الماتى ءومىر ءسۇرۋ ساپاسى بويىنشا ماسكەۋ مەن شانحايدى باسىپ وزدى

ءبىر قىزىعى, رەيتينگتە الماتى 260-شى, استانا 289-شى, شىمكەنت 482-ورىنعا جايعاستى.

الماتى قالاسى دوحا (كاتار), كراكوۆ (پولشا), بۋەنوس-ايرەس (ارگەنتينا), شانحاي (قحر), ماسكەۋ (رەسەي), ت.ب. سياقتى دۇنيە جۇزىنە ايگىلى جانە ءىرى قالالاردى باسىپ وزدى. 

ەلوردامىز الماتىدان 29 ورىننان كەيىن جايعاسقانىمەن, لەيپتسيگ (گەرمانيا), افينى (گرەكيا), فلورەنتسيا (يتاليا), انكارا (تۇركيا), ريگا (لاتۆيا), مەككە (ساۋد ارابياسى), دەلي ء(ۇندىستان)  قالالارىنان وزىپ ءتۇستى.

شىمكەنت ءوز كەزەگىندە دجاكارتا (يندونەزيا), ءۇرىمشى (قحر), رابات (ماروككو), پرەتوريا (وڭتۇستىك افريكا), گاۆانا (كۋبا), مينسك (بەلارۋس), قازان (رەسەي) قالالارىن ارتتا قالدىردى.

جوبا اۆتورلارى قالالاردى قانداي كريتەريلەر بويىنشا باعالادى؟ ولار: ەكونوميكا, ادام كاپيتالى, ءومىر ءسۇرۋ ساپاسى, قورشاعان ورتا جانە باسقارۋ. ولاردىڭ ارقايسىسى بىرقاتار كورسەتكىشتەردى قامتيدى, ماسەلەن: ەكونوميكالىق جانە ساياسي تۇراقتىلىق, ءبىلىم دەڭگەيى مەن تۇرعىنداردىڭ جاس ەرەكشەلىكتەرى, ينتەرنەتكە قولجەتىمدىلىك, مادەني نىسانداردىڭ سانى, اۋا ساپاسى, اۋا رايىنىڭ اۋىتقۋلارى. ناتيجەسىندە بارلىعى 27 كورسەتكىش بار.

مىسالى, «قورشاعان ورتا» كاتەگورياسى اۋانىڭ تازالىعى, تەمپەراتۋرا اۋىتقۋلارى, جاۋىن-شاشىن, زياندى شىعارىندىلاردىڭ قارقىندىلىعى, تابيعي اپاتتار سياقتى كورسەتكىشتەردەن تۇرادى. ادامي كاپيتال كورسەتكىشىنە ءبىلىم دەڭگەيى, حالىق سانىنىڭ ءوسۋى, ۋنيۆەرسيتەتتەر, ازاماتتاردىڭ جاس ەرەكشەلىكتەرى, حالىقارالىق كومپانيالاردىڭ شتاب-پاتەرى سياقتى فاكتورلار اسەر ەتەدى. 

ەلىمىزدىڭ قالالارى باعالانعان كريتەريلەر بويىنشا:

• الماتى: ەكونوميكا – 1000-نان 338-ءشى ورىندا, ادام كاپيتالى – 55-ءشى, ءومىر ءسۇرۋ ساپاسى – 313-ءشى ورىندا, ەكولوگيا – 721-ءشى ورىندا, باسقارۋ – 605-ءشى ورىندا.
• استانا: ەكونوميكا – 1000 ورىننان 258 ورىن, ادام كاپيتالى – 115, ءومىر ءسۇرۋ ساپاسى – 356, ەكولوگيا – 571, باسقارۋ – 605 ورىندا.
• شىمكەنت: ەكونوميكا – 1000-نان 566, ادام كاپيتالى – 264, ءومىر ءسۇرۋ ساپاسى – 523, ەكولوگيا – 806, مەملەكەتتىك باسقارۋ – 605 ورىندى يەلەندى.

قىرمىزى جۇماعاليقىزى,

ەۇۋ ستۋدەنتى