسەلەردى جارنامالاۋ جانە ناسيحاتتاۋ ەندى زاڭسىز ەكەنىن ەسكەرتكىم كەلەدى. ول ءۇشىن 200 مىڭ تەڭگەدەن باستاپ ايىپپۇل كوزدەلگەن», دەدى ە.بەيسەنباەۆ.
التىنشى. شەتەلدىك بۋكمەكەرلىك كەڭسەلەردىڭ, ليتسەنزياسى جوق توتاليزاتورلاردىڭ جانە ونلاين-كازينولاردىڭ ينتەرنەت-رەسۋرستارىنا تولىق تىيىم سالىندى. ونلاين-كازينو ۇيىمداستىرۋشىلارى ەندى 2 جىلعا دەيىن باس بوستاندىعىنان ايىرىلىپ, قىلمىستىق جاۋاپكەرشىلىككە تارتىلادى.
جالپى زاڭدا جۇزدەن استام جاڭا نورمالار قابىلداندى.
«زاڭ جوباسىنىڭ قابىلدانۋىنا اقشا مەن اكىمشىلىك رەسۋرستاردان ايىرىلماعان كۇشتى لوببيستىك توپتار قارسى بولدى. ولار ءتىپتى 90-شى جىلدارداعى ادىستەرمەن ارەكەت ەتتى: ولار جابىق كەزدەسۋلەرگە شاقىردى, اقپاراتتىق شابۋىلدار جاسادى. بۇل لوببيستەر ەڭ جوعارى كەڭسەلەرگە وڭاي ءارى كەزدەيسوق كىرىپ, بيلىك دالىزدەرىندە كەڭ قادامدارمەن جۇرە الدى. بۇل زاڭ جوباسىنىڭ قابىلدانۋىنىڭ نەگىزگى درايۆەرى مەملەكەت باسشىسى بولدى. ونىڭ لۋدومونيامەن كۇرەس بويىنشا بەرىك ۇستانىمىنىڭ ارقاسىندا لوببيستەردى جەڭە الدىق», دەدى دەپۋتات.
