وسى ورايدا, ەلىمىزدىڭ ەلەۋلى سپورتتىق جاڭالىقتارىنا ويىسساق, 2024 جىلدىڭ مامىر ايى يسپانيانىڭ سانتا سۋساننا قالاسىندا حالىقارالىق سپورت باسىلىمدارى قاۋىمداستىعىنىڭ (AIPS) 86-شى كونگرەسى ءوتتى. كونگرەس اياسىندا, بيىل كۇزدە استانا قالاسىندا وتەتىن V دۇنيەجۇزىلىك كوشپەندىلەر ويىندارىنىڭ باعدارلاماسى تانىستىرىلدى.
ناقتىراق ايتساق, 2024 جىلدىڭ 8-13 قىركۇيەگى V دۇنيەجۇزىلىك كوشپەندىلەر ويىندارىنا الەم بويىنشا 100 ەلدەن 3 مىڭنان استام مىقتى سپورتشىلار مەن جانكۇيەرلەر كۇتىلۋدە.
سپورت – مەملەكەتتىڭ بەدەلىن نىعايتۋ قۇرالى. باسەكەلەستىكتىڭ بۇل ءتۇرى مەملەكەتتەر اراسىندا بايلانىس ورناتۋعا, مادەني, ەكونوميكالىق جانە ساياسي بايلانىستاردى ساقتاۋعا كومەكتەسەدى. مۇنداي دەڭگەيدەگى جارىستاردى وتكىزۋگە مۇمكىندىك الۋ قازىردىڭ وزىندە ۇمىتكەرلەر اراسىنداعى باسەكەدە ۇلكەن جەڭىس بولىپ تابىلادى, بۇل ەلىمىزدەگى سپورتتىڭ دامىعان دەڭگەيىن ەمەس, ەلىمىزدىڭ الەمگە تانىلعانىن كورسەتەدى.
ۇلتتىق سپورت – ەلىمىزدىڭ برەندى. قازاق حالقى ەجەلدەن بارلىق مەرەكەلەردە جارىس ۇيىمداستىرىپ, جەكپە-جەككە دەگەن سۇيىسپەنشىلىك قانىمىزدا بار. قازاق ءۇشىن كۇرەس سپورتتان دا ارتىق. اقىندار مەن جىراۋلار ءوز ولەڭدەرى مەن داستاندارىندا ەلى مەن جەرىنىڭ داڭقىن اسقاقتاتۋدى ءبىرىنشى بولىپ جىرلاعىسى كەلگەن. زامان مەن ادامداردىڭ ومىرلىك قۇندىلىقتارى وزگەرەدى دەي تۇرعانمەن حالىقتىڭ ءداستۇرى ساقتالادى. وسى تۇستا, «قازاقستان بارىسى» ءتۋرنيرىنىڭ ءساتتى بولۋىنا ۇلتتىق جوبا دەۋگە ابدەن بولادى. «قازاقستان بارىسى» ءتۋرنيرىنىڭ اقتىق سىنىنا قاتىسۋشىلار ەلىمىزدىڭ ەڭ مىقتى بالۋاندارى دەسەك ارتىق ەمەس. راسىندا دا, استانا قالاسىندا وتەتىن فينالعا شىعۋ ءۇشىن ولار ءوز ايماقتارىندا قيىن سىناقتان ءوتۋى كەرەك. بۇگىنگى تاڭدا «قازاقستان بارىسى» تۋرنيرىنە قاتىسۋ تەك بەدەلدىكتى عانا كورسەتپەيدى, سونىمەن قاتار ۇلكەن ماڭىزعا يە.
مەملەكەت باسشىسى 2020 جىلى حالىققا جولداۋىندا بۇقارالىق سپورتقا, دەنە شىنىقتىرۋعا جانە بالالارعا باسىم كوڭىل ءبولۋ كەرەكتىگىن اتاپ ءوتتى. ءار وبلىستا, ءىرى وبلىس ورتالىقتارىندا سپورت سەكتسيالارىن اشۋدى تاپسىردى. وسىلايشا دەنە شىنىقتىرۋ مەن بۇقارالىق سپورتتى دامىتۋدىڭ 2020-2025 جىلدارعا ارنالعان كەشەندى جوسپارى قابىلداندى.
