فوتو: ۆيدەوسكرين. وبلىستىڭ تج جونىندەگى شتابى
وبلىستىڭ تجد باسشىسىنىڭ ورىنباسارى رۋسلان شاريەۆتىڭ ايتۋىنشا, وبلىس سۋ تاسقىنىنىڭ شارىقتاۋ شەگىنەن ءوتتى.
«جايىق وزەنىندەگى سۋ دەڭگەيى تومەندەپ جاتىر. سۋ دەڭگەيىن قازىرگى ۋاقىتتا يندەر, ماحامبەت اۋداندارىندا جانە اتىراۋ قالاسىندا كۇندەلىكتى باقىلاپ وتىرمىز. سونىمەن قاتار جايىقتان تاسىعان سۋ جىرالارعا جايىلىپ, كوپ اۋماقتى سۋ باسۋىنا بايلانىستى, شارۋا قوجالىقتارىنا قاۋىپ ءتوندى. شارۋا قوجالىقتارىنىڭ يەلەرىنەن اۆاريالىق-قۇتقارۋ جۇمىستارىن جۇرگىزۋ ماسەلەلەرى بويىنشا «جەدەل جەلىگە» كەلىپ تۇسكەن بارلىق قوڭىراۋلار جەدەل وڭدەلىپ وتىر», دەدى رۋسلان شاريەۆ.
قازىرگى ۋاقىتتا سۋ باسقان اۋماقتا قالعان ءۇي جانۋارلارىن ەۆاكۋاتسيالاۋ جۇمىستارى جۇرگىزىلىپ جاتىر.
«بۇگىندە وبلىستىق جانە رەسپۋبليكالىق ماڭىزى بار تاسجولداردى سۋ باسىپ جاتقان جاعدايلار تىركەلىپ جاتىر. سۋ دەڭگەيى تومەندەگەننەن كەيىن, جولداردى قالپىنا كەلتىرۋ جۇمىستارى جۇرگىزىلەدى. ازىرگە سۋدىڭ قاۋىپسىزدىگى تۋرالى ايتۋعا ءالى ەرتە. ينفراقۇرىلىم نىساندارى تولىقتاي قالپىنا كەلتىرىلىپ, بارلىق جۇمىستار اياقتالعاننان كەيىن عانا سۋدىڭ قاۋىپسىزدىگى تۋرالى ايتۋعا بولادى», دەدى سپيكەر.
ايتا كەتسەك, يندەر اۋدانىندا سۋ دەڭگەيى شەكتىك دەڭگەيدەن 50 سم, ماحامبەت اۋدانىندا 1 مەتر, اتىراۋ قالاسىندا 27 سم استى.
