ونەر يەسى نەبارى 57 جاستا ەدى. مارقۇممەن قوشتاسۋ ءراسىمى ەرتەڭ, 3 ماۋسىمدا ساعات 10.00-دەن 11.00-گە دەيىن م.گوركي اتىنداعى ماودت عيماراتىندا وتەدى, (جەلتوقسان كوشەسى, 13).
مۇحامەتديەۆا مارگاريتا اناتولەۆنا 1966 جىلى 4 شىلدەدە دۇنيەگە كەلگەن. 1988 جىلى ا.اليابەۆا اتىنداعى توبولسك ونەر جانە مادەنيەت ۋچيليششەسىن ءبىتىردى (حالىق تەاترلارىنىڭ رەجيسسەرى).
تالدىقورعان قالاسىنىڭ دراما تەاترىندا جۇمىس ىستەدى. 1996 جىلى ت.جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىنىڭ تەاتر فاكۋلتەتىن ۇزدىك ءبىتىردى.
1998 جىلى ول استانا قالاسىنداعى م.گوركي مەملەكەتتىك اكادەميالىق ورىس دراما تەاترىنىڭ ترۋپپاسىنا قابىلداندى.
«م.مۋحامەتديەۆا كەيىپكەرلەرىنىڭ بەينەسىن جارقىن, ەموتسيونالدى ەتىپ كورسەتتى. ول كەز كەلگەن جانردا: كومەديا, ەرتەگى, گروتەسك جانە تراگەدياداعى رولدەرىن ەرەكشە سومدادى. مارگاريتا اناتولەۆنا ۇلكەن تالانت يەسى بولدى. ول ءوزىنىڭ نازىك بولمىسىمەن, اكتەرلىك شەبەرلىگىمەن, رولگە تەرەڭ ەنۋىمەن, تەاتر ونەرىنە ادال قىزمەتىمەن ەرەكشەلەندى. ۇزاق اۋرۋدان كەيىن مارگاريتا مۋحامەتديەۆا دۇنيەدەن وزدى. ءبىز ونى رۋحى مىقتى, نازىك, سۇيكىمدى, ادەمى اكتريسا رەتىندە ماڭگى ەسىمىزدە ساقتايمىز», - دەلىنگەن حابارلامادا.