جىل سايىن ءبىز بۇقارالىق سپورتتىڭ الەۋمەتتىك ماڭىزدىلىعىنىڭ ارتتىرۋ ءۇردىسىن بايقايمىز. ونى مەملەكەتتىڭ سپورت سالاسىن دامىتۋعا, اسىرەسە, بۇقارالىق سپورتتىڭ ءوزىن دامىتۋعا قولداۋ كورسەتۋدەگى رولىنەن بايقاۋعا بولادى.
بۇقارالىق سپورتتىن دامۋى ءۇشىن وبلىس ورتالىقتارىندا سپورت نىساندارىن سالۋ قاجەتتىگىن تولىقتاي قولدايمىن. ويتكەنى, قازاقستاننىڭ ۇزدىك سپورتشىلارىنىڭ 80-90 پايىزى اۋىلدان شىققان. سپورتتىق ءومىر سالتىن تانىمال ەتۋ سپورتتىق مەرەكەلەر, مارافوندار, تۋرنيرلەر مەن جارىستار سياقتى ءارتۇرلى بۇقارالىق ءىس-شارالاردى ۇيىمداستىرۋدان باستالادى. بۇل سپورتقا دەگەن قىزىعۋشىلىقتى وياتىپ, حالىقتىڭ دەنە شىنىقتىرۋمەن اينالىسۋىن بەلسەندى ەتەدى.
سونداي-اق, جول كارتاسىن تالداۋدى ماماندار جاساۋ كەرەك, ونىڭ ءتيىمدى نەمەسە ءتيىمسىز ەكەنىن قاراپايىم حالىق قالاي ايتا الادى. بۇل ناقتى تالداۋدى قاجەت ەتەدى, بىراق ءبىز جاڭا قازاقستاندى قۇرعىمىز كەلسە, كەز كەلگەن جاڭالىق ورىن الۋى كەرەك.
«2023-2025 جىلدارعا ارنالعان سالاۋاتتى ءومىر سالتىن ناسيحاتتاۋدى كۇشەيتۋ, حالىقتىڭ دەنساۋلىق ساقتاۋ ساۋاتتىلىعىن ارتتىرۋدىڭ 91-تارماعىن ىسكە اسىرۋ جونىندەگى جول كارتاسىن بەكىتۋ تۋرالى» پرەمەر-ءمينيستردىڭ وكىمىنىڭ جوباسى دايىندالدى.
zakon.kz اقپاراتتىق سايتىندا بەرىلگەن ستاتيستيكالىق مالىمەتتەرگە سۇيەنسەك, جول كارتاسىن جۇزەگە اسىرۋدان كۇتىلەتىن ناتيجەلەر ءومىر ءسۇرۋ ساپاسىن جاقسارتۋعا اكەلەدى.
2025 جىلعا قاراي سالاۋاتتى ءومىر سالتىن ۇستاناتىن قازاقستان ازاماتتارىنىڭ ۇلەسىن 30%-عا دەيىن ارتتىرۋ.
2025 جىلعا قاراي قازاقستاننىڭ 15 جاستاعى تۇرعىندارى اراسىندا تەمەكى شەگۋدىڭ تارالۋىن 19%-عا دەيىن تومەندەتۋ.
2025 جىلعا قاراي بالالاردىڭ (0-14 جاس) سەمىزدىك اۋرۋىن 100 000 حالىققا شاققاندا 90-عا دەيىن تومەندەتۋ.
ازاماتتاردىڭ ءومىر ءسۇرۋ ۇزاقتىعىن 2020 جىلعى 71,37 جاستان 2025 جىلى 75 جاسقا دەيىن ۇلعايتۋ.
تاۋەلسىزدىك العاننان بەرى قازاقستاننىڭ ۇلكەن سپورتتاعى العاشقى جەڭىسى 1994 جىلى ليللەحاممەردەگى قىسقى وليمپيادا ويىندارىندا بولدى. سول كەزدە شاڭعىشى ۆلاديمير سميرنوۆ ەلىمىزدىڭ قورجىنىنا العاشقى التىندى سالدى. سودان بەرى, قازاقستاندىق سپورتشىلار قۇرامانىڭ قورجىنىن بىرنەشە رەت وليمپيادا جۇلدەسىمەن تولىقتىرىپ وتىردى.
