«اركىمنىڭ داۋىسى ماڭىزدى!» اكتسياسى اياقتالدى

كەشە «اتامەكەن» ۇلتتىق كاسىپكەرلەر پالاتاسى «اركىمنىڭ داۋىسى ماڭىزدى!» اتتى اقپاراتتىق اكتسياسىنىڭ قورى­تىندىسىن شىعاردى. ونداعى نەگىزگى ماق­سات – بەلگىلى ءبىر كانديداتتى ۇگىتتەپ, ساياسي كۇشكە قولداۋ ءبىلدىرۋ ەمەس, كەرىسىنشە, جۇرتتى ءوز قالاۋى بويىنشا داۋىس بەرۋگە شاقىرۋ ءارى بيزنەس قاۋىمداستىقتىڭ بەل­سەندىلىگىن ارتتىرىپ, رەسپۋبليكا ازا­­ماتتارىن كەزەكتەن تىس پرەزيدەنتتىك ساي­­لاۋ­عا ءبىر كىسىدەي قاتىسۋعا اتسالىسۋ, ۇندەۋ. ءباسپاسوز وكىلدەرىمەن جۇزدەسكەن شارا بارىسىندا  «اتامەكەن» قر ۇقپ باسقارما   توراعاسىنىڭ ورىنباسارى نۇرجان التاەۆ, «جۇمباقتاس» مقك ديرەكتورى ساۋلە جاقسىلىقوۆا, «كونتسەرن» تسەسنا-استىق» جانە ماركەتينگ ءبولىمىنىڭ باسشىسى  ەكاتەرينا شيپيلوۆا قاتىسىپ, اتالمىش اكتسيا توڭىرەگىندە ءوز ويلارىمەن ءبولىستى. بۇل تۋرالى باسقارما توراعاسىنىڭ ورىنباسارى ن.التاەۆ: «ءبىز وسى اكتسيانى باس­تار كەزدە وتاندىق بيزنەس-قاۋىمداستىقتان مۇنداي جوعارى بەلسەندىلىك كۇتكەن جوقپىز. كاسىپكەرلەر بۇعان پايدا كوزى رەتىندە ەمەس, وزدەرىنىڭ ازاماتتىق بورىشىن ورىنداۋ ماقساتىندا  كىرىسىپ كەتتى. كەزدەسۋ بارىسىندا قانشاما جاقسى سۇحباتتار بولدى. ماعان قاتىسۋشىلاردىڭ ءوز ويلارىن ەركىن جەتكىزگەندەرى ۇنادى. اسىرەسە, تۇرعىنداردىڭ قويعان سۇراقتارىنىڭ دەنى نەسيە, تۇرعىن ءۇي ماسەلەسىنە قاتىستى ءوربىدى. بۇل ءوتىنىش-ۇسىنىستاردى ءبىز الداعى ۋاقىتتا قاراپ, شەشۋ جولدارىن ىزدەستىرەتىن بولامىز», – دەدى ءباسپاسوز وكىلدەرىنە بەرگەن سۇحباتىندا. اۋقىمدى شاراعا 1850 كاسىپكەرلىك قۇرى­لىمنىڭ وكىلدەرى قاتىستى. ونىڭ ىشىندە, ءدامحانا, قوناق ءۇي, ساۋدا ورتالىقتارى, اسەمدىك سالوندارى جانە قارجى ۇيىمدارى دا بار. وتاندىق 350 كاسىپورىن ءوز ونىمدەرىنە «اركىمنىڭ داۋىسى ماڭىزدى!» دەپ جازىلعان 3 ميلليوننان استام ارنايى جاپسىرما جاپسىرىلعان. ال قازاقستاندىق جوعارى وقۋ ورىندارىندا 10 مىڭداي كۇنتىزبە ءىلىندى. ۇلتتىق كاسىپكەرلەر پالاتاسى وكىلدەرىنىڭ ايتۋىنشا, اتالعان اكتسيا ارقىلى ميلليوننان استام وتباسى مەن 3 ميلليونداي عالامتور-پايدالانۋشى قامتىلعان. جيىن سوڭىندا اتالمىش شاراعا بەلسەندى تۇردە اتسالىسقان وتاندىق كومپانيالار مەن اقپاراتتىق قولداۋ كورسەتكەن باق وكىلدەرى ماراپاتتالدى. اتاپ ايتقاندا, ەڭ وزىعى جامبىل وبلىسى, سونان كەيىن پاۆلودار وبلى­سى, ال ءۇشiنشi بولىپ سولتۇستiك قازاقستان وبلىسى تiركەلدى. راۋشان تاۋىرحانقىزى,  جۋرناليست.