فوتو: ماڭعىستاۋ وبلىسى اكىمدىگىنىڭ ءباسپاسوز قىزمەتى
ماڭعىستاۋ وبلىسى اكىمىنىڭ ءبىرىنشى ورىنباسارى قىزمەتىنە ەربول ىزبەرگەنوۆ تاعايىندالدى. ەربول كۇرەنتاي ۇلى ىزبەرگەنوۆ 1973 جىلى تۋعان, ءبىلىمى جوعارى, ماماندىعى ينجەنەر-قۇرىلىسشى. «ىسكەرلىك باسقارۋ» ماگيسترى.
ەڭبەك جولىن 1991 جىلى «ماڭعىستاۋمۇنايگازبارلاۋ» كەشەندى ەكسپەديتسياسى قۇرىلىس-جيناقتاۋ ۋچاسكەسىنىڭ تاس قالاۋشىسى قىزمەتىنەن باستاعان.
ءار جىلدارى وڭىرلىك دەڭگەيدەگى قۇرىلىس مەكەمەلەرىندە, اقتاۋ قالاسى اكىمدىگىندە ەڭبەك ەتىپ, مۇنايلى اۋدانى اكىمىنىڭ ورىنباسارى, وبلىستىق قۇرىلىس باسقارماسىنىڭ باسشىسى قىزمەتتەرىن اتقاردى.
سونداي-اق قر يندۋستريا جانە جاڭا تەحنولوگيالار مينيسترلىگىندە جانە قر دەنساۋلىق ساقتاۋ مينيسترلىگىندە باسقارما باسشىسى بولىپ ەڭبەك ەتكەن.
2019-2020 جىلدارى «اقتاۋ تەڭىز پورتى» ارنايى ەكونوميكالىق ايماق» اق باسقارما توراعاسىنىڭ ورىنباسارى, كەيىن «اتامەكەن» رەسپۋبليكالىق كاسىپكەرلىك پالاتاسىنىڭ ديرەكتورى بولدى.
2020-2023 جىلدارى ارالىعىندا اقتاۋ قالاسى اكىمىنىڭ ورىنباسارى جانە اقتاۋ قالاسى اكىمىنىڭ لاۋازىمدارىن اتقاردى.