سپورتشىلارىمىزدىڭ جەڭىستەرى ەلىمىزدىڭ حالىقارالىق سپورت ارەناسىنداعى ءيميدجىن كوتەرۋدەگى وراسان زور قادام بولدى جانە قازاقستانعا الەمدىك دەڭگەيدەگى سپورتتىق جارىستاردىڭ جارقىن الاڭى رەتىندە نازار اۋداردى.
2011 جىلى ەلىمىز العاش رەت 26 مەملەكەت قاتىسقان حالىقارالىق وليمپيادا كوميتەتى – VII قىسقى ازيا ويىندارىنىڭ «قوجايىنى» اتاندى. سول كەزەڭدە قازاقستان قۇراماسى جالپى 70 مەدال جەڭىپ الدى, ونىڭ 32-ءسى التىن. 2017 جىلعى 28-ءشى دۇنيەجۇزىلىك قىسقى ۋنيۆەرسيادانى وتكىزۋ رەسپۋبليكانىڭ ماڭىزدى جەتىستىگى بولدى, وعان 50-دەن استام ەلدەن 1500-دەن استام سپورتشى قاتىستى. سونداي-اق قازاقستان ءۇشىن 2024 جىلدىڭ 8-13 قىركۇيەگى ارالىعىندا وتەتىن, جالپى سانى 3000-نان استام ادام قاتىساتىن كوشپەندىلەر ويىندارى سياقتى تاريحي وقيعانى اتاپ وتكىم كەلەدى.
قازاقستانداعى ەڭ تابىستى سپورت ءتۇرى – بوكس دەپ سانالادى. قازاق بىلعارى قولعاپ شەبەرلەرى وليمپيادا ويىندارىندا جەتى التىن مەدال جەڭىپ الدى.
سپورتشىلار اراسىندا باستى ماسەلەسى – سپورتشىلاردىڭ پسيحولوگيالىق جاعدايى. سپورتشىلاردىڭ ەڭ كوپ كەزدەسەتىن پسيحولوگيالىق ماسەلەلەرى - كۇيزەلىس, دەپرەسسيا جانە الاڭداۋشىلىق. كۇردەلى جاتتىعۋلار مەن ۇزاق دايىندىق كەزەڭدەرىنىڭ ارقاسىندا سپورتشىلار جوعارى دەڭگەيدەگى كۇيزەلىستى باستان كەشىرۋى مۇمكىن, بۇل ونىمدىلىكتىڭ تومەندەۋى, الاڭداۋشىلىق, مىنەز-ق ۇلىقتىڭ وزگەرۋى جانە ءتىپتى دەپرەسسيا سياقتى ءارتۇرلى ماسەلەلەرگە اكەلۋى مۇمكىن.
كاسىبي سپورتپەن شۇعىلدانۋعا ەڭ باستى سەبەپ, مەنىڭ ويىمشا, جارىستاردا ءساتتى ونەر كورسەتۋ جانە تاڭداعان سپورت تۇرىنەن دارىندى بولۋ.
