بىرەگەي باعدارلامانى جۇزەگە اسىرۋ باستالدى

كەشە ورتالىق كوممۋنيكاتسيالار قىزمەتىندە بيزنەستى قولداۋ مەن دامىتۋعا ارنالعان بىرەگەي باعدارلامانى جۇزەگە اسىرۋ باستالعانى جاريا بولدى. ول تۋرالى «بايتەرەك» ۇلتتىق باسقارۋشى حولدينگى» اق باسقارۋشى ديرەكتورى قانىش تولەۋشين, «دامۋ» كاسىپكەرلىكتى دامىتۋ قورى» اق باسقارما ءتورايىمى ءلاززات يبراگيموۆا, اتالعان قوردىڭ باسقارۋشى ديرەكتورلارى عابيت لەسبەكوۆ پەن نۇرلان اقشانوۆ ايتتى. كاسىپكەرلىكتى قولداۋ مەن دامىتۋعا قاتىستى بۇعان دەيىنگى بىرقاتار باعدارلامالار مەن قۇجاتتاردىڭ باسىن بىرىكتىرگەن بىرەگەي باعدارلامانىڭ ماڭىزىنا توقتالعان ق.تولەۋشين, ونداعى ماقسات بيزنەستىڭ دامۋى مەن وركەن جايۋىن قامتاماسىز ەتە وتىرىپ, ايماقتاردا جاڭا جۇمىس ورنىن اشۋ ءۇشىن جۇمىس ىستەپ تۇرعان كاسىپورىندارعا قولداۋ كورسەتۋ ەكەنىن تاپتىشتەدى. ال باعدارلامانىڭ جەتىلدىرىلگەن شارالارى جونىندە «دامۋ» قورىنىڭ جەتەكشىسى اڭگىمەلەدى. ءتورايىمنىڭ ايتقانىنا يلانساق, 180 ملن. تەڭگەگە دەيىنگى سوماداعى جوبالاردى قارجىلاندىرۋ جۇمىستارى جەدەلدەتىلىپتى. «ءسوزدى ۇكiمەت قابىلداعان جاڭا بiرەگەي باعدارلامادان باستايىق. بيزنەستi دامىتۋ مەن قولداۋعا ارنالعان اتالعان باعدارلاما «بيزنەستiڭ جول كارتاسى-2020» جانە باسقا دا بiرقاتار سالالىق باعدارلامالاردىڭ بازاسىندا جاسالدى. جاڭا باعدارلاما جاساۋدى وتكەن جىلى پرەزيدەنت ۇكiمەتكە تاپسىرعان بولاتىن. وتكەن ايدا ۇكiمەت جاڭا باعدارلاما تۋرالى قاۋلى قابىلدادى. «دامۋ» قورى وسى جاڭا باعدارلامانىڭ قارجى اگەنتi بولىپ قالا بەرەدi», دەدi ل.يبراگيموۆا. قوردىڭ ءباسپاسوز پاراقشاسىنداعى اقپاراتقا زەر سالساق, ءبىرىنشى كەزەكتە بۇل باعدارلامانىڭ اۋىل كاسiپكەرلەرi ءۇشiن قولجەتiمدiلىگى ەسەلەپ ارتادى. «بiرiنشi باعىت بويىنشا ەلدi مەكەندەردە, شاعىن جانە مونوقالالاردا بيزنەس دامىتىلادى. بiرiنشi ساۋiردەن باستاپ ەكiنشi دەڭگەيلi بانكتەر قارجىلاندىراتىن بارلىق جوبالار سالالىق شەكتەۋسiز سۋبسيديالاناتىن بولدى. سونداي-اق, باعدارلاما جىلدام بولا ءتۇستi. كوپتەگەن كاسiپكەرلەردiڭ جوباسى ەكiنشi دەڭگەيلi بانكتەن قولداۋ تاپقاننان كەيiن, وڭiرلiك ۇيلەستiرۋ كەڭەسiندە قارالاتىن ەدى. ەندi «دامۋ» قورى كەپiلدەندiرەتiن قۇنى 180 ملن. تەڭگەگە دەيiنگi جوبالار وڭiرلiك ۇيلەستiرۋ كەڭەسiنiڭ قاراۋىنان وتپەيتiن بولادى. وعان قوسا, جاڭا باعدارلاما بويىنشا قولداۋ كولەمi ارتىپ, بيزنەستi سالالىق قولداۋ باعىتى ەنگiزiلiپ وتىر. ونىڭ اياسىندا «بيزنەستiڭ جول كارتاسى-2020» باعدارلاماسىنىڭ باسىمدىق بەرiلگەن سالالارى ساقتالدى. مۇنىمەن قاتار, يندۋستريالىق-يننوۆاتسيالىق دامۋ باعدارلاماسى اياسىندا قۇنى 4,5 ملرد. تەڭگەگە دەيiنگi بارلىق جوبالار بويىنشا سۋبسيديالاۋ مولشەرلەمەسى 10 پايىزعا دەيiن ۇلعايتىلدى. وسىلايشا, باعدارلاما جوبالارى ەكiنشi دەڭگەيلi بانكتەردە باسىمدىققا يە بولادى», دەدi ءتورايىم. ءۇشiنشi باعىت بويىنشا ۆاليۋتالىق تاۋەكەلدەردi تومەندەتۋ كوزدەلiپ وتىر. كاسiپكەرلiك الەۋەتتi ارتتىراتىن ءتورتiنشi باعىت بويىنشا قولداۋدىڭ ارتۋىنا بايلانىستى قارجىلاي ەمەس باعدارلامالار بويىنشا بiرقاتار فۋنكتسيالار «اتامەكەن» ۇلتتىق كاسiپكەرلەر پالاتاسىنا بەرiلدى. بيىلعى 1 قاڭتاردان باستاپ «بيزنەس-كەڭەسشi» باعدارلاماسىن, اۋداندار مەن مونوقالالارداعى كاسiپكەرلiكتi قولداۋ ورتالىقتارىن وڭiرلiك كاسiپكەرلەر پالاتاسى قولعا العان. نۇرباي ەلمۇراتوۆ, «ەگەمەن قازاقستان».