فوتو: www.worldenvironmentday.global
2024 جىلى دۇنيەجۇزىلىك قورشاعان ورتانى قورعاۋ كۇنىنە ارنالعان كونفەرەنتسيا «جەردى قالپىنا كەلتىرۋ, شولەيتتەنۋ جانە قۇرعاقشىلىققا توزىمدىلىك» تاقىرىبىمەن ساۋد ارابياسىندا وتەدى.
«بۇكىل الەمدە لاستانۋدىڭ, كليماتتىق حاوستىڭ جانە بيوارتۇرلىلىكتىڭ جويىلۋىنىڭ ۋلى كوكتەيلى ساۋ جەرلەردى شولدەرگە جانە گۇلدەنگەن ەكوجۇيەلەردى ءولى ايماقتارعا اينالدىرىپ جاتىر. ولار ورماندار مەن شابىندىقتاردى جويادى جانە ەكوجۇيەلەردى, اۋىل شارۋاشىلىعىن جانە قاۋىمداستىقتاردى قولداۋ ءۇشىن جەردى قۇرعاتادى», دەدى بۇۇ باس حاتشىسى انتونيۋ گۋتەرريش.
بۇل كۇنى الەمدە ەكوجۇيەلەردى قورعاۋ جانە قالپىنا كەلتىرۋ شارالارى ناسيحاتتالادى. بيىل وتەتىن كونفەرەنتسيادا «ۋاقىتتى كەرى قايتارا الماعانىمىزبەن, ورماندى قايتا ءوسىرىپ, سۋ كوزدەرىن جانە توپىراقتى قالپىنا كەلتىرە الامىز. ءبىز جەرمەن تاتۋ بولا الاتىن ۇرپاقپىز» يدەياسى ساراپقا سالىنادى.
ەرلان كيىكباي,
ل.ن.گۋميلەۆ اتىنداعى ەۇۋ ستۋدەنتى