سپورتتا ارقاشان جەڭىسكە جەتۋ مۇمكىن ەمەس. ايتپەسە, جارىس ماعىناسىن جوعالتادى. جەڭىلىستەرگە توتەپ بەرە ءبىلۋ, سىنباۋ جانە بەرىلمەۋ – كەز كەلگەن سپورتشى ءبىلۋى كەرەك ونەر. ءتىپتى ۇلى كورمچي ماو تسزەدۋن: «جەڭىلىستەردىڭ ناتيجەسى ايقىن جەڭىسكە اپارادى» دەگەن. جاعدايدى ەموتسيونالدى تۇردە باستان كەشىرىپ, ادامدى مىقتى ەتەتىن (ەسەيتەتىن) تاجىريبەنى الۋ كەرەك. «سپورتتا كەزدەيسوقتىق مۇلدەم بولمايدى» دەگەن كوزقاراستى ۇستانۋ پايدالى. مىسالى: «ەگەر مەن جەڭىلىپ قالسام, بۇل قاتەلەسكەنىمدى بىلدىرەدى. قارسىلاس جەڭسە, وندا ونىڭ قاتەلىگى از بولدى دەگەن ءسوز. قاتەلىك جاساۋ قابىلەتسىز دەگەندى بىلدىرمەيدى, اركىم قاتەلەسەدى, بۇل جالپى تۇلعا مەن قابىلەتتەر تۋرالى ەشتەڭە ايتپايدى. ءوز قاتەسىن مويىنداۋ سپورتشى ءۇشىن ۇيالاتىن نارسەگە اينالماۋى كەرەك, بۇل جۇمىس ىستەۋگە مۇمكىندىك, جانە دە ىستەيتىن نارسە بولعانى جاقسى. ەندى, ەگەر قاتەلەر بولماسا, ءسىز وزىڭىزگە ۋاقىتىندا قيىنىراق تاپسىرما بەرمەسەڭىز, بۇل شىعارماشىلىق ءوسۋ مەن دامۋدا قاۋىپ تۋدىرادى. العا كەلەسى ماسەلەلەردى قويۋ كەرەك. مىسالى: «نەمەن جۇمىس ىستەۋ كەرەك؟ ماقساتىڭىزعا جەتۋگە نە كەدەرگى؟ قاتەمدى تاپقان سوڭ نە ىستەيمىن؟ جەڭىلىستىڭ ءتيىمدى تاجىريبەسى سپورتشىنىڭ «جاعىمسىز ەموتسيالاردان, ۇمىتسىزدىك ورىسىنەن» شىعۋ تاجىريبەسىن الۋىنا, ولاردان قورقۋدى, جەڭىلۋدەن قورقۋدى توقتاتادى, بۇل ونى ۇلكەن ويشىلدىق جانە قوزعالىستىق ەركىندىككە اكەلەدى, سونىمەن قاتار جەڭىسكە جەتۋ ىقتيمالدىعىن ايتارلىقتاي ارتتىرادى.
وسى ورايدا, جەڭىلۋ ىقتيمالدىعىن ازايتۋ ءۇشىن ماقساتتى دايىندىق قاجەت, ناقتى ءىس-قيمىل جوسپارى جانە «ۆ» جوسپارى, ياعني ىقتيمال توسىن جاعدايلار كەزىندە الدىن الا جوسپارلانعان قادامدار. تابىستى سپورتشى تالداۋ جانە جۇيەلەۋ قابىلەتىن دامىتۋى كەرەك. كاسىبي سپورتتىڭ باستى ماقساتى – جەڭىس. سپورتشىلار جۇلدەلەر, مەدالدار مەن اتاقتار ءۇشىن جارىسادى, حالىقارالىق جانە رەسپۋبليكالىق جارىستاردا ءوز كوماندالارى مەن ەلدەرىنىڭ نامىسىن قورعايدى.
سپورتتىق جەتىستىككە جەتۋ جولىنداعى ەڭ قيىن نارسە – ادامنىڭ تابيعي جالقاۋلىعىن جەڭۋ. كوپتەگەن جەڭىل قول جەتكىزە الاتىن قىزىقتىراتىن دۇنيەلەردىڭ بولۋى بۇگىندە سپورتشىلاردىڭ ىنتاسىن تۇسىرەدى, ولاردى سپورتپەن تولىقتاي اينالىسۋ مۇمكىندىگىنەن ايىرادى. ءارتۇرلى شەكتەۋلەرگە تولى كۇندەلىكتى ءوز-وزىمەن جۇمىس جاساۋ - سپورتتىق تابىستىڭ نەگىزى. سوندىقتان ەڭ الدىمەن, جاڭا باستاعان سپورتشىعا كەڭەس بەرۋگە بولاتىن نارسە - ءتارتىپتى ساقتاۋ, جاتتىقتىرۋشىسىنا سەنىم ءبىلدىرۋ. وسى فاكتورلاردى بىرىكتىرۋ ارقىلى عانا تابىسقا جەتۋگە بولادى. سپورتتىق مانساپتاعى وزگەرىستى كەزەڭ ادەتتە 15-18 جاستا بولادى. سپورتشىنىڭ الدىندا تاڭداۋ تۇرادى: وقۋ مەن سپورتتى بىرىكتىرۋ, تولىعىمەن سپورتپەن اينالىسۋ نەمەسە سپورتتى تاستاپ, وقۋ. مەكتەپتى اياقتاعان كەزدە وقۋ جانە سونىمەن بىرگە سپورتتىق مانساپتى الىپ ءجۇرىپ جەتىستىككە جەتۋ قيىنعا سوعادى. سونىمەن قاتار, وسى جاستا گورمونالدى فون وزگەرەدى جانە جاڭا قىزىعۋشىلىقتار پايدا بولادى - مۇنىڭ ءبارى سپورتشىلاردى ءومىرىنىڭ كوپ بولىگىن ارناعان نارسەدەن باس تارتۋعا يتەرمەلەيدى.
