فوتو: الەكساندر مانزيۋك / تاسس
بۇل فۋنكتسيانى ەنگىزۋگە باستاماشى جانە ازىرلەۋشى مەملەكەتتىك قىزمەت ىستەرى اگەنتتىگى مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى بولدى.
«ىڭعايلى ينتەرفەيسى بار فۋنكتسيانى قولدانۋ ارنايى داعدىلاردى تالاپ ەتپەيدى. ەندى مەملەكەتتىك كورسەتىلەتىن قىزمەتتەردى الۋ كەزىندە كۇردەلى ماسەلەلەر تۋىنداعان جاعدايدا ازاماتتار «EgovKzBot2.0» Telegram-بوتىنا مەملەكەتتىك قىزمەتتى بەرۋشى مەكەمەنىڭ دەرەكتەرىن ەنگىزىپ, ءوز پىكىرلەرى مەن ۇسىنىستارىن نەمەسە شاعىمدارىن جىبەرە الادى. مەملەكەتتىك قىزمەتتى الۋ بارىسىندا ارتىق قۇجاتتاردى تالاپ ەتۋ, نەگىزسىز باس تارتۋ نەمەسە ۋاقتىلى قىزمەت كورسەتپەۋ جانە باسقا دا فاكتىلەر بويىنشا ءوتىنىش جىبەرۋگە بولادى», دەپ حابارلادى اگەنتتىكتىڭ ءباسپاسوز قىزمەتى.
اگەنتتىك تۇسكەن بارلىق شاعىمدار مەن ۇسىنىستار قارالىپ, كەرى بايلانىس ورناتىلىپ, ماسەلەلەر قىسقا مەرزىمدە شەشىلەدى دەپ سەندىردى.
قىرمىزى جۇماعاليقىزى,
ەۇۋ ستۋدەنتى
