فوتو: gov.kz
قورداي اۋدانىنىڭ پروكۋراتۋراسى بيۋدجەت زاڭناماسى سالاسىندا جۇرگىزگەن تالداۋ ناتيجەسى بويىنشا اۋدان اكىمدىگى قىزمەتىندە زاڭبۇزۋشىلىقتاردى انىقتادى.
«جەرگىلىكتى اتقارۋشى ورگان راستايتىن قاجەتتى قۇجاتتارسىز جانە نەگىزدەمەسىز بيۋدجەتتىڭ شىعىس بولىگىنە 700 ميلليون تەڭگەدەن استام قاراجاتتى ەنگىزگەن. مىسالى, اكىمدىك شىعىس باعاناسىنا سۋ قۇبىرى ليۋكتەرىن ورناتۋعا 67 ميلليون تەڭگە قاراجات قاراستىرعان. الايدا شىعىستىڭ وسى باعىتىنىڭ ەكونوميكالىق نەگىزدەمەسى ايقىندالماعان», دەلىنگەن حابارلامادا.
ناتيجەسىندە پروكۋرورلىق قاداعالاۋ اكتىسىمەن 700 ميلليون تەڭگەدەن استام بيۋدجەت قاراجاتىنىڭ جۇمسالۋى الدىن الىندى.
زاڭبۇزۋشىلىقتارعا جول بەرگەنى ءۇشىن 6 لاۋازىمدى تۇلعا تارتىپتىك جاۋاپكەرشىلىككە تارتىلدى.
التىناي ابدىش,
ل.ن.گۋميلەۆ اتىنداعى ەۇۋ ستۋدەنتى