سوندىقتان سپورتتىق قىزمەت, اسىرەسە باسەكەگە قابىلەتتى, ادامنان ۇلكەن كۇشتى, ونىڭ ىشىندە ەموتسيونالدى كۇشتىڭ بولۋىن تالاپ ەتەدى. جاتتىقتىرۋشى, ادەتتە, جارىس الدىندا ءارتۇرلى شارالاردى قولدانا وتىرىپ, ستارت الدىنداعى رەاكتسيانىڭ قالىپتاسۋىنا وڭ اسەر ەتۋگە ۇمتىلادى. ماكسيمالدى ناتيجەگە جەتۋ ءۇشىن پسيحيكانى وڭتايلى كۇيگە كەلتىرۋگە قاجەتتى ۋاقىت بارلىق سپورتشىلار ءۇشىن ءارتۇرلى بولۋى ابدەن مۇمكىن. ءاربىر جاتتىقتىرۋشى ءوز سپورتشىسىن ءينتۋيتيۆتى تۇردە ءتۇسىنۋى قاجەت. جارىس باستالماس بۇرىن, دەنە شىنىقتىرۋ كەزىندە ءسىز سپورتشىعا باعىتتالماسا دا, ءوزىڭىزدى, سوزدەرىڭىزدى جانە ارەكەتتەرىڭىزدى مۇقيات باقىلاۋىڭىز كەرەك. سپورتشى جاتتىقتىرۋشىدان قولداۋ, كەڭەس, پروتسەسكە قاتىسۋدى كۇتەدى. ال جاتتىقتىرۋشىنىڭ الداعى جارىسقا دەگەن وڭ كوزقاراسىن قالىپتاستىرۋ, سەنىمدى نىعايتۋ كوبىنە ماڭىزدىراق بولىپ تابىلادى. جاتتىقتىرۋشى ارقاشان تالىمگەر بولا الادى دەگەندى العا تارتساق, جاتتىقتىرۋشى ماماندىعىن تاڭداي وتىرىپ, سپورتشىلار بارلىق نيۋانستار مەن وزەكتى ماسەلەلەردى بىلەتىن سۇيىكتى ىسىمەن اينالىسادى. بۇل ولاردىڭ جۇمىسقا تەز ۇيرەنۋىنە كومەكتەسەدى.
