فوتو: باتىس قازاقستان وبلىسىنىڭ سايلاۋ كوميسسياسى
بقو اۋماقتىق سايلاۋ كوميسسياسىنىڭ حابارلاۋىنشا, اقجايىق اۋدانى قاراۋىلتوبە اۋىلى, ءبورلى اۋدانى بۋماكول اۋىلى, جانىبەك اۋدانى قامىستى اۋىلى, تاسقالا اۋدانى دوستىق اۋىلى جانە ورال قالاسى دەركول قالا تيپتەس ەلدى مەكەندەرىنىڭ اكىمدەرىنىڭ وكىلەتتىكتەرى اياقتالدى.
سونىمەن قاتار سىرىم اۋدانى جەتىكول اۋىلدىق وكرۋگى اكىمىنىڭ وكىلەتتىگى مەرزىمىنەن بۇرىن توقتاتىلدى. وسىعان بايلانىستى سايلاۋ 2 ماۋسىمعا بەلگىلەندى.
ورال قالاسىنداعى دەرقۇل ەلدى مەكەنى اكىمدىگىنە 3 ۇمىتكەر, 15 118 سايلاۋشى تىركەلدى. ايتا كەتەيىك, دەرقۇلدا 7 سايلاۋ ۋچاسكەسى جۇمىس ىستەيدى.
داۋىس بەرۋگە ءبىرىنشى كەلگەن سايلاۋشىلارعا, كامەلەتتىك جاسقا تولعان جانە ءبىرىنشى رەت داۋىس بەرگەن جاستارعا, سونداي-اق بۇكىل وتباسى بولىپ كەلگەندەرگە دەمەۋشىلەر اتىنان سىيلىقتار تابىس ەتىلدى.
جانىبەك اۋدانى قامىستى اۋىلدىق وكرۋگى بويىنشا 2 كانديداتقا داۋىس بەرۋ ءۇشىن 774 تۇرعىن سايلاۋشىلار تىزىمىنە ەنگىزىلدى.
اقجايىق اۋدانى قاراۋىلتوبى اۋىلدىق وكرۋگى بويىنشا جالپى داۋىس سانى 791 ادامدى قۇرايدى.
ءبورلى اۋدانى بۋماكول اۋىلدىق وكرۋگى اكىمى لاۋازىمىنا ءۇش كانديدات ءوز بەتىنشە ۇسىنىلدى. مۇندا 698 سايلاۋشى تىركەلدى.
جەتىكول اۋىلدىق وكرۋگىنە قاراستى سىرىم اۋدانىندا جانە تاسقالا اۋدانىنداعى دوستىق اۋىلدىق وكرۋگىندە سايلاۋ ءساتتى ءوتتى.
قىرمىزى جۇماعاليقىزى,
ەۇۋ ستۋدەنتى
