يليا يلين – جىلدىڭ ۇزدىك اۋىر اتلەتشىسى

كەشە استانادا «جىلدىڭ ۇزدىك اۋىر اتلەتشىسى» اتاعىنىڭ لاۋ­رەاتتارىن سالتاناتتى تۇردە ماراپاتتاۋ ءراسىمى ءوتتى. وعان پرەمەر-ءمينيستردىڭ ورىنباسارى بەردىبەك ساپارباەۆ قاتىستى. بۇل سىيلىقتى كەزىندە «اۋىر اتلەتيكا الەمى» جۋرنالىنىڭ نەگىزىن قالاعان ءارى سونىڭ باس رەداكتورى بولعان يەنو بوسكوۆيچ تاعايىنداعان بولاتىن. سودان بەرى ول جىل سايىن ءداستۇرلى تۇردە ەرلەر مەن ايەلدەر اراسىنداعى ەڭ ۇزدىك اۋىر اتلەتشىگە بەرىلىپ كەلەدى. بيىلعى جىلى ايتۋلى اتاققا قازاقستاندىق ەكى دۇركىن وليمپيادا چەمپيونى يليا يلين مەن رەسەيلىك وليمپيا ويىندارىنىڭ چەمپيونى تاتيانا كاشيرينا يە بولدى. ۇزدىك سپورتشىلار حالىقارالىق اۋىر اتلەتيكا فەدەراتسياسىنىڭ «Worldweigthing» (اۋىر اتلەتيكا الەمى) جۋرنالى ۇيىمداستىرعان ينتەرنەت-داۋىس بەرۋ ارقىلى انىقتالدى. وندا الەمنىڭ 46 ەلىنەن 2 000-عا جۋىق داۋىس تىركەلدى. ءسويتىپ, داۋىس بەرۋدىڭ قورىتىندىسى 13 ناۋرىز كۇنى شىعارىلىپ, 2014 جىلدىڭ ۇزدىك اۋىر اتلەتشىلەرى بولىپ جوعارىدا اتالعان سپورتشىلار تانىلدى. داۋىس سانى بويىنشا ايەلدەر اراسىنداعى ەكىنشى ورىندى الەمنىڭ ءۇش دۇركىن چەمپيونى, قازاقستاندىق ءزۇلفيا چينشانلو يەلەندى. ءۇشىنشى ورىن قىتاي سپورتشىسى دەنگ ۆەيگە بەرىلدى. ال ەرلەر اراسىنداعى ۇزدىك اۋىر اتلەتشىگە داۋىس بەرۋدە ەكىنشى ورىن وليمپيادا, الەم چەمپيونى لياو حەيگە بۇيىردى. ءۇشىنشى ورىنعا رەسەيلىك رۋسلان البەگوۆ يە بولدى. سالتاناتتى ماراپاتتاۋ راسىمىنە مادەنيەت جانە سپورت ءمينيسترى ارىستانبەك مۇحامەدي ۇلى, حالىقارالىق اۋىر اتلەتيكا فەدەراتسياسىنىڭ (IWF) پرەزيدەنتى توماش ايان جانە IWF ءبىرىنشى ۆيتسە-پرەزيدەنتى نيكۋ ۆلاد, سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ پرەزيدەنتى تيمۋر ق ۇلىباەۆ قاتىستى. وندا توماش ايان حالىقارالىق اۋىر اتلەتيكا فەدەراتسياسىنىڭ سىيلىعى ەكىنشى جاعىنان «يەنو بوسكوۆيچ اتىنداعى كۋبوك» دەپ اتالاتىنىن, وسى كۋبوكتا سپورتشىنىڭ ەسىمى جازىلاتىنىن اتاپ ءوتتى. بۇل سىيلىقتى وتانداستارىمىز العاش رەت الىپ وتىرعان جوق. 2005 جانە 2006 جىلدارى يليا يلين ايتۋلى نوميناتسيانىڭ ەكى مارتە لاۋرەاتى اتانعان بولسا, 2010 جىلى سىيلىقتى سۆەتلانا پودوبەدوۆا, 2013 جىلى ءزۇلفيا چينشانلو العان بولاتىن. داستان كەنجالين, «ەگەمەن قازاقستان». سۋرەتتى تۇسىرگەن ەرلان وماروۆ, «ەگەمەن قازاقستان».