مادەنيەت جانە سپورت ءمينيسترىنىڭ 2023 جىلعى 3 شىلدەدەگى بۇيرىعىمەن سپورتشىلار مەن جاتتىقتىرۋشىلارعا ءومىر بويى اي سايىنعى ماتەريالدىق قامتامىز ەتۋ قاعيدالارى بەكىتىلدى. سپورتقا كەمىندە 20 جىل ەڭبەك ەتكەن وليمپيادا چەمپيوندارى مەن ولاردىڭ جاتتىقتىرۋشىلارى ءومىر بويى اي سايىنعى قارجىلىق قولداۋعا قۇقىعى بار. وسى ورايدا, مەن بالالارىمدى ولار بەيىم جانە جەكە وزدەرىنە پايدالى بولاتىن سپورت تۇرىمەن اينالىسقانىن قولداۋدى ءجون سانايمىن. بالانىڭ قالاۋى – زاڭ, ال ءبىزدىڭ باستى مىندەتىمىز – ءوزىمىزدىڭ قالاۋىزىمىزدى ورىنداۋ ءۇشىن ول ءۇشىن شەشىم جاساماي, دۇرىس بايسالدى تاڭداۋ جاساۋعا ۇيرەتۋ. بالالاردىڭ ءومىرى ءدال وسىنداي جاعدايلارمەن قيىنداتىلعان, سەبەبى بالالارعا تاڭداۋ مۇمكىندىگى سيرەك بەرىلەدى, سوندىقتان تاڭداۋ جاساۋعا مۇمكىندىك بەرۋ كەرەك. الدىمەن, موتيۆاتسيا - بۇل ءسىزدىڭ ماقساتتارىڭىزعا جەتۋگە جانە وعان جەتۋ ءۇشىن مۇمكىندىك بەرەتىن قۋاتتى جەكە قۇرال ەكەنىن ايتۋ كەرەك.
موتيۆاتسيا ادامنىڭ بارلىق ءىس-ارەكەتىندە جانە, ارينە, جاتتىعۋلار مەن جارىستاردا ماڭىزدى. مەنىڭ ويىمشا, ستارتتاردا ءساتتى ونەر كورسەتۋ جانە جوعارى سپورتتىق ناتيجەگە جەتۋ ءۇشىن قارجىلىق جانە جەكە موتيۆاتسيانى بىرىكتىرۋ قاجەت.
كاسىبي سپورتتا جەتىستىككە جەتۋ جولىندا كيىنشىلىقتارعا تاپ بولماۋ مۇمكىن ەمەس. بىراق ەگەر ءسىز ولاردى ۋاقىتىندا بايقاپ, جەڭە الساڭىز, بولاشاق چەمپيوندى ماقساتقا جەتۋ جولىندا ەشتەڭە توقتاتا المايدى.
چەمپيونداردى تاربيەلەۋگە دەگەن قىزىعۋشىلىق ەڭ الدىمەن سپورتشىلاردىڭ اتا-انالارىندا, سپورتشىلاردىڭ وزدەرىندە, سانالى سپورتشىلاردا بولاتىنى بۇگىندە ءجيى كەزدەسەدى. وكىنىشكە وراي, كەيبىر سپورت مەكەمەلەر باسشىلارى, شەبەرلەر كوماندالارى, جاتتىقتىرۋشىلار قىزىعۋشىلىق تانىتپايدى, قازىرگى سپورت كوبىنە پايدا تابۋدى كوزدەيدى.
سوندىقتان دا بولار, قازىر سپورتشىلار اراسىندا قىزىعۋشىلىقسىز جاتتىعۋ سياقتى قيىنشىلىقتارعا كەزىگۋدەمىز, بۇل دايىندىقتى ۇعىنباي جاساۋعا اكەلەدى. نەمەسە ەرەكشە جاعدايلار, جاسىنا سايكەس كەلمەيتىن جۇمىس جۇكتەمەسى, جاعىمسىز الەۋمەتتىك-پسيحولوگيالىق كليمات, الەۋمەتتىك رولدەردى اۋىستىرۋ, دۇرىس ەمەس قالپىنا كەلتىرۋ جانە ادىلەتسىز تورەشىلىك, كەز كەلگەن جولمەن ناتيجە, وزىنە سەنىمسىزدىك, كۇتۋ نەۆروزى بولادى.
كۇتپەگەن كەدەرگىلەر – بۇل سپورتشىلار تابىسقا جەتۋ جولىندا كەزدەسەتىن قيىندىقتار, كەدەرگىلەر, قاۋىپتەر. جانە ولاردى جەڭىپ, ماقساتىنا جەتۋ – باستى پارىز.
بۇگىندە ەلىمىزدىڭ سپورت مايتالماندارى ماڭىزدى جارىستار الدىندا تىڭعىلىقتى دايىندىق جاتتىعۋلارىن وتكىزدى. قىتايدىڭ حانچجوۋ قالاسىندا وتكەن ءحىح جازعى ازيا ويىندارىندا ەل نامىسىن قورعاعان ەلىمىزدىڭ سپورتشىلارى 10 التىن, 22 كۇمىس, 48 قولا مەدال يەلەنگەنى بارشامىزعا ءمالىم.
وليمپيادا ويىندارى اعىمداعى جىلدىڭ 26 شىلدەسى مەن 11 تامىزى ارالىعىندا فرانتسيانىڭ پاريج قالاسىندا وتەدى. 2024 جىلى پاريج (فرانتسيا) قالاسىندا وتەتىن جازعى وليمپيادا جانە پارا وليمپيادا ويىندارىنا ەسكەرسەك, ۋاقىت از. اۋقىمدى جۇمىستار اتقارۋ كەرەك! بۇگىنگى تاندا پاريج-2024 وليمپيادا ويىندارىنا قازاقستان رەسپۋبليكاسىنىڭ قۇراما كومانداسى قورجىنىندا 53 ليتسەنزياسىنا يە.
پاريج-2024 وليمپيادا ويىندارىنا ليتسەنزيا ءتىزىمى:
بوكستان (ەر) 6 ليتسەنزيا
بايداركا مەن كانوەدا ەسۋ 6 ليتسەنزيا
سەمسەرلەسۋ 5 ليتسەنزيا
نىسانا كوزدەۋ 5 ليتسەنزيا
گرەك-ريم كۇرەسى 4 ليتسەنزيا
ساداق اتۋ 4 ليتسەنزيا
ۆەلوسپورت 3 ليتسەنزيا
ەركىن كۇرەس 3 ليتسەنزيا
قازىرگى بەسسايىس 2 ليتسەنزيا
تاەكۆوندو 2 ليتسەنزيا
سپورتتىق گيمناستيكا 2 ليتسەنزيا
ستەند اتۋ 2 ليتسەنزيا
جەڭىل اتلەتيكا 2 ليتسەنزيا
ۆەلوترەكۋ 2 ليتسەنزيا
ايەلدەر بوكسى 1 ليتسەنزيا
كوركەم گيمناستيكا 1 ليتسەنزيا
اكادەميالىك ەسۋ1 ليتسەنزيا
باتۋتتىق گيمناستيكا 1 ليتسەنزيا
بادمينتون 1 ليتسەنزيا
جازعى پاراليمپيادا ويىندارى 28 تامىز بەن 08 قىركۇيەك ارالىعىندا پاريج (فرانتسيا) قالاسىندا وتەدى.
ۇلتتىق قۇراما كومانداسى كەلەسى سپورت تۇرلەرى بويىنشا قاتىسۋى جوسپارلانۋدا: پارا دزيۋدو, پارا ءجۇزۋ, پارا ۇستەل تەننيسى, پارا وق اتۋ, پارا جەڭىل اتلەتيكا, پارا پاۋەرليفتينگ, پارا تاەكۆوندو, پارا كانوە, ۆولەيبولدى وتىرىپ ويناۋ.
بۇگىنگى تاڭدا قازاقستان سپورتشىلارى ۆولەيبولدى ەرلەر اراسىندا وتىرىپ ويناۋ-1, پارا جەڭىل اتلەتيكا-1, پارا دزيۋدو, پارا ءجۇزۋ-3, پارا كانوە-1, پارا پاۋەرليفتينگ-1, پارا تاەكۆوندو-3, پارا وق اتۋ-1 سپورت تۇرلەرى بويىنشا 11 ليتسەنزياعا يە بولدى.
قازاقستان قۇراماسىنا وليمپيادا ويىندارىندا ءبىرىنشى كەزەكتە ساتتىلىك تىلەيمىن! ءبىزدىڭ سپورتشىلار ماڭىزدى سىناقتاردان ءوتتى جانە الداعى بايراقتى باسەكەلەردە دە جەڭىستىڭ تۋىن جەلبىرەتەدى دەگەن سەنىمىم مول!
ولجاس اكىموۆ,
قازاقستاننىڭ ەڭبەك سىڭىرگەن جاتتىقتىرۋشىسى, PhD دوكتور